آبلہ پائی کا قرار گیا:: از :: فاتح الدین بشیر

[محمد خلیل الرحمٰن]

غزل​

آبلہ پائی کا قرار گیا​

لطف ہمراہِ نوکِ خار گیا​

​

کون کر پاتا پھر مسیحائی​

تیرا مجروح سوئے دار گیا​

​

داد تجھ کو ترے کمال کی، تُو​

اپنے ہی کشتگاں کو مار گیا​

​

دل کا سودا کبھی رہا تھا مگر​

برسرِ حرص کاروبار گیا​

​

دولتِ نشّۂ وفا نہ رہی​

خواہشِ زر میں یہ خمار گیا​

​

رہ گیا جسم ہی اساسِ وجود​

روح کا میری تار تار گیا​

​

شرم، عزت، حیا، وفا، ناموس​

پیرہن سارے تُو اتار گیا​

​

کس پہ اب اعتبار کیجے بشیرؔ​

ہر تعلق کا اعتبار گیا​

فاتح الدین بشیر​

 

[الف عین]

شکریہ خلیل، فاتح کی زبردست غزل یہاں پوسٹ کرنے کا۔
فاتح، واہ

داد تجھ کو ترے کمال کی، تُو​

اپنے ہی کشتگاں کو مار گیا​

لیکن خلیل مقطع غلط ٹائپ کیا گیا ہے۔​

کس پہ اب اعتبار کیجیے بشیرؔ​

ہر تعلق کا اعتبار گیا​

محل ک ی ج ے کا ہے​

​

 

[محمد خلیل الرحمٰن]

شکریہ خلیل، فاتح کی زبردست غزل یہاں پوسٹ کرنے کا۔
فاتح، واہ

داد تجھ کو ترے کمال کی، تُو​

اپنے ہی کشتگاں کو مار گیا​

لیکن خلیل مقطع غلط ٹائپ کیا گیا ہے۔​

کس پہ اب اعتبار کیجیے بشیرؔ​

ہر تعلق کا اعتبار گیا​

محل ک ی ج ے کا ہے​

​

تدوین کردی ہے استادِ محترم

 

[باباجی]

واہ بہت خوب

شرم، عزت، حیا، وفا، ناموس
پیرہن سارے تُو اتار گیا

 

[سید زبیر]

بہت خوبصورت کلام
رہ گیا جسم ہی اساسِ وجود
روح کا میری تار تار گیا

 

[فاتح]

بہت شکریہ برادرم محمد خلیل الرحمٰن
اعجاز صاحب، فراز صاحب اور سید زبیر صاحب کا بھی تہ دل سے ممنون ہوں۔

 

[نایاب]

کلاسیک ۔۔۔۔۔۔۔۔۔۔۔۔۔۔۔۔۔
بہت سادہ بہت گہری ۔۔۔۔۔۔۔۔۔۔۔۔۔۔۔۔۔

 

[محمد وارث]

شکریہ خلیل صاحب قندِ مکرر کیلیے، اس شعر کا تو جواب نہیں​

​

داد تجھ کو ترے کمال کی، تُو​

اپنے ہی کشتگاں کو مار گیا​

​

 

[محمداحمد]

واہ واہ واہ

کیا ہی خوبصورت غزل ہے۔ ایک ایک شعر لاجواب ہے کس کس شعر کی داد دی جائے۔

وائے حیرت کہ ہم نے شاہکار غزل دیکھی ہی نہیں۔۔۔۔!

بہت بہت شکریہ خلیل الرحمٰن بھائی۔۔۔۔!

اور بہت سی داد قبول کیجے فاتح بھائی۔۔۔!

 

[محمداحمد]

فاتح بھائی ۔۔۔!

وہ آڈیو کلپ بھی تو یہاں لگائیں جس کے ذکر کی بدولت ہم یہاں تک پہنچے ہیں۔

 

[غدیر زھرا]

بہت خوب

 

[کاشفی]

عمدہ شراکت۔ اور بہت خوبصورت غزل۔
شکریہ شیئر کرنے کے لیئے۔۔

 

[فاتح]

تمام احباب بشمول نایاب محمد وارث محمداحمد کاشفی اور غدیر زھرا کا تہ دل سے ممنون ہوں۔

فاتح بھائی ۔۔۔ !

وہ آڈیو کلپ بھی تو یہاں لگائیں جس کے ذکر کی بدولت ہم یہاں تک پہنچے ہیں۔

آڈیو کلپ کہیں اپلوڈ کرتا ہوں