منظر بھوپالی ستم کروگے ستم کریں گے - منظر بھوپالی

[کاشفی]

ستم کروگے ستم کریں گے
کرم کروگے کرم کریں گے
ہم آدمی ہیں تمھارے جیسے
جوتم کروگے وہ ہم کریں گے

چلائے خنجر تو گھاؤ دیں گے
بنوگے شعلہ آلاؤ دیں گے
ہمیں ڈبونے کی سوچنا مت
تمہیں بھی کاغذ کی ناؤ دیں گے
قلم ہوئے تو قلم کریں گے
جو تم کروگے وہ ہم کریں گے

تم اُٹھتے ہاتھوں کو کاٹ ڈالو
کہ شہر لاشوں سے پاٹ ڈالو
پھر اگلا موسم ہمارا ہوگا
چمن کا سبزہ بھی چاٹ ڈالو
کہ ہم بھی نہ اس سے کم کریں گے
جوتم کروگے وہ ہم کریں گے

گلاب دوگے، گلاب دیں گے
محبتوں کا جواب دیں گے
خوشی کا موسم جو ہم کو دو گے
تمہیں گلوں کی کتاب دیں گے
کبھی سروں کو نہ خم کریں گے
جو تم کروگے وہ ہم کریں گے

وہ دیکھو ظالم کی ہار دیکھو
خدا کی لاٹھی کی مار دیکھو
پروں کو سب کے جو کاٹتا ہے
سمے کے خنجر کی دھار دیکھو
چلو کے جشن اب ہم کریں گ
جو تم کروگے وہ ہم کریں گے

ہواؤں کو اب لگام دے لو
سنو نہ چنگاریوں سے کھیلو
ملی جو رائی بنے گی پروت
ذرا حقیقت سے کام لے لو
ستم کے بدلے ستم کریں گے
جو تم کروگے وہ ہم کریں گے

ابھی رمق بھر ہے روشنی کی
کہ آس باقی ہے زندگی کی
اگر بجھایا آلاؤ تو پھر
نہ ہوگی اک بوند روشنی کی
چراغ کچھ ہم بھی کم کریں
جو تم کروگے وہ ہم کریں گے

نیائے تم کو پکارتا ہے
سنو جو تم میں اُدارتا ہے
ہمیشہ جیتی ہے آدمیت
جو ظلم کرتا ہے ہارتا ہے
ستم کا سر ہم قلم کریں گے
جو تم کروگے وہ ہم کریں گے

ستم کروگے ستم کریں گے
جو تم کروگے وہ ہم کریں گے
(منظر بھوپالی)

 

[قیصرانی]

خوب انتخاب ہے برادر

 

[کاشفی]

خوب انتخاب ہے برادر

بیحد شکریہ برادر! خوش و خرم رہیئے، جیتے رہیئے، دودھو نہائیں اور پوتو پھلیں۔۔آمین۔۔

 

[قیصرانی]

بیحد شکریہ برادر! خوش و خرم رہیئے، جیتے رہیئے، دودھو نہائیں اور پوتو پھلیں۔۔آمین۔۔

جیتے رہیئے برادر

 

[الف عین]

اس کا ماخذ کیا ہے، کتاب یا انٹر نیٹ؟

 

[کاشفی]

اس کا ماخذ کیا ہے، کتاب یا انٹر نیٹ؟

محترم عزت مآب جناب منظر بھوپالی صاحب ہمارے یہاں آتے رہتے ہیں۔۔ کراچی سے انہیں پیار ہے۔اور کراچی والوں کو ان سے پیار ہے۔۔ان کی بڑی عزت ہے ہمارے یہاں۔۔۔کراچی والوں کے لیئے بہت کچھ لکھتے رہتے ہیں۔ اسی تناظر میں ان کی یہ غزل بھی ہے۔
ماخذ ہے مسٹر یو ٹیوب بین ان پاکستان

​

 

[نیرنگ خیال]

واہ کاشفی بھائی واہ۔۔۔ اللہ جزا دے۔۔۔ کیا ہی بہترین انتخاب ہے۔

 

[فاتح]

ستم کروگے ستم کریں گے
کرم کروگے کرم کریں گے
ہم آدمی ہیں تمھارے جیسے
جوتم کروگے وہ ہم کریں گے

واہ واہ خوبصورت انتخاب
اس نظم کا یہ بند تو بچپن سے کراچی کے گلی کوچوں کی دیواروں اور بینروں پر پڑھتے آئے ہیں لیکن یہ معلوم نہ تھا کہ یہ منظر بھوپالی کی نظم کا بند ہے۔

 

[طارق شاہ]

واہ واہ خوبصورت انتخاب
اس نظم کا یہ بند تو بچپن سے کراچی کے گلی کوچوں کی دیواروں اور بینروں پر پڑھتے آئے ہیں لیکن یہ معلوم نہ تھا کہ یہ منظر بھوپالی کی نظم کا بند ہے۔

فاتح بھائی اس کا مطلب یہ ہوا کہ منظر بھوپالی صاحب بچپن ہی سے شاعری کر رہے ہیں
بھوپالی صاحب کی پیدائش late 50's کی ہے

 

[کاشفی]

واہ کاشفی بھائی واہ۔۔۔ اللہ جزا دے۔۔۔ کیا ہی بہترین انتخاب ہے۔

بہت شکریہ بھائی۔۔اللہ رب العزت آپ کو خیرو عافیت عطا فرمائے۔۔اور ہمیشہ خوش رکھے۔۔آمین

 

[کاشفی]

واہ واہ خوبصورت انتخاب
اس نظم کا یہ بند تو بچپن سے کراچی کے گلی کوچوں کی دیواروں اور بینروں پر پڑھتے آئے ہیں لیکن یہ معلوم نہ تھا کہ یہ منظر بھوپالی کی نظم کا بند ہے۔

بہت شکریہ نظم کی پسندیدگی کے لیئے فاتح الدین بشیر بھائی۔۔۔
آپ بالکل صحیح فرما رہے ہیں۔
محترم منظر بھوپالی صاحب نے کراچی والوں کے جذبات کی ترجمانی کی ہے اس نظم کے ذریعے۔۔

 

[فاتح]

فاتح بھائی اس کا مطلب یہ ہوا کہ منظر بھوپالی صاحب بچپن ہی سے شاعری کر رہے ہیں
بھوپالی صاحب کی پیدائش late 50's کی ہے

قبل از پیدائش کہیے حضور

 

[کاشفی]

بہت شکریہ طارق شاہ صاحب! خوش رہیئے۔

 

[کاشفی]

بہت شکریہ صائمہ شاہ جی! خوش رہیئے۔۔۔

 

[کاشفی]

بہت شکریہ فرخ صاحب! خوش رہیئے۔۔

 

[کاشفی]

بہت شکریہ محمد خلیل الرحمٰن صاحب! خوش رہیئے۔۔

 

[ایچ اے خان]

بہت ہی خودغرضانہ خیال ہے
کہ جو تم کرو گے وہ ہم کریں گے۔
یعنی ظلم کرو گے تو ظلم کریں گے؟

نہیں یہ ہماری اقدار نہیں

ہونا یہ چاہیے کہ
ستم کرو گے کرم کریں گے ظلم کرو گے رحم کریں گے
ہم ادمی ہیں تھمارے جیسے پر جو تم کرو گے نہ ہم کریں گے

 

[کاشفی]

بہت ہی خودغرضانہ خیال ہے
کہ جو تم کرو گے وہ ہم کریں گے۔
یعنی ظلم کرو گے تو ظلم کریں گے؟

نہیں یہ ہماری اقدار نہیں

ہونا یہ چاہیے کہ
ستم کرو گے کرم کریں گے ظلم کرو گے رحم کریں گے
ہم ادمی ہیں تھمارے جیسے پر جو تم کرو گے نہ ہم کریں گے

اَنکل آپ جو بھی فرما رہے ہیں وہ دُرشت فرما رہے ہوں گے۔۔آئی ڈونٹ نو۔ بٹ لیکن
مگر یہ محترم منظر بھوپالی کی شاعری ہے۔۔اگر آپ کوئی نظم لکھنا چاہتے ہیں تو لکھیں۔۔ہم پڑھنے کے لیئے تیار ہیں۔۔

 

[ایچ اے خان]

چلائے خنجر تو گھاؤ دیں گے
بنوگے شعلہ آلاؤ دیں گے
ہمیں ڈبونے کی سوچنا مت
تمہیں بھی کاغذ کی ناؤ دیں گے
قلم ہوئے تو قلم کریں گے
جو تم کروگے وہ ہم کریں گے

ستم کروگے ستم کریں گے
جو تم کروگے وہ ہم کریں گے
(منظر بھوپالی)

نہیں غلط

چلائے خنجر تو سینہ دیں گے
بنوگے شعلہ تو آب دیں گے


ستم کروگے کرم کریں گے
جو تم کروگےنہ ہم کریں گے

 

[ایچ اے خان]

بھوپالی کی شاعری پر تنقید کرنا میراحق ہے
بیٹا یہ شاعری خودغرضانہ اور فسادی ہے