دل ہے کہ جستجو کے سرابوں میں قید ہے - معصوم شرقی

[سیدہ شگفتہ]

دل ہے کہ جستجو کے سرابوں میں قید ہے
ورنہ ہر ایک چہرہ نقابوں میں قید ہے

فرصت کہاں کہ ڈھونڈے غمِ دہر کا علاج
ہر شخص اپنے غم کے حسابوں میں قید ہے

کیا خاک ہوں نصیب یہاں سربلندیاں
جوشِ عمل تو آج کتابوں میں قید ہے

تسخیر کائنات کی مہلت کسے یہاں
ہر ذہن اپنے جملہ حسابوں میں قید ہے

سُونے پڑے ہیں دل کے در و بام ان دنوں
جلوؤں کا اہتمام حجابوں میں قید ہے

لے دے کے بچ رہی ہے جو تہذیب کی زباں
معصوم وہ بھی عالی جنابوں میں قید ہے

(معصوم شرقی)
​

 

[قرۃالعین اعوان]

واہ واہ!!
بہت خوب انتخاب شگفتہ سس!!☺

 

[یوسف سلطان]

فرصت کہاں کہ ڈھونڈے غمِ دہر کا علاج
ہر شخص اپنے غم کے حسابوں میں قید ہے

بہت خوب

 

[یاز]

بہت عمدہ غزل ہے شگفتہ جی۔ ان شاعر کا نام پہلی دفعہ سنا ہے، لیکن کمال کے شاعر لگتے ہیں۔