پنجابی شاعری

امرتا پریتم دی اِک نظم گلزار صاحب دی آواز وچ YouTube - Amrita Pritam's poem recited by Gulzar

کافی بلھے شاہ کیہہ بے درداں دے سنگ یاری روون اکّھیاں زار و زاری سانوں گئے بے دردی چھڈ کے سینے سانگ ہجر دی گڈ کے جسموں جند لوں لے گئے کڈھ کے ایہہ گل کر گئے ہینسیاری کیہہ بے درداں دے سنگ یاری روون اکّھیاں زار و زاری بے درداں دا کیہہ بھرواسا خوف نہیں دل اندر ماسا چڑیاں موت، گواراں ہاسا مگروں...

کدی آمل یار پیاریا تیری واٹاں تو سرواریا چڑھ باغیں کوئل کوکدی نت سوزا الم دے پھوکدی مینو تتڑی کوں شام وساریا کدی آمل یار پیاریا تیری واٹاں تو سرواریا بُلھا شوہ کدی گھر آوسی میری بلدی بھاہ بجھاوسی اوہدی واٹاں تو سر واریاں کدی آمل یار پیاریا تیری واٹاں تو سرواریا

مَینوں پاگل پن درکار مَینوں پاگل پن درکار لکھاں بھیس وَٹا کے ویکھے آسن کِتے جما کے ویکھے متھے تِلک لگا کے ویکھے کدھرے مون مَنا کے ویکھے اوہو ای رستے، اوہو ای پَینڈے اوہو ای آں میں چلّن ہار مَینوں پاگل پن درکار ہتھ کسے دے آؤ نا کیہ اے؟ ملاں نیں جتلاؤ نا کیہ اے؟ پنڈت پلّے پاؤ نا کیہ اے؟ رات...

قطعہ دین دی خاطر جگ تے اینی کیتی کار حُسین اللہ دی سونہہ لنگھ گیا اے حدّوں پار حُسین اج تک کفر دے ہڈّاں وچّوں اُٹھدی پئی اے پیڑ خورے کیہڑے نال طریقے ماری مار حُسین (بابا نجمی - اکھراں وچ سمندر)

اوہدے نال جدوں دی یاری ہو گئی اے میری دشمن چاری دیواری ہو گئی اے میلے وچ وی جی نیں کردا ہسّن نُوں جندڑی ایہو جیہی دکھیاری ہو گئی اے ماپیاں کولوں پُتّر لین حساب پئے دنیا کنّی کاروباری ہو گئی اے ردّی وچوں، وارث، رومی، لبھّا، میر کسراں منّاں دنیا قاری ہو گئی اے میرے وچ کمی نیں بابا اوہناں نُوں...

اکھّراں‌ وچ سمندر رکھّاں، سوچاں وچ جہان سجدے کرن فرشتے مینوں، میرا ناں انسان مینوں کِنج ہلا سکدے نیں، جھکّھڑ تے طوفان کھڑا واں، سَت زمیناں ڈھا کے، چُک کے سَت اَسمان جھوٹھا کیہڑا، سچّا کہیڑا، کِسراں کراں پچھان کھاندے پئے نیں قسماں سارے سر تے رکھ قرآن گڈ جیہا ایہہ جُثّا میرا بن جاندا اے پُھل...

اکھّراں وچ سمندر رکھّاں، میں اقبال پنجابی دا جھکّڑاں دے وچ رکھ دِتّا اے دِیوا بال پنجابی دا دُھوڑاں نال کدے نہیں مرنا، شیشے دے لشکارے نے جِنّی مرضی تِکھّی بولے اردو، بال پنجابی دا لوکی منگ منگا کے اپنا بوہل بنا کے بہہ گئے نیں اساں تے مٹّی کر دِتّا اے سونا گال پنجابی دا جیہڑے آکھن وچ پنجابی،...

کوفتہ بوٹی لئی تے ٹوکے دے نال قیمہ قیمہ کیتی محنت کر کے اس قیمے دی فیر بنائی بوٹی فیر بنایا قیمہ اسدا رکھ کے دنداں تھلے شاوا بلے بلے میں سالن کھاواں نالے ہساں تِما تِما بوٹی قیمہ، قیمہ بوٹی، مڑ بوٹی دا قیمہ کوفتے ورگا لگا مینوں سارا سفر اساڈا پانی دے وچ پینڈا کچھیا کھا کھا لمے غوطے...

غزل: پھلاں وانگوں لگے تازہ بھانویں مل دا نیئں او غازہ رات دے پچھلے پہریں آوے گھر دے وچوں اک آوازہ عشق دی منزل ڈاہڈی اوکھی بھلیا تینوں کیہہ اندازہ ہن اوہ کدی ناں آون لگا بھانویں کھول کے رکھ دروازہ چھڈ پرانیاں گلاں آصف غزلاں کہہ ہن تازہ تازہ

روزے حج نماز نی مائے مینوں پیا نے آن بھلائے جاں پیا دیاں خبراں پئیاں منطق نحو سبھے بھُل گئیاں اُس انہد تار بجائے روزے حج نماز نی مائے مینوں پیا نے آن بھلائے جاں پِیا میرے گھر آیا بھُلّی مینوں شرع وقایہ ہر مظہر وچ اوہا دِسدا لوکاں خبر نہ کائے روزے حج نماز نی مائے مینوں پیا نے...

غزل اوسے تھاں دی کریئے سیر جتھے رکھے اوہنے پیر روز فقیر دعا دیندا سب دا بھلا تے سب دی خیر سارے جانی دشمن نیں کیہڑا اپنا، کیہڑا غیر عشق داپانی ڈونہگا سی کنھے آکھیا اس وچ تیر ٹردیاں ٹردیاں ہو گیے نیں ٹھنڈے میرے ہتھ تے پیر

اک پنجابی غزل رکھاں وانگوں سایا کر لوکاں دے کم آیا کر شکلاں دھوکہ دیندیاں نیں شکلاں تے ناں جایا کر ویلا لنگھدا جاندا اے ویلے نوں ناں ضائع کر ساڈے ورگے لوکاں تے ایناں ظلم نا ڈھایا کر دل وچ آصف رب دی یاد ہر ویلے توں لایا کر

بلھے نوں سمجھاون آئیاں، بھیناں تے بھرجائیاں من لے بلھیا ساڈا کہنا، چھڈ دے پلّا رائیاں آل نبی اولادِ علی نوں، توں کیوں لیکاں لائیاں چیہڑا سانوں سیّد سدّے، دوزخ ملن سزائیاں جو کوئی سانوں رائیں آکھے، بہشتیں پینگھاں پائیاں رائیں سائیں سبھنیں تھائیں، رب دیاں بے پروائیاں سوہنیاں پرے ہٹائیاں نیں...

بھانویں جان نہ جان وے، ویہڑے آ وڑ میرے میں تیرے قربان وے، ویہڑے آ وڑ میرے تیرے جیہا مینوں ہور نہ کوئی ڈھونڈاں جنگل، بیلا، روہی ڈھونڈاں تاں سارا جہان وے، ویہڑے آ وڑ میرے میں تیرے قربان وے، ویہڑے آ وڑ میرے لوکاں دے بھانے چاک مہیں دا رانجھا تاں لوکاں وِچ کہیندا ساڈا تاں دین ایمان وے،...

بے حد رمزاں دسدا نی ڈھولن ماہی میم دے اوہلے وسدا نی ڈھولن ماہی اولیاء منصور کہاوے رمز اناالحق آپ بتاوے آپے آپ نوں دار چڑھاوے تے کول کھلو کے ہسدا نی ڈھولن ماہی بے حد رمزاں دسدا نی ڈھولن ماہی میم دے اوہلے وسدا نی ڈھولن ماہی

بلھا کیہ جاناں میں کون نہ میں مومن وچ مسیت آں نہ میں وچ کفر دی ریت آں نہ میں پاکاں وچ پلیت آں نہ میں موسٰی، نہ فرعون بلھا کیہ جاناں میں کون نہ میں اندر وید کتاباں نہ وچ بھنگاں، نہ شراباں نہ وچ رِنداں مست خراباں نہ وچ جاگن، نہ وِچ سون بلھا کیہ جاناں میں کون نہ وچ شادی نہ غمناکی نہ میں وچ...

آؤ سیّو رل دیو نی ودھائی میں ور پایا رانجھا ماہی اج تاں روز مبارک چڑھیا رانجھا ساڈے ویہڑے وڑیا ہتھ کھونڈی موڈھے کمبل دھریا چاکاں والی شکل بنائی آؤ سیّو رل دیو نی ودھائی میں ور پایا رانجھا ماہی مکٹ گئواں دے وِچ رُلدا جنگل جوہاں وچ کس مل دا ہے کوئی اللہ دے ول بھلدا اصل حقیقت خبر...

بس کر جی ہُن بس کر جی اِک بات اساں نال ہس کر جی تسی دل میرے وچ وسدے ہو اینویں ساتھوں دور کیوں نسدے ہو نالے گھت جادو دل کھسدے ہو ہُن کِت ول جاسو نس کر جی بس کر جی ہُن بس کر جی اِک بات اساں نال ہس کر جی تُسی مویاں نوں مار نہ کھُٹدے سی کِھدّو وانگ کھونڈی نال نِت کٹدے سی گل کردیاں دا...

اک نقطے وچ گل مُکدی اے پھر نکتہ چھوڑ حساباں نوں کر دور کفر دیاں باباں نوں لاہ دوزخ کور عذاباں نوں کر صاب دلے دیا خواباں نوں گل ایسے گھر وچ ڈھکدی اے اک نقطے وچ گل مکدی اے انوں متھا زمین گھسائی دا لمان پا محراب دکھائی دا پڑھ کلمہ لوک ہسائی دا دل اندر سمجھ نا لیائی دا کدی بات سچی...