مبارکباد آئیں مل کر عید کی خوشیاں منائیں۔۔:)

[ہادیہ]

کیا حال ہیں محفلین؟ امید ہے بفضلِ باری تعالی خیر و عافیت سے ہوں گے۔

پیارے ساتھیو !!! جیسا کہ آپ سب جانتے ہیں کہ رمضان مبارک کا مقدس مہینہ ختم ہورہا ہے مگر جاتے جاتے بھی ہم سب کو تحفے میں "عید الفطر" کی خوشیاں دے رہا ہے۔۔عید نام ہے خوشیاں منانے کا۔۔۔ روٹھے ہوؤں کو منانے کا۔۔ پھر سے گلے ملنے کا اپنوں سے۔۔ تمام گلے شکوے مٹا کر ۔۔ختم کرکے ۔۔پھر سے دوستوں سے۔۔ عزیزوں سے۔۔ ملنے کا دن۔۔

مگر ان سب کے ساتھ ساتھ ۔۔بچپن کی ایک خوبصورت اور دلچسپ روایت آپ سب کو یقیناََ یاد ہوگی(بھئی اب ہم سب اتنے بوڑھے بھی نہیں ہوگئے کہ بھول جائے)۔۔ جب ہم سب کی عید ایک دوسرے کو عید کے مبارکبادی کارڈز دیئے بغیر گزرتی ہی نہیں تھی۔ چاہے وہ ہماری پیاری سہلیاں ہوں یا عزیز و اقارب۔۔ بہت بہترین دور تھا۔۔ اور نا صرف عید کارڈز دیئے جاتے تھے بلکہ تحائف کا بھی تبادلہ بھی کیا جاتا تھا۔ میری عادت تھی سب فرینڈز کو جیولری جیسے چوڑیاں، ایر رنگز، رنگز، بریسلٹ وغیرہ وغیرہ دینے کی۔۔ اور اس کے ساتھ مہندی بھی ۔۔ گھر والوں کا بھی خوب خرچہ کرواتے تھے۔۔ لیکن بہت خوبصورت اور مزے کے دن تھے۔۔ پیاروں کی طرف سے دیے گئے کارڈز اور تحائف۔۔ ان سب کی یادیں آج بھی ہمیں خوش کرتی ہیں۔۔

لیکن اس جدید دور میں موبائل فونز، اور نیٹ نے یہ چھوٹی چھوٹی خوشیاں ہم سے دور کردی۔۔ اب عید کی صبح جب ڈھیروں پیغامات وصول ہوتے ہیں ۔۔یقین جانیے ان کی خوشی بھی ہوتی ہے مگر بچپن میں عید سے پہلے کارڈز دینے کا جو مزا تھا وہ "ان چند لفظوں" میں عید مبارک کہنے سے کیا حاصل ہوگا۔۔

میرا دل چاہتا ہے اس پہ بہت کچھ لکھوں ۔۔ مگر ایک تو میری اردو سبحان اللہ۔۔ دوسرا آپ سب کا بھی خیال ہے۔۔ بور ہوگئے تو ۔۔۔۔ جہاں تک بات ہماری محفل کی ہے۔۔ میں نے یہی نوٹ کیا ہے۔۔ سب چھوٹی سے چھوٹی خوشی کو بھی یادگار بنادیتے ہیں مبارکبادی لڑیاں بنا کر۔۔ جیسے کسی نے اگر ہزار مراسلے مکمل کیے فوراََ سے پیشتر مبارکبادی لڑی بنادی جاتی ہے۔ چاہے میری طرح صرف "بونگیاں" ہی ماری ہوں۔۔ ۔۔مقصد صرف خوش کرنا اور حوصلہ بڑھانا ہوتا ہے اور ایک دوسرے کی خوشی میں شریک ہونا۔۔ یہ تو ہوگئی ہماری محفل کی روایت۔۔

تو کیوں نا آج عید کی اس قدیم مگر دلچسپ روایت کو پھر سے زندہ کیا جائے(چاہے تصویروں کی حد تک ہی سہی) ہماری اس محفل میں۔۔آئیں مل کر سب چھوٹی عید کی چھوٹی چھوٹی خوشیوں کو دوبالا کریں۔۔۔۔۔ اور سب ایک دوسرے کو عید کارڈز دے سکتے ہیں۔۔

ابتداء میری طرف سے۔۔ پہلا کارڈ اردو محفل کے نام

​

 

[ہادیہ]

استاد محترم الف عین انکل جی کے لیے

 

[زیک]

محفل پر عید تو اس بار پشاور سے بھی پہلے آ گئی

 

[ہادیہ]

محفل پر عید تو اس بار پشاور سے بھی پہلے آ گئی

ہاہاہاہا
حد ہی ہوگئی ویسے۔۔
بھئی عید کارڈز تو عید سے پہلے دیتے ہیں۔

 

[ہادیہ]

محمد تابش صدیقی ، فرقان احمد ، محمد عدنان اکبری نقیبی ،
ابتداء میں نے کرلی ہے۔۔اب آپ تینوں بھائیوں کے حوالے۔۔ عید میں چند دن رہ گئے ہیں۔۔اس کو چلانا نہیں بلکہ دوڑانا ہے۔۔

 

[عرفان سعید]

محفل پر عید تو اس بار پشاور سے بھی پہلے آ گئی

ناسا نظام شمسی سے ماورا نئے سیاروں کو دریافت کرنے کی کو ششوں میں مگن ہے۔ سنا ہے تمام جدید دور بینیں بنانے کے منصوبے ختم کر دیے گئے ہیں جب سے پشاور کا ایک پٹھان ناسا میں بھرتی ہوا ہے۔

 

[یاز]

محفل پر عید تو اس بار پشاور سے بھی پہلے آ گئی

محفل نہ ہوئی، محفلِ قاسم خان ہو گئی۔

 

[ہادیہ]

یعنی آپ سب لوگ کارڈز نہیں دے رہے۔۔
حد ہوتی ہے کنجوسی کی بھی۔۔

 

[ہادیہ]

فرقان احمد بھائی نے کہا تھا عید کارڈز دینے کا سلسلہ پندرہ رمضان تک شروع کردیا جائے۔۔۔ میں نے تو پھر بھی کافی لیٹ شروع کیا۔۔ وجہ سب کو معلوم ہے۔۔

 

[زیک]

فرقان احمد بھائی نے کہا تھا عید کارڈز دینے کا سلسلہ پندرہ رمضان تک شروع کردیا جائے۔۔۔

ڈاک میں دیر ہونے کا ڈر تھا؟

 

[زیک]

یعنی آپ سب لوگ کارڈز نہیں دے رہے۔۔
حد ہوتی ہے کنجوسی کی بھی۔۔

کارڈ کا کیا کرنا۔ وقت آنے پر ہیپی عید سعید مبارک کہہ دیں گے

 

[ہادیہ]

کارڈ کا کیا کرنا۔ وقت آنے پر ہیپی عید سعید مبارک کہہ دیں گے

اوکے ایز یو وش۔۔

 

[یاز]

ناسا نظام شمسی سے ماورا نئے سیاروں کو دریافت کرنے کی کو ششوں میں مگن ہے۔ سنا ہے تمام جدید دور بینیں بنانے کے منصوبے ختم کر دیے گئے ہیں جب سے پشاور کا ایک پٹھان ناسا میں بھرتی ہوا ہے۔

سٹاروار کی بجائے نس وار پہ کام شروع تو نہیں کر دیا ناسا نے؟

 

[محمد تابش صدیقی]

محمد تابش صدیقی ، فرقان احمد ، محمد عدنان اکبری نقیبی ،
ابتداء میں نے کرلی ہے۔۔اب آپ تینوں بھائیوں کے حوالے۔۔ عید میں چند دن رہ گئے ہیں۔۔اس کو چلانا نہیں بلکہ دوڑانا ہے۔۔

بے فکر رہیں۔
عدنان بھائی جلد ہی کارڈ پوسٹ کر دیں گے۔
فرقان بھائی کے پاس بھی کافی ذخیرہ ہے۔
میں بھی اپنی سی کوشش کروں گا۔
یہ لڑی ان شاء اللہ کامیاب ہو گی۔
ہر فرد اپنی رائے رکھتا ہے، دوسروں کی آراء سے متزلزل نہیں ہوا کرتے۔

 

[فاخر رضا]

Friday, June 15, 2018 is the first day of Shawwal

میں اس ویب سائٹ کے حساب سے روزے شروع کرتا ہوں اور عید کرتا ہوں

سب کو عید مبارک ہو

خدا آپ سب کو ایسی ہزاروں عیدیں نصیب فرمائے آمین

 

[عرفان سعید]

سٹاروار کی بجائے نس وار پہ کام شروع تو نہیں کر دیا ناسا نے؟

عید کے قریب تو نس وار کے ساتھ نص وار بھی شروع ہو جاتی ہے۔

 

[فرقان احمد]

محمد تابش صدیقی ، فرقان احمد ، محمد عدنان اکبری نقیبی ،
ابتداء میں نے کرلی ہے۔۔اب آپ تینوں بھائیوں کے حوالے۔۔ عید میں چند دن رہ گئے ہیں۔۔اس کو چلانا نہیں بلکہ دوڑانا ہے۔۔

فرقان احمد بھائی نے کہا تھا عید کارڈز دینے کا سلسلہ پندرہ رمضان تک شروع کردیا جائے۔۔۔ میں نے تو پھر بھی کافی لیٹ شروع کیا۔۔ وجہ سب کو معلوم ہے۔۔

بدقسمتی سے ہم خود بیمار پڑ گئے تھے اس لیے یہ سلسلہ شروع کرنے میں غیر معمولی تاخیر ہو گئی ہے۔ اُمید ہے آج سے ہم اپنی پرانی فارم میں واپس آ جائیں گے۔

 

[محمد وارث]

بلکہ تحائف کا بھی تبادلہ بھی کیا جاتا تھا۔ میری عادت تھی سب فرینڈز کو جیولری جیسے چوڑیاں، ایر رنگز، رنگز، بریسلٹ وغیرہ وغیرہ دینے کی۔۔ اور اس کے ساتھ مہندی بھی ۔۔​

ایک بار یہ حرکت میں بھی کر بیٹھا تھا۔ بس بچپنا تھا، اُس کے بعد توبہ کر لی یا کروا لی گئی، یہ صحیح طرح سے یاد نہیں۔

 

[محمد خلیل الرحمٰن]

۔۔۔ میں نے تو پھر بھی کافی لیٹ شروع کیا۔۔ وجہ سب کو معلوم ہے۔۔:)

چُپ شاہ کا توشہ رکھ لیا تھا بٹیا نے۔ آج افطار کرتے ہی پہلا دھبڑ دھوز مراسلہ لکھ ڈالا!!!

 

[محمد عدنان اکبری نقیبی]