آج کا بلاگ - آپ کے بلاگ پر نئی پوسٹ کا اقتباس!

[فخرنوید]

جناب آپ نے درست فرمایا روانی میں حقوق اللہ لکھ گیا

 

[محمد علم اللہ]

خود کو جب آج سے بیس بائس سال پیچھے ماہ رمضان المبارک میں لے گیا تو کیا دیکھتا ہوں کہ ہر چہار جانب سے تلاوت قران مجید کی پر سوز آوازیں آ رہی ہیں ۔ خوشیوں اور چہچاہٹوں کا ریلا ، بھائیوں ، بہنوں اور دیگر رشتہ داروں کا میلا ۔نانی اماں بڑے سے ریحل میں موٹے موٹے حروف والا قران لیکر پڑھنے میں مصروف ہیں ۔ ادھر ہم بچوں کی دھما چوکڑی اور اچھل کود جاری ہے ۔کبھی لڑتے ، گرتے ہیں تو کبھی ہنسیوں کے فوارے چھوٹے پڑ رہے ہیں ۔ امی قران پڑھ رہی ہیں ، ہماری نیند کھل چکی ہے اور ہم رو رو کر ہلکان ہوئے جا رہے ہیں کہ ہمیں کیوں نہ اٹھایا سحری میں، امی لاکھ سمجھائیں کہ بچوں کا روزہ نہیں ہوتا لیکن کہاں مان کے دیتے ہیں ۔ ابو آئے انھوں نے گود میں اٹھا لیا سمجھایا، بجھایا اور دیر تک کھلاتے رہے ۔

http://alamullah.blogspot.in/2015/07/blog-post.html

 

[زبیر مرزا]

محمد اسد کی بہترین تحریر
مکھی جیسے لوگ
جس طرح مکھی تمام جسم کو چھوڑ کر صرف گندے زخم پر بیٹھتی ہے ویسے ہی یہ مکھی جیسے لوگ تمام تر اچھائیاں چھوڑ کر برائیاں گنواتے رہتے ہیں۔
http://bilaunwan.wpurdu.com/people-like-flies/

 

[نظام الدین]

دیہاتی افسانے

جذباتی افسانوں کے بعد ایک آدھ نمونہ دیہاتی افسانوں کا بھی ملاحظہ فرمائیے۔ یہ افسانے اپنے دلکش ماحول اور طرزِ تحریر کی سادگی کی وجہ سے بے حد مقبول ہیں۔ ان میں یہ کوشش کی جاتی ہے کہ کوئی ایسی بات تحریر نہ کہ جائے جو غیر فطری یا غیر دیہاتی ہو۔ چنانچہ تشبیہیں، استعارے، محاورے سب دیہاتی ہوتے ہیں۔ حتیٰ کہ بعض دفعہ احساسات تک دیہاتی ہوجاتے ہیں۔
مزید دیکھئے

http://urdu-followers.blogspot.co.uk/2015/05/blog-post_21.html

 

[فلک شیر]

بدلتی دنیا میں مسجد کا کردار ۔۔۔۔۔۔۔۔۔۔۔۔۔۔۔۔۔۔۔۔۔۔۔چند معروضات (حصہ دوم)

 

[فخرنوید]

سدھارتھ گوتم جسے بعد میں بدھا کہا گیا۔ اس کی کہانی قصوں سے اس قدر لبریز ہے کہ ہمیں اس کے واقعی وجود کے متعلق شک ہونے لگتا ہے۔ ایک قصے نے اسے کنواری ماں کا بیٹا قرار دیا۔ ہمیں بتایا گیا ہے کہ اس نے خود ملکہ مایا کے پہلو کو کھولا ، کوکھ میں داخل ہوا اور دس ماہ تک وہاں رہنےکے بعد باہر نکلا

“ناپاک رطوبتوں سے بالکل پاک ” ، لیکن ” سیڑھیاں اترتے ہوئے آدمی کی طرح ” اور ” موتی کی طرح چمکتا ہوا۔”

بایں ہمہ اس کا باپ ہمالیہ کے نزدیک کپل وستو کا بادشاہ تھا۔ بدھ کا نام سدھارتح گوتم رکھا گیا۔ اسےہر قسم کی آسائش کے علاقہ دکھ اور تکلیف سے دور رکھا گیا، پانچ سو خوب صورت دوشیزاوں میں سئے اس کے لئے بیوی منتخب کی گئی۔ وہ ایک مسرور باپ بنا اور امن و آشتی کی زندگی گزاری۔
مزید تفصیل:
سدھارتھ گوتم سے بدھا تک کا سفر

 

[محمداحمد]

چھلانگ
احمد صغیر صدیقی
(منتخب / مختصر افسانہ)

چند نو عمر لڑکے ایک جگہ کھڑے تھے ایک لڑکے کے ہاتھ میں ایک نقشہ دبا ہوا تھا۔ یہ دنیا کا نقشہ تھا۔۔ اُن میں سے ایک لڑکے نے نقشہ چھیننے کے لئے جھپٹا مارا اور پہلے لڑکے کے ہاتھ میں دبے کاغذ کا ایک حصہ نوچتا ہوا لے اُڑا۔

پھر بقیہ لڑکوں نے بھی نقشے کے لئے اُچھال بھری۔۔۔۔۔

مزید پڑھیے۔

 

[زبیر مرزا]

افتخار اجمل بھوپال صاحب کے بلاگ سے
یومِ آزادی اور ہمارا کردار
عصرِ حاضر میں یہ روائت بن گئی ہے کہ شاید اپنے آپ کو اُونچا دکھانے کیلئے اپنے وطن پاکستان کو نِیچا دکھایا جائے
یہ فقرے عام سُننے میں آتے ہیں
” اس مُلک نے ہمیں کیا دیا ہے “۔
”کیا رکھا ہے اس مُلک میں“۔
بہت افسوس سے کہنا پڑتا ہے کہ مُلک کے اندر ہی نہیں مُلک کے باہر بھی میرے کچھ ہموطن اپنے مُلک اور اپنے ہموطنوں کو بُرا کہتے ہیں ۔ وہ بھی صرف آپس میں نہیں بلکہ غیر مُلکیوں کے سامنے بھی ۔ حقیقت میں ایسے لوگ عقلمند نہیں بلکہ بیوقوف ہیں کیونکہ وہ نہیں جانتے کہ وہ خود اپنے آپ کو بدنام کر رہے ہیں
http://www.theajmals.com/blog/2015/08/یومِ-آزادی-اور-ہمارا-کردار/comment-page-1/#comment-63435

 

[محمداحمد]

اپنی کلاہ کج ہے اسی بانکپن کے ساتھ

ایک انٹرویو میں کسی نے جناب سراج الحق صاحب (امیر ِ جماعتِ اسلامی) سے پوچھا کہ آپ ٹوپی ٹیڑھی کیوں لگاتے ہیں تو سراج الحق صاحب نے جو جواب دیا وہ بڑا حیران کن تھا۔

انہوں نے کہا کہ بچپن میں جب وہ اسکول جاتے تھے تو اُن کے پاس پہننے کے لئے چپلیں نہیں تھیں۔

مزید پڑھیے۔۔۔

 

[محمد علم اللہ]

اب جب کہ دہلی کو چھوڑ چلااورحیدرآبادکو مستقربنا نے کا سوچا تو دہلی کے شب و روزکی یادوں کا ایک ہجوم پریشان کئے ہوئے ہے۔اور باوجود اسکے کہ دکن میں بڑی قدر سخن ہے دہلی میں بیتا ہواایک ایک پل یاد آ رہا ہے۔ حیدرآباد سے بھاگ کر جب پہلی مرتبہ دہلی میں قدم رکھا ، پرانی دلی ریلوے اسٹیشن سے اترکر اوکھلا کیلئے بلیو لائن بس پکڑی اورجب یہ بس جامعہ نگر کیلئے چلنی شروع ہوئی تو لال قلعہ، جامع مسجد ،کناٹ پلیس مارکیٹ کی اونچی اونچی عمارتوں کے سامنے سے ہوتی ہوئی گزرنے لگی اور مبہوت کردینے والی رنگا رنگی جو اخبارات و رسائل میں دیکھی یاپڑھی تھی ،اپنے سامنے جوں کا توں دیکھ کر ایک خوشگوار حیرت سے دوچار ہوئے بغیر نہ رہ سکا تھا ۔

مزید تفصیل کے لئے بلاگ :http://alamullah.blogspot.in/2015/10/blog-post_25.html

 

[محمد امین]

بچپن میں 'نونہال'، 'تعلیم و تربیت'، 'ساتھی میگزین'، ٹوٹ بٹوٹ'، جنگ اخبار کا 'بچوں کا صفحہ'، اور کتنے ہی بچوں کے رسائل و جرائد باقاعدگی سے پڑھے۔ حکیم محمد سعید رحمہ اللہ کا سفرنامۂ جاپان 'یہ جاپان ہے' بہت ذوق و شوق اور استعجاب کے ساتھ پڑھا، کہ اس میں جاپان کی ترقی کی اصلی باتصویر کہانیاں موجود ہیں۔ 7،8 سال کی عمر میں ہی پھر کتابوں سے محبت ہوگئی۔

9 سال کی عمر میں ایک دفعہ شدید بخار نے آ گھیرا، مجھے یاد ہے نیم بیہوشی کی کیفیت میں رہا اور کچھ کچھ ہذیانی کیفیت بھی تھی۔ جب طبیعت تھوڑی بہتر ہوئی مگر ہنوز بخار کے باعث لاغر ہوچکا تھا اور کمزوری کے باعث بستر سے ہی لگا ہوا تھا تو چاچا نے گھر سے دو گلیوں کے فاصلے پر واقع پرانی اور مشہور لائبریری، جو کہ کرائے پر کتب دیتی تھی، سے ایک ناول 'حورِ عرب' لا دیا۔ کس نے لکھا تھا یہ یاد نہیں البتہ تھوڑا پڑھنے کے بعد واپس کروا دیا کیوں کہ۔۔۔

 

[مزمل شیخ بسمل]

٭٭٭سالِ نو کے عزائم (Resolutions) ناکام کیوں ہوتے ہیں؟٭٭٭
عام طور پر یہ بھی مشاہدے کی بات ہے کہ نئے سال کی شروعات پر خود سے کیے گئے عہد و پیمان وفا نہیں ہو پاتے۔ زندگی چلتی رہتی ہے لیکن ان مقاصد کا حصول ممکن نہیں ہو پاتا جن کی آپ کو خواہش ہوتی ہے۔ ایسے میں اکثر لوگ نئے عزائم سے ہی مایوس اور اکتائے ہوئے ہوتے ہیں۔
یہ بات سمجھنا ضروری ہے کہ عزم اور ارادہ دماغ پر مثبت اثر چھوڑتا ہے۔ اس لیے اس سے مایوس ہونا تو کوئی عقل مندی کی بات نہیں۔ بے شک آپ کتنی ہی بار ناکام ہوئے ہوں۔ اگر ایڈیسن عزم سے مایوس ہو جاتا تو شاید اس کا بلب کبھی روشن نہ ہو پاتا۔ خرابی عزم میں نہیں ہوتی۔ حصول کے طریقوں میں ہوسکتی ہے۔ حصول کے نئے طریقے اپنائیں۔ لیکن عزائم کو ترک نہ کریں۔

 

[مزمل شیخ بسمل]

٭٭٭سب دیکھیں گے؟؟؟٭٭٭

ہر دور میں ایک بات جو مشترک رہی وہ یہ کہ بزرگوں، اور سیدھے سادھے "شریف لوگوں" کو انٹرنیٹ چلانا کیسے سکھایا جائے؟
غالباً آپ میں سے ہر ایک کا واسطہ ایسے افراد سے اپنے خاندان میں، یا جاننے والوں میں پڑتا ہی ہوگا جب آپ کو انٹرنیٹ کا استاد بننا پڑتا ہوگا۔ اور اس ضمن میں اپنی خدمتِ خلق کا نذرانہ کسی کو پیش کرنا ایک عام سی بات ہے۔ ایک نئے بندے کو انٹرنیٹ کی تعریف کیسے بیان کی جائے یہ امر خود ہی جوئے شیر لانے کے مترادف ہے۔ اور مزید تکلیف دہ تب ہو جاتا ہے جب سامنے والا سیکھنا بھی چاہتا ہو۔:/
اب آپ کے کوئی جاننے والے سن رسیدہ بزرگ آپ سے یہ پوچھ بیٹھیں کہ انٹرنیٹ کیسے استعمال ہوتا ہے تو بھلا کیا جواب ہو؟

 

[مزمل شیخ بسمل]

٭٭٭مرد کی حساسیت٭٭٭
"عورت معشوق ہے۔ وہ چاہے جانے کے لیے بنائی گئی ہے۔ مرد عاشق ہے۔ اسے جلنے اور سلگنے کے لیے بنایا گیا ہے۔ اور پھر مرد کی حساسیت کا عالم تو یہ ہے کہ خواتین کی کسی بھی محفل میں بیٹھ گئے تو اٹھنے تلک دو چار محبتیں کرکے اٹھتے ہیں۔"​

 

[سلمان دانش جی]

٭٭٭مرد کی حساسیت٭٭٭
"عورت معشوق ہے۔ وہ چاہے جانے کے لیے بنائی گئی ہے۔ مرد عاشق ہے۔ اسے جلنے اور سلگنے کے لیے بنایا گیا ہے۔ اور پھر مرد کی حساسیت کا عالم تو یہ ہے کہ خواتین کی کسی بھی محفل میں بیٹھ گئے تو اٹھنے تلک دو چار محبتیں کرکے اٹھتے ہیں۔"​

لیکن قیامت اس وقت برپا ہوتی ہے جب مرد معشوق اور عورت عاشق بن جائے۔ کیونکہ عورت کی محبت سچی اور جذبے جنون کی حد سے آگے مظبوط تر ہوتے ہیں

 

[سیما آفتاب]

اب میرا دل بلیوں اچھلنے لگا...اور میں سرجھاڑ منہ پھاڑ ...بغلیں بجاتا ہوا اپنے استاد صاحب کے پاس پہنچا... اور یہ خوش خبری سنائی... تاکہ ان کی آنکھیں ٹھنڈی ہوجائیں...لیکن میں نے منہ کی کھائی...اور بڑے سنگین حالات سے دوچار ہوا... کیوں کہ محاورہ سنتے ہی وہ آگ بگولہ ہوگئے... سونے پر سہاگا یہ کہ ایک زناٹے دار طمانچہ میرے رخسارِ غم گسار پر جڑدیا۔
اب تو میری حالت اور پتلی ہوگئی... پیروں تلے زمین نکل گئی...رہے سہے اوسان بھی خطا ہوگئے...کہ کاٹو تو بدن میں لہو نہیں... اور پھر...ایک دم میرا پارہ چڑھ گیا...اور میرا غصہ آسمان سے باتیں کرنے لگا...کہ میں نے سردھڑ کی بازی لگاکر اور خون پسینا ایک کرکے جوکام کیا تھا... اس میں بھی مجھے ڈانٹ ڈپٹ اور مارکٹائی کا سامنا کرنا پڑا... ایسی کی تیسی ایسے محاورات کی...اگر میرا بس چلتا تو ان محاورات کو نیست ونابود ہی کردیتا... ان کے گلستان کو تہ وبالا کردیتا... ان کے چمن کو زیرو زبر کردیتا... اور پھر میں کافی دیر تک پیچ و تاب کھاتا رہا... بڑی بڑی ہانکتا رہا... یہاں تک کہ استاد صاحب کے صبر کا پیمانہ لبریز ہوگیا...اور پھر انہوں نے مجھے خوب سنائی ...کہ تم بڑے طوطا چشم ہو... ماننے کی صلاحیت تم میں صفر بٹا صفر ہے... اور نہ ماننا تمھارے اندر سولہ آنے فٹ ہے... دس میں سے صرف ایک محاورہ یاد کیا ...وہ بھی اونٹ کے منہ میں زیرہ... اور آٹے میں نمک کے برابر... پھر اس پر قیامت یہ کہ... الٹا چور کوتوال کو ڈانٹے ...کہ ایک تو چوری اوپر سے سینہ زوری...حد ہوگئی کہ صرف تین لفظی محاورہ یاد کیا... وہ بھی نقطے سے... خالی!!!!
کیا آپ بتا سکتے ہیں کہ وہ کون سا محاورہ تھا؟؟؟

کچھ دل سے

 

[محمد امین]

اگلے مہینے پاکستان کرکٹ ٹیم انگلستان فتح کرنے جا رہی ہے۔ طبلِ جنگ کاکول میں بج چکا ہے اور پیادہ دستوں کی guerilla جنگ کے لیے تربیت جاری ہے کہ انگلستان کے نائٹ کلبوں میں شبخون مار سکیں۔ فوج کے اسکول اوف فزیکل ٹریننگ نے یہ بیڑا اٹھایا ہے۔

مزید پڑھیں۔۔۔
http://ameensdiary.blogspot.co.uk/2016/05/blog-post.html

 

[عبداللہ محمد]

نوکیا نامہ ۔۔
نوکیا نامہ: ایک دہائی کے عروج و زوال کی داستاں!! ~ .....ناگفتہ

 

[ربیع م]

نوکیا نامہ ۔۔
نوکیا نامہ: ایک دہائی کے عروج و زوال کی داستاں!! ~ .....ناگفتہ

مضمون شاید پہلے کہیں پڑھا تھا!

 

[عبداللہ محمد]

مضمون شاید پہلے کہیں پڑھا تھا!

حوالہ دیں بندہ شکر گزار ہوگا۔
اور اگر نہ ملا تو؟