آج کا قطعہ

[یاسر شاہ]

بھائی لوگ

بٹی ہیں باپ کی جاگیریں بھائی لوگوں میں

تمام ارضِ فلسطیں یہودیوں کی ہوئی
حسین وادئ کشمیر مُودیوں کی ہوئی

وہ تھی جو ارضِ حجاز اب سعودیوں کی ہوئی ​

 

[سیما علی]

جزاک الله خیر - الله تعالیٰ ہمیں عقل سلیم عطا کرے آمین

آمین ثم آمین

 

[یاسر شاہ]

عشقِ صادق
ہم نے مانا کہ آپ ہیں عاشق
چپ رہیں اب کہ چپ بھی ہے ناطق
عشق میں صادق آپ ایسے ہیں
جیسے تھے میر جعفر و صادق ​

 

[یاسر شاہ]

نورے کا عشق

کر دی نوری رقیب کے نام
لڑ کے رقیب سے نوراکشتی
رقیب بھی نورے سے خوش تھا
پبلک بھی نورے سے خوش تھی ​

 

[محمد شکیل خورشید]

اعتراف
قریب از رگِ جاں میرے حامی و ناصر !
میں ایک بندۂ عاصی ہوں آپ کا یاسر
ہے اعتراف مجھے :ربنا ظلمنا: کا
نہ کیجیو تو :من الخاسرین: اک خاسر ​

بہت خوب ، ماشا اللہ

 

[یاسر شاہ]

بہت خوب ، ماشا اللہ

نوازش ۔جزاک اللہ خیر۔

 

[یاسر شاہ]

یہ آخری تحریر تھی ڈاکٹر محمود ابو نجیلہ کی شہادت سے قبل جو ہسپتال کے نوٹس بورڈ پر انھوں نے لکھی۔

مقتل میں مسیحائی
( ڈاکٹر محمود ابو نجیلہ کی نذر)

ان مریضوں کی زندگی کے لیے
کام ہم سے جو ہو سکے وہ کیے
زخم اپنے تو سلنے والے نہ تھے
ہم نے اوروں کے زخم خوب سیے
ہم نے مقتل میں کی مسیحائی
اپنا کیا ہے جیےجیےنہ جیے​

 

[سیما علی]

یہ آخری تحریر تھی ڈاکٹر محمود ابو نجیلہ کی شہادت سے قبل جو ہسپتال کے نوٹس بورڈ پر انھوں نے لکھی۔

اللہ پاک اپنا رحم فرما دیں ان مسیحاؤں پر ،ان معصوموں پر ۔ان کے شہداء کی قربانیوں کو ضائع نہ کیجیے ۔ آمین یارب العالمین

 

[یاسر شاہ]

اللہ پاک اپنا رحم فرما دیں ان مسیحاؤں پر ،ان معصوموں پر ۔ان کے شہداء کی قربانیوں کو ضائع نہ کیجیے ۔ آمین یارب العالمین

آمین -خوش رہیں صحت و عافیت کے ساتھ -الله جل شانہ ہمیں بھی اپنے محبوب دین کے لیے قبول فرما لے -آمین

 

[یاسر شاہ]

میرےعزیز ہموطنو !
مشرّف کر نہیں سکتی بشر کو محض انگریزی
جدا ہو دین جنرل سے تو رہ جاتی ہے پرویزی
بوقتِ نزع کام آئی کہاں وہ طبع کی تیزی
کُھلا ،زورِ خطابت کچھ نہ تھا جُز سحر انگیزی ​

 

[سیما علی]

کُھلا ،زورِ خطابت کچھ نہ تھا جُز سحر انگیزی

یہ راز کسی کو نہیں معلوم کہ مومن
قاری نظر آتا ہے حقیقت میں ہے قرآن

دراصل انکو یعنی اسلام دشمنوں کو ڈر ہی ان مومنوں سے ہے ۔۔۔
دُنیا میں بھی میزان، قیامت میں بھی میزان

 

[یاسر شاہ]

وحدت الوجود
بے وفاؤں کی بھی امیدِ وفا آپ ہی ہیں
میں گنہگار ہوں میرے بھی خدا آپ ہی ہیں
سب طبیبوں نے دیا مجھ کو جواب آخرِ کار
اب طبیب آپ دوا آپ شفا آپ ہی ہیں ​

 

[یاسر شاہ]

-------------
ہم باز تکبّر سے آئے بھی تو کب آئے
مرنے کے قریں تھے جب اور ملنے کو سب آئے
جب گاف لگی پھٹنے خیرات لگی بٹنے
جب مرنے لگے ہائے سب جینے کے ڈھب آئے ​

 

[یاسر شاہ]

یہ سکڑنا، پھیلنا جو دل کا ہے
اس سے ہی ہنگامہ کُل محفل کا ہے
حرکتِ دل بند اور ہنگامہ ختم
کام پھر دل کا وہی قاتل کا ہے ​

 

[سیما علی]

مشرّف کر نہیں سکتی بشر کو محض انگریزی
جدا ہو دین جنرل سے تو رہ جاتی ہے پرویزی
بوقتِ نزع کام آئی کہاں وہ طبع کی تیزی
کُھلا ،زورِ خطابت کچھ نہ تھا جُز سحر انگیزی

یہ راز کسی کو نہیں معلوم کہ مومن
قاری نظر آتا ہے حقیقت میں ہے قرآن

ہمارا یہ شعر لکھنے سے شاید پوری طرح بات نہیں واضع نہیں ہوئی ۔۔۔۔۔۔۔
قطعنا مقصد یہ نہیں تھا ۔۔۔ہمارا مقصد یہ تھا کہ وردی پہنے سے غازی اورشہید کا کوئی تعلق نہیں ہے یا لفاظی جنرل کرے اب وہ انگریزی میں کرے یا کسی اور زبان میں ۔۔۔۔مسلمان وہی ہے جو اس شعر میں بیان ہے ۔۔۔مسلمان کا خلاصہ یہی ہے ۔۔

 

[یاسر شاہ]

بندوق

بندوق کا بنانا تو بھیجے کا کام ہے
بندوق کا چلانا کلیجے کا کام ہے
بندوق دیتے ہیں وہ کلیجا نکال کر
ذمّے ہمارے اب لب و لہجے کا کام ہے

انسان کے دفاع کو بندوق ہے بنی
بندوق کے دفاع کو ہیں یاں پہ آدمی ​

 

[یاسر شاہ]

اپنے شکاری خالہ زاد کی نذر

یہ فاختائیں بطّخیں اور تیتروں کے غول
پیدا ہوئے ہیں کیا تری بندوق کے لیے
کامل سعید پور کے بے تاج بادشاہ
چھوٹے ہیں ہم بھی تو کسی مخلوق کے لیے​

 

[یاسر شاہ]

تصویر خوبصورت ہے
"وجودِ زن سے ہے تصویر کائنات میں رنگ"
نہ بھی ہو رنگ تو تصویر خوبصورت ہے
چھپا کے نقشِ مصوّر جو شکل ابھری ہے
یہ رنگا رنگئ حاضر بلا ضرورت ہے​

 

[یاسر شاہ]

ہردلعزیزی
ہردلعزیز وہ بنے جس کا ہو کاروبار
ہم دوست اتنے رکھتے ہیں جن سے نبھا سکیں
مشکل پڑے انھیں کبھی تو کام آسکیں
گر کام بھی نہ آسکیں منھ تو چھپا سکیں ​