عتیق منہاس
محفلین
آرزو اتنی ہے جانِ آرزو
جستجو و جستجو و جستجو
ضبط غم سے تھی ہماری آبرو
اشک رک جائے ٹپکتا ہے لہو
ھم کو ذوق دید لے آیا کہاں
آئینہ ہم، ہم نظر ہم روبرو
خاموشی ہے گوش بر آواز کیوں
بام و در میں ہورہی ہے گفتگو
منبرِ تلقین پر رندِ خراب
چڑھ گیا ہے ہاتھ میں لیکر سبو
بند ہوجائے تو کھل جاتی ہے آنکھ
دور سے آتی ہے پیراہن کی بُو
ٹوٹ جاتی ہے کلی کھلتی نہیں
دامن گل ہو نہیں سکتا رفو
آنکھ ساجد آنکھ ہی مسجود ہے
خونِ دل سے آنکھ کرتی ہے وضو
کم نگاہی ہے حرم سے بدگماں
چشم بینا ہو تو کعبہ چار سو
بن کے افسانہ ترا جانِ بہار
پھر رہا ہے آج واصف کو بہ کو
واصف علی واصف
جستجو و جستجو و جستجو
ضبط غم سے تھی ہماری آبرو
اشک رک جائے ٹپکتا ہے لہو
ھم کو ذوق دید لے آیا کہاں
آئینہ ہم، ہم نظر ہم روبرو
خاموشی ہے گوش بر آواز کیوں
بام و در میں ہورہی ہے گفتگو
منبرِ تلقین پر رندِ خراب
چڑھ گیا ہے ہاتھ میں لیکر سبو
بند ہوجائے تو کھل جاتی ہے آنکھ
دور سے آتی ہے پیراہن کی بُو
ٹوٹ جاتی ہے کلی کھلتی نہیں
دامن گل ہو نہیں سکتا رفو
آنکھ ساجد آنکھ ہی مسجود ہے
خونِ دل سے آنکھ کرتی ہے وضو
کم نگاہی ہے حرم سے بدگماں
چشم بینا ہو تو کعبہ چار سو
بن کے افسانہ ترا جانِ بہار
پھر رہا ہے آج واصف کو بہ کو
واصف علی واصف
