آسماں بھی اب زمیں پر آ گیا

[نوید ناظم]

فاعلاتن فاعلاتن فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ظلم ڈھانے کو یہیں پر آ گیا
آسماں بھی اب زمیں پر آ گیا

عمر بھر چلتا رہا اور ایک دن
میں جہاں تھا پھر وہیں پر آ گیا

سامنے اُس بت کے میں جھکتا بھلا
سجدہ خود میری جبیں پر آ گیا

میں چلا لوں گا پڑاؤ کو بھی ساتھ
راستے میں جو کہیں پر آ گیا

دل جو مانگا تو کہا قصہ سنو
اور پھر قصہ "نہیں" پر آ گیا

ڈھونڈتا غم کو کہاں پر جا کے میں
یہ تو اچھا ہے یہیں پر آ گیا

جس مکاں کو کل بنایا پیار سے
اب گرا ہے تو مکیں پر آ گیا

 

[نوید ناظم]

محترم سر الف عین

 

[الف عین]

اچھے اشعار ہیں۔ بس دو تین اشعار میں تبدیلی تجویز کروں گا۔
میں چلا لوں گا پڑاؤ کو بھی ساتھ
راستے میں جو کہیں پر آ گیا
÷÷واضح نہیں ہوا۔

دل جو مانگا تو کہا قصہ سنو
اور پھر قصہ "نہیں" پر آ گیا
÷÷یہ تو واضح کرو کہ دل ’ان‘ سے مانگا گیا تھا!!!

 

[نوید ناظم]

اچھے اشعار ہیں۔ بس دو تین اشعار میں تبدیلی تجویز کروں گا۔
میں چلا لوں گا پڑاؤ کو بھی ساتھ
راستے میں جو کہیں پر آ گیا
÷÷واضح نہیں ہوا۔

دل جو مانگا تو کہا قصہ سنو
اور پھر قصہ "نہیں" پر آ گیا
÷÷یہ تو واضح کرو کہ دل ’ان‘ سے مانگا گیا تھا!!!

بہت شکریہ سر۔۔۔
اب ملاحظہ کیجئے گا۔۔۔

ان سے دل مانگا تو ایسی بات کی
مدعا جس میں ''نہیں'' پر آ گیا

میں جھٹک ہی دوں گا منزل کا خیال
راستے میں جو کہیں پر آ گیا

 

[الف عین]

اب درست ہو گئے ہیں اشعار