یوسف سلطان
محفلین
منڈا سی اک پنڈ دا میرے
نال سکولے جاندا سی
نال ای کھیڈ دے ہسدے سی
نال ہی سکولوں نسدے سی
بیہ کے سٹے لاندے سی
وڈے پلان بناندے سی
دسویں جماعت دے پرچے دے کے
بیٹھے سی اساں ویلے ہو کے
سوچدے سی ہن کیہ کجھ کریئے
سوچاں وچ کینویں رنگ بھریئے
اک سویر اوہنے مینوں دسیا
بھرا میرا ہن سپین جا وسیا
بلاندا اے مینوں وی اوتھے
کہندا اے ترا ویزا لواواں
ہو سکدا میں سپین ٹُر جاواں
اے ’ہو سکدا‘ وی ہو گیا چھیتی
کھا ریے سی اسی آلو میتھی
امبیسی توں اک کاغذ آیا
بھر کے اوہنے جمع کرایا
ٹکٹ کرا اوہ جہاز تے چڑھیا
سالاں تک فیر پنڈ نی وڑھیا
پچھلے مہینے ہُن آیا سی
پنڈ دا چکر وی لایا سی
مل کے بیٹھے، گپاں لائیاں
میں سُنیاں تے اوہنے سنائیاں
کہندا سی تُوں نیٹ نی لایا
آئی پیڈ مینوں کڈ کے وکھایا
فیس بک، ٹویٹر تے کدی سکائپ
فلکر فُلکر تے آئی فون فائیو
ایہی گلاں اسی کر ریے سی
سکائپ سکُوئپ اسی بھر ریے سی
اماں میری بوہا کھول کے آئی
پیار نال اوہنوں جھاڑ پلائی
کتھے ٹر گیا سی تُوں دسیا وی نئیں
مڑ کے حال توں پُچھیا وی نئیں
چل بہہ جا ہن جاویں ناں چھیتی
پکائی اے اج فیر میں آلو میتھی!
(عمیر ملک )
نال سکولے جاندا سی
نال ای کھیڈ دے ہسدے سی
نال ہی سکولوں نسدے سی
بیہ کے سٹے لاندے سی
وڈے پلان بناندے سی
دسویں جماعت دے پرچے دے کے
بیٹھے سی اساں ویلے ہو کے
سوچدے سی ہن کیہ کجھ کریئے
سوچاں وچ کینویں رنگ بھریئے
اک سویر اوہنے مینوں دسیا
بھرا میرا ہن سپین جا وسیا
بلاندا اے مینوں وی اوتھے
کہندا اے ترا ویزا لواواں
ہو سکدا میں سپین ٹُر جاواں
اے ’ہو سکدا‘ وی ہو گیا چھیتی
کھا ریے سی اسی آلو میتھی
امبیسی توں اک کاغذ آیا
بھر کے اوہنے جمع کرایا
ٹکٹ کرا اوہ جہاز تے چڑھیا
سالاں تک فیر پنڈ نی وڑھیا
پچھلے مہینے ہُن آیا سی
پنڈ دا چکر وی لایا سی
مل کے بیٹھے، گپاں لائیاں
میں سُنیاں تے اوہنے سنائیاں
کہندا سی تُوں نیٹ نی لایا
آئی پیڈ مینوں کڈ کے وکھایا
فیس بک، ٹویٹر تے کدی سکائپ
فلکر فُلکر تے آئی فون فائیو
ایہی گلاں اسی کر ریے سی
سکائپ سکُوئپ اسی بھر ریے سی
اماں میری بوہا کھول کے آئی
پیار نال اوہنوں جھاڑ پلائی
کتھے ٹر گیا سی تُوں دسیا وی نئیں
مڑ کے حال توں پُچھیا وی نئیں
چل بہہ جا ہن جاویں ناں چھیتی
پکائی اے اج فیر میں آلو میتھی!
(عمیر ملک )
