آمنہ سوچتی ہے کون مرے گھر آیا

[حنیف خالد]

ایک نعت رسول مقبول صلی اللہ علیہ وسلم کے چند اشعار
اساتذہ کی خدمت میں پیش کررہا ہوں امید ہے نظر کرم فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھٹ گئی کفر کی ظلمت وہ پیمبر آیا
چاند بن کر جو ہدایت کا زمیں پر آیا

دیکھ کر پھیلے ہوئے نور کو حیراں ہو کر
آمنہ سوچتی ہے کون مرے گھر آیا

طور کی شرط نہ تھی آپؐ کی خاطر اے نبیؐ
جس جگہ آپؐ تھے جبریلؑ وہیں پر آیا

کیوں نہ ایوب کرے ناز مقدر پہ حنیفؔ
بن کے مہمان جو گھر شافع محشر آیا​

 

[محمد خرم یاسین]

ما شا اللہ۔ بہت خوب صورت نعت۔ اللہ کرے زور قلم اور زیادہ

 

[الف عین]

اچھی نعت ہے اصلاح کی ضرورت نہیں ۔ لیکن دو ایک اشعار کا اضافہ کریں تو بہتر ہے

 

[حنیف خالد]

ما شا اللہ۔ بہت خوب صورت نعت۔ اللہ کرے زور قلم اور زیادہ

جناب بھائی محمد خرم یاسین صاحب محبتوں کا بہت بہت شکریہ۔۔

 

[حنیف خالد]

اچھی نعت ہے اصلاح کی ضرورت نہیں ۔ لیکن دو ایک اشعار کا اضافہ کریں تو بہتر ہے

استاد محترم جناب الف عین صاحب نظر کرم کا بہت بہت شکریہ۔
مزید اشعار کا اضافہ بہت جلد ان شاء اللہ کر دوں گا،

 

[عرفان سعید]

ماشاءاللہ! بہت اچھے اشعار ہیں۔

 

[عمران سرگانی]

ایک نعت رسول مقبول صلی اللہ علیہ وسلم کے چند اشعار
اساتذہ کی خدمت میں پیش کررہا ہوں امید ہے نظر کرم فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھٹ گئی کفر کی ظلمت وہ پیمبر آیا
چاند بن کر جو ہدایت کا زمیں پر آیا

دیکھ کر پھیلے ہوئے نور کو حیراں ہو کر
آمنہ سوچتی ہے کون مرے گھر آیا

طور کی شرط نہ تھی آپؐ کی خاطر اے نبیؐ
جس جگہ آپؐ تھے جبریلؑ وہیں پر آیا

کیوں نہ ایوب کرے ناز مقدر پہ حنیفؔ
بن کے مہمان جو گھر شافع محشر آیا​

کمال است۔۔۔

 

[محمد تابش صدیقی]

سبحان اللہ
ایک مشورہ یہ ہے کہ اگر آیا کی جگہ آئے استعمال کر لیں تو کیسا رہے گا؟

 

[حنیف خالد]

سبحان اللہ
ایک مشورہ یہ ہے کہ اگر آیا کی جگہ آئے استعمال کر لیں تو کیسا رہے گا؟

بھائی محمد تابش صدیقی صاحب آپ نے بہت ہی اچھا مشورہ دیا ہے ، اس معاملے پر میں اساتذہ کرام سے بھی رائے لے لیتا ہوں۔ اگر اساتذہ کرام رائے دے دیں تو "آئے" کر دوں گا۔
بہت بہت شکریہ جناب کا۔

 

[الف عین]

آئے ردیف میں آخری دو اشعار ممکن ہیں لیکن پہلے دونوں نہیں۔ وہاں 'آیا' ہی درست ہے

 

[حنیف خالد]

بہت بہت شکریہ۔