افتخار عارف ابھی کچھ دن لگیں گے

[قرۃالعین اعوان]

ابھی کچھ دن لگیں گے
دل ایسے شہر کے پامال ہوجانے کا منظر بھولنے میں
ابھی کچھ دن لگیں گے

جہانِ رنگ کے سارے خس و خاشاک
سب سرو و صنوبر پھولنے میں
ابھی کچھ دن لگیں گے

تھکے ہارے ہوئے خوابوں کے ساحل پر
کہیں امید کا چھوٹا سا اک گھر
بنتے بنتے رہ گیا ہے
وہ اک گھر بھولنے میں
ابھی کچھ دن لگیں گے

مگر اب دن ہی کتنے رہ گئے ہیں
بس اک دن دل کی لوح منتظر پر
اچانک
رات اترے گی
میری بے نور آنکھوں کے خزانے میں چھپے
ہر خواب کی تکمیل کر دے گی
مجھے بھی خواب میں تبدیل کر دے گی
اک ایسا خواب جس کا دیکھنا ممکن نہیں تھا
اک ایسا خواب جس کے دامن صد چاک میں کوئی مبارک
کوئی روشن دن نہیں تھا
ابھی کچھ دن لگیں گے۔۔۔۔۔۔۔۔!

پسندیدہ ترین!

 

[قرۃالعین اعوان]

نایاب بھیا
عائشہ عزیز پری
ناعمہ عزیز
نیلم
عاطف بٹ بھیا
زحال مرزا بھیا

 

[زبیر مرزا]

واہ بہت خوب
افتخارعارف کی نظمیں منفرد اور لاجواب ہوتی ہیں

 

[محمد بلال اعظم]

واہ
کیا بات ہے۔
مزمل شیخ بسمل یہ آزاد نظم ہے یا نثری اور اگر آزاد نظم ہے تو کس بحر میں ہے؟

 

[مزمل شیخ بسمل]

اچھی نظم ہے. بہت خوب. واہ واہ.

واہ
کیا بات ہے۔
مزمل شیخ بسمل یہ آزاد نظم ہے یا نثری اور اگر آزاد نظم ہے تو کس بحر میں ہے؟

بلال یہ ہزج محذوف ہے.
مفاعیلن فعولن.
اس میں جہاں تک مصرعہ چل رہا ہے مفاعیلن بھی چل رہا ہے. جہاں مصرعہ ختم ہوا تو آخری رکن فعولن بنایا گیا ہے.
خود پڑھ کے دیکھو تو سمجھ آجائے گا.

 

[نیلم]

واہ بہت خوبصورت قراۃالعین

 

[قرۃالعین اعوان]

واہ بہت خوبصورت قراۃالعین

بلا شبہ!

 

[عاطف بٹ]

واہ، بہت عمدہ نظم ہے۔