اتنی یادیں ہیں کہ ڈر جائیں گے ۔۔۔۔

[شاہد شاہنواز]

اتنی یادیں ہیں کہ ڈر جائیں گے مر جائیں گے
جب کبھی ہم ترے گھر جائیں گے مر جائیں گے

وہ جو کہتے ہیں سمندر ہے تری آنکھوں میں
جب سمندر میں اتر جائیں گے مر جائیں گے

پہلے امید تھی جینے کی جہاں والوں کو
اب تو کہتے ہیں جدھر جائیں گے مر جائیں گے

آپ اگر جان لیں ان عشق کے ماروں کی کتھا
آپ دنیا سے گزر جائیں گے مر جائیں گے

اس قدر درد نہ لا ایک غزل میں شاہد
ٹوٹ کر لوگ بکھر جائیں گے مر جائیں گے

 

[فاخر رضا]

زبردست۔ بہت دکھے دل کی کہانی ہے بھائی خدا آپ کو حوصلہ دے

 

[کاشف اسرار احمد]

اچھی غزل ہے شاہد بھائی۔
اس شعرمیں مجھے لگا کہ آپ کہنا چاہتے ہیں کہ:

وہ جو کہتے ہیں سمندر ہے تری آنکھوں میں
گر سمندر میں اتر پائے ، تو مر جائیں گے

باقی اشعار ماشا اللہ خوب ہیں۔

 

[شاہد شاہنواز]

اچھی غزل ہے شاہد بھائی۔
اس شعرمیں مجھے لگا کہ آپ کہنا چاہتے ہیں کہ:
باقی اشعار ماشا اللہ خوب ہیں۔

عنایت ۔۔۔
ویسے ہمیں پوری ہی غزل "قابل غور " لگ رہی تھی کہ لکھیں یا چھوڑ دیں کیونکہ شاعری کیے کافی وقت ہوگیا تھا۔
دیکھتے ہیں باقی احباب کیا فرماتے ہیں بیچ اس مسئلے کے، اگر ان کے پاس وقت ہو۔

 

[La Alma]

ردیف اچھی ہے . تھوڑی محنت کر کے اچھے اشعار نکالے جا سکتے ہیں .​

اتنی یادیں ہیں کہ ڈر جائیں گے مر جائیں گے
جب کبھی ہم ترے گھر جائیں گے مر جائیں گے

اس کے بھائی پہلوان ہیں کیا؟

 

[الف عین]

اتنی یادیں ہیں کہ ڈر جائیں گے مر جائیں گے
جب کبھی ہم ترے گھر جائیں گے مر جائیں گے
÷÷محبوب کے گھر جانے پر ہی یادیں پیدا ہوتی ہیں؟ یہ بات عجیب لگی!

وہ جو کہتے ہیں سمندر ہے تری آنکھوں میں
جب سمندر میں اتر جائیں گے مر جائیں گے
÷÷’وہ جو‘ میں ’وہ ‘ کون؟ اگر مراد ’کہا جاتا ہے‘ تو یوں کہو، ’لوگ کہتے ہیں‘

پہلے امید تھی جینے کی جہاں والوں کو
اب تو کہتے ہیں جدھر جائیں گے مر جائیں گے
÷÷درست
آپ اگر جان لیں ان عشق کے ماروں کی کتھا
آپ دنیا سے گزر جائیں گے مر جائیں گے
÷÷کتھا سنی جاتی ہے، جانی نہیں، اور اگر جان بھی لی جائے تو دنیا سے گزرنے کا تعلق اس سے؟ شعر دو لخت محسوس ہوتا ہے
اس قدر درد نہ لا ایک غزل میں شاہد
ٹوٹ کر لوگ بکھر جائیں گے مر جائیں گے

 

[شاہد شاہنواز]

۔

اتنی یادیں ہیں کہ ڈر جائیں گے مر جائیں گے
جب کبھی ہم ترے گھر جائیں گے مر جائیں گے
÷÷محبوب کے گھر جانے پر ہی یادیں پیدا ہوتی ہیں؟ یہ بات عجیب لگی!

وہ جو کہتے ہیں سمندر ہے تری آنکھوں میں
جب سمندر میں اتر جائیں گے مر جائیں گے
÷÷’وہ جو‘ میں ’وہ ‘ کون؟ اگر مراد ’کہا جاتا ہے‘ تو یوں کہو، ’لوگ کہتے ہیں‘

پہلے امید تھی جینے کی جہاں والوں کو
اب تو کہتے ہیں جدھر جائیں گے مر جائیں گے
÷÷درست
آپ اگر جان لیں ان عشق کے ماروں کی کتھا
آپ دنیا سے گزر جائیں گے مر جائیں گے
÷÷کتھا سنی جاتی ہے، جانی نہیں، اور اگر جان بھی لی جائے تو دنیا سے گزرنے کا تعلق اس سے؟ شعر دو لخت محسوس ہوتا ہے
اس قدر درد نہ لا ایک غزل میں شاہد
ٹوٹ کر لوگ بکھر جائیں گے مر جائیں گے

بے حد شکریہ ۔۔۔

 

[شکیب]

÷÷’وہ جو‘ میں ’وہ ‘ کون؟ اگر مراد ’کہا جاتا ہے‘ تو یوں کہو، ’لوگ کہتے ہیں‘

سبحان اللہ چچا جان۔ اب تو یقین ہو چلا ہے کہ میں بالکل آپ ہی کی طرح سوچتا ہوں۔

 

[الف عین]

سبحان اللہ چچا جان۔ اب تو یقین ہو چلا ہے کہ میں بالکل آپ ہی کی طرح سوچتا ہوں۔

Great men think alike

 

[محمد تابش صدیقی]

سبحان اللہ چچا جان۔ اب تو یقین ہو چلا ہے کہ میں بالکل آپ ہی کی طرح سوچتا ہوں۔

کچھ لوگ صرف سوچتے ہیں اور کچھ عمل کرتے ہیں.