اتنے ہیں لوگ اتنی ہے بارات کیا کریں

[عرفان سعید]

(ساحر لدھیانوی سے معذرت)

اتنے ہیں لوگ اتنی ہے بارات کیا کریں
کم کرسیاں ہیں پتلے ہیں حالات کیا کریں

آساں کہاں ہے سیکھنا کیمسٹری کو
ایٹم میں گھومتے رہیں ذرات کیا کریں​

سانسوں سے آ رہی ہے عجب سی جو اک ہمک
چمٹے ہیں لیب سے جو بخارات کیا کریں

چیتے سے شیر سے کسی سے میں نہ ڈرتا ہوں
کاٹے ہیں سوتے میں مجھے حشرات کیا کریں

کوشش کروں تو دوسری پر بیوی مان جائے
کیسے سنبھالوں گا دو دو آفات کیا کریں

انبار شعروں کے لگا ہی دیتے ہم، مگر
فاعل، فعول، فاع ،فعولات کیا کریں

۔۔۔عرفان ۔۔۔​

 

[فلسفی]

آساں کہاں ہے سیکھنا کیمسٹری کو
ایٹم میں گھومتے رہیں ذرات کیا کریں

کتنی سچی بات ہے۔ حالانکہ صرف میٹرک میں پڑھی تھی۔ اور جو پڑھی تھی اس کے اثرات و ذرات ابھی تک آنکھوں کے سامنے گھومتے ۔۔۔ بلکہ ناچتے ٹھمکے لگاتے اور منہ چڑاتے ہیں۔

چیتے سے شیر سے کسی سے میں نہ ڈرتا ہوں
کاٹے ہیں سوتے میں مجھے حشرات کیا کریں

ایک سالا مچھر ۔۔۔

کوشش کروں تو دوسری پر بیوی مان جائے
کیسے سنبھالوں گا دو دو آفات کیا کریں

پہلے مصرعے میں شک، شبہے کی گنجائش نہ رکھی جاتی تو ہم آپ کو غیر ضروری طور پر ناممکنات کو ممکنات میں شامل کرنے والا سمجھ لیتے۔

مجموعی طور پر آپ کا وہی خاص رنگ۔ خوش رہیے۔ مسکراتے رہیے اور مسکراہٹیں بکھیرتے رہیے۔

 

[نیرنگ خیال]

واہ ۔۔۔ اعلیٰ۔۔۔ بہت شاندار

 

[م حمزہ]

بہت خوب جناب محترم!
اور آپ کی شاعری کا " کی مسیج"۔ ہمیشہ کی طرح

کوشش کروں تو دوسری پر بیوی مان جائے
کیسے سنبھالوں گا دو دو آفات کیا کریں

 

[فلسفی]

بہت خوب جناب محترم!
اور آپ کی شاعری کا " کی مسیج"۔ ہمیشہ کی طرح

حسرتیں ہے کیمیا گر کی ہزار
ایک ہی مطلب نکلتا ہے مگر

 

[عرفان سعید]

حسرتیں ہے کیمیا گر کی ہزار
ایک ہی مطلب نکلتا ہے مگر

فلسفی مطلب نکالے جو ہزار
ایک ہی بندھن پہ مجھ کو ہے قرار

 

[عرفان سعید]

ایک سالا مچھر ۔۔۔

فن لینڈ میں بے شمار جھیلوں کی وجہ سے یہ سالے یہاں بہت کثیر تعداد میں پائے جاتے ہیں!

پہلے مصرعے میں شک، شبہے کی گنجائش نہ رکھی جاتی تو ہم آپ کو غیر ضروری طور پر ناممکنات کو ممکنات میں شامل کرنے والا سمجھ لیتے۔

ہم بس گفتار کے غازی ہیں!

 

[عرفان سعید]

مجموعی طور پر آپ کا وہی خاص رنگ۔ خوش رہیے۔ مسکراتے رہیے اور مسکراہٹیں بکھیرتے رہیے۔

حوصلہ افزائی کا بہت شکریہ!

 

[عرفان سعید]

واہ ۔۔۔ اعلیٰ۔۔۔ بہت شاندار

بہت بہت شکریہ!
آپ جیسے اعلی پائے کے لکھاری کی ستائش میرے لیے ایک اعزاز ہے ۔

 

[عرفان سعید]

بہت خوب جناب محترم!

بہت شکریہ حمزہ بھائی!

 

[عرفان سعید]

بلکہ ناچتے ٹھمکے لگاتے اور منہ چڑاتے ہیں۔

میں بڑے اعتماد سے کہہ سکتا ہوں کہ آپ کیمسٹری پڑھنے کی بجائے کچھ اور دیکھتے رہے ہیں!

 

[فلسفی]

میں بڑے اعتماد سے کہہ سکتا ہوں کہ آپ کیمسٹری پڑھنے کی بجائے کچھ اور دیکھتے رہے ہیں!

یہ تو آپ کا حسن ظن ہے ۔۔ (ظن ۔۔۔ ظ والا)

 

[احمد محمد]

بہت اعلٰی۔۔۔

شاعری کے ساتھ ساتھ فلسفی اور عرفان سعید صاحبان کی جُگل بندی بھی قابلِ ستائش ہے۔۔

 

[عرفان سعید]

ظن ۔۔۔ ظ والا

میں کون سا "ٹ" والا سمجھ رہا ہوں

 

[احمد محمد]

فن لینڈ میں بے شمار جھیلوں کی وجہ سے یہ سالے یہاں بہت کثیر تعداد میں پائے جاتے ہیں

آپ کے پاس تو پہلے ہی بہتات ہے پھر بھی دوسری کے خواہاں ہیں؟؟ لگتا ہے لاتوں سے ماننے والے نہیں ہیں عرفان سعید صاحب ورنہ پہلے سے میسر کثیر تعداد (سالے) ہی انہیں باز رکھنے کے لیے کافی تھی۔

 

[فلسفی]

بہت اعلٰی۔۔۔

شاعری کے ساتھ ساتھ فلسفی اور عرفان سعید صاحبان کی جُگل بندی بھی قابلِ ستائش ہے۔۔

لگاؤ، لگاؤ ۔۔۔ تیلی لگاؤ۔ پھر تالیاں پیٹو گے دور بیٹھ کر ۔۔۔ ایسے ۔۔

 

[فلسفی]

میں کون سا "ٹ" والا سمجھ رہا ہوں

"ٹ" والا تو پھر بھی ٹھیک ہے۔ "ز" والا نہ سمجھنا۔

 

[احمد محمد]

لگاؤ، لگاؤ ۔۔۔ تیلی لگاؤ۔ پھر تالیاں پیٹو گے دور بیٹھ کر ۔۔۔ ایسے ۔۔

ہاہاہا۔۔۔
یہ تو آپ نے محمد عدنان اکبری نقیبی بھائی کی اس دن والی بات کردی جس پر انہوں نے ہمت کرکے متوقع دنگا رکوایا تھا۔

بتانا پڑتا ہے کہ تیل نہیں ڈالا،، مگر ہم اس آگ کے بند ہونے کے خواہاں بھی نہیں ہیں۔

 

[احمد محمد]

"ٹ" والا تو پھر بھی ٹھیک ہے۔ "ز" والا نہ سمجھنا۔

اس کی ہمت بھی نہیں جب ہی تو "ٹ" والا سمجھا۔

 

[نیرنگ خیال]

بہت بہت شکریہ!
آپ جیسے اعلی پائے کے لکھاری کی ستائش میرے لیے ایک اعزاز ہے ۔

کسی دور میں محفل میں "چونا لگاؤ" کا بھی دھاگا ہوتا تھا۔ ہے نا۔۔۔ اللہ تہاڈے اکھر سَچے تے سُچے کرے۔