اج مادری زبان دیہاڑ اے

[الف نظامی]

اج مادری زبان دیہاڑ اے
گھر گھر پنجابی بولیے ، گھر گھر پنجابی لہر​

ساڈی مادری زبان پنجابی نوں گھروں بے گھر کیتا ہویا اے تے اسیں اودوں تیکر چین نال نہیں بہواں گے جدوں تیکر پنجابی زبان نوں دیس پنجاب اندر بنیادی تعلیم ، نکیاں عدالتاں دے نال نال دفتری زبان وی نہیں منوا لیندے۔ ایہ نیں اوہ وچار جہناں نوں اج سارے پنجاب اندر پنجابی سیوکاں نے اپنے ذہناں اندر تازا کرنا اے۔ اقوام متحدہ نے 21 فروری نوں ہر سال مادری زبان دا دن متھیا ہویا اے تے 1999ء توں لے کے اج تیکر ہر سال ایس دیہاڑ نوں پنجابی دے کارکن تے سیوک اپنی مادری زبان دے حقاں دی یاد تازی کرن لئی مناندے آ رہے نیں۔ شروع وچ پنجابیاں دا اکٹھ اک ادھ شہر وچ دس ویہ بندے کٹھے کرن دی حد تیکر ہوندا سی جد کہ ہن ہزاراں لوگ کٹھے ہو جاندے نیں۔ اک شہر تیکر محدود ایہ اکٹھ اج پورے پنجاب دے نکے وڈے شہراں اندر منایا جا رہیا اے جہدے پاروں پنجابی لہر مسلسل پہلاں نالوں اگے ودھ رہی اے۔
روزوار لوکائی لاہور ، 21 فروری 2024

 

[عدنان عمر]

اج مادری زبان دیہاڑ اے
گھر گھر پنجابی بولیے ، گھر گھر پنجابی لہر​

ساڈی مادری زبان پنجابی نوں گھروں بے گھر کیتا ہویا اے تے اسیں اودوں تیکر چین نال نہیں بہوں گے جدوں تیکر پنجابی زبان نوں دیس پنجاب اندر بنیادی تعلیم ، نکیاں عدالتاں دے نال نال دفتری زبان وی نہیں منوا لیندے۔ ایہ نیں اوہ وچار جہناں نوں اج سارے پنجاب اندر پنجابی سیوکاں نے اپنے ذہناں اندر تازا کرنا اے۔ اقوام متحدہ نے 21 فروری نوں ہر سال مادری زبان دا دن متھیا ہویا اے تے 1999ء توں لے کے اج تیکر ہر سال ایس دیہاڑ نوں پنجابی دے کارکن تے سیوک اپنی مادری زبان دے حقاں دی یاد تازی کرن لئی مناندے آ رہے نیں۔ شروع وچ پنجابیاں دا اکٹھ اک ادھ شہر وچ دس ویہ بندے کٹھے کرن دی حد تیکر ہوندا سی جد کہ ہن ہزاراں لوگ کٹھے ہو جاندے نیں۔ اک شہر تیکر محدود ایہ اکٹھ اج پورے پنجاب دے نکے وڈے شہراں اندر منایا جا رہیا اے جہدے پاروں پنجابی لہر مسلسل پہلاں نالوں اگے ودھ رہی اے۔
روزوار لوکائی لاہور

بر سبیلِ تذکرہ، پنجابی نوں خطِ نسخ چ لکھن دی کوئی خاص وجہ؟

 

[الف نظامی]

بر سبیلِ تذکرہ، پنجابی نوں خطِ نسخ چ لکھن دی کوئی خاص وجہ؟

کوئی خاص وجہ نہیں صرف اردو تے پنجابی دا نکھیڑا ( فرق ) کرن واسطے دوجا فونٹ لایا اے ویسے تسی چاہو تے نستعلیق وچ وی لکھ سکدے او۔

 

[ابو ہاشم]

 

[عدنان عمر]

کوئی خاص وجہ نہیں صرف اردو تے پنجابی دا نکھیڑا ( فرق ) کرن واسطے دوجا فونٹ لایا اے ویسے تسی چاہو تے نستعلیق وچ وی لکھ سکدے او۔

خطِ نسخ چ لکھیا پنجابی متن پڑھدیاں مینوں انج لگیا جیویں میں زیادہ روانی تے اسانی نال پنجابی پڑھ ریا ہاں۔
ہن مینوں نئیں پتہ ایہدی وجہ خطِ نسخ اے یا فونٹ سائز اے، یا فیر اکھراں دے وچکار غیر معمولی اسپیس اے۔

 

[الف نظامی]

ماں بولی دے جگت دیہاڑ دے موقع اتے لاہور پریس کلب دے ساہمنے پنجابی تنظیماں دی سانجھ نال بھرواں اکٹھ کیتا گیا۔

مرداں نے سراں اُتے پگاں بنھ کے تے سوانیاں نے روایتی پہناویاں نال پنجابی رنگاں نوں ہر پاسے کھلار دتا۔

پنجابی تنظیماں نال تعلق رکھدے آگوواں دا کہنا سی کی پاکستان وچ 14 کروڑ لوک پنجابی بولدے نیں پر سرکاراں ولوں ایہناں دی ماں بولی نال رویا دشمناں ورگا اے۔

گل بات کردیان پنجابی آگو الیاس گھمن نے آکھیا کہ پنجابی زبان تے رہتل ہزاراں ورھے پرانی اے۔

ہر پنجابی دا حق اے کہ اوہ اپنی ماں بولی وچ تعلیم حاصل کرے۔ پنجابی بولی نوں نصاب تے سرکاری دربار دی زبان بنائے بغیر مسئلیاں دا حل ممکن نہیں۔

اوہناں آکھِا کہ 14 کروڑ پنجابی بولن والے ہر سطح اتے اپنی ماں بولی دا تحفظ کرن گے تے ایہدے نفاذ لئی قانون دا دایرے وچ رہندے ہویاں ہر اقدام کیتا جاوے گا۔

پنجابی پرچار تنظیم دے پردھان احمد رضا وٹو ہوراں دا آکھنا سی کہ اسیں پنجابی بولی لئی کسی قربانی توں گریز نہیں کراں گے۔

سرکاراں ولوں کوئی کسر نہیں چھڈی گئی کہ ساڈی بولی مار مکائی جائے پر اج دا پنجابی نوجوان اپنی بولی نال محبت کردا اے بلکہ اوہ سرکار توں اپنے مڈھلے حقاں لئی پُر امن احتجاج دی راہ وی اختیار کردا اے۔

امریکا وسدے پنجابی آگو شہزاد ناصر دا کہنا سی کہ دنیا دے ہر ملک اندر ماں بولی نوں نصاب دی زبان بنایا جاندا اے پر ساڈے پنجاب وچ صرف پنجابی بولی نال دشمنی دا رویا رکھن دی روایت مضبوط ہو رہی اے جہدا ساڈی دھرتی نال جڑے ہر فرد نوں نقصان پہنچ رہیا اے۔

اکٹھ ولوں سانجھے طور قراردار منظور کیتی گئی کہ پنجابی بولی نوں نصاب دی بولی بنایا جائے۔

انٹرمیڈیٹ تیکر پنجابی بولی لازمی پڑھائی جاوے۔

پنجابی رہتل تے کھوج کاری دے ودھا لئی سرکار فنڈ جاری کرے۔

مادری زبان دے دیہاڈ دے موقعے اُتے لاہور پریس کلب وچ پنجابی کتاب میلا وی سجایا گیا سی۔

روزوار لوکائی لاہور ، 22 فروری 2024