ثامر شعور
محفلین
احتساب دے چیف کمشنر صاحب بہادر!
چوراں، ڈاکواں، قاتلاں کولوں
چوراں، ڈاکواں، قاتلاں بارے کیہہ پُچھدے اُو
ایہہ تہانوں کہیہ دسن گے، کیوں دسن گے؟
دسن گے تے جنج وسدے نیں، کنج وسن گے
کون کہوے میرا پتر ڈاکو
قتل دا مجرم میرا بھائی
میرے چاچے جائیداداں تے قبضے کیتے
تے لوکاں دی عمر کمائی
لُٹ کے کھا گئی میری تائی
میرے پھُپھڑ ٹیکس چرائے
میرا ماما چور سپاہی
دتی اے کدی کسے نے اپنے جرم دی آپ گواہی
کیہڑا پاندا اے اپنے ہتھ نال
اپنے گل وچ موت دی پھاہی
کھوجی رسہ گیر نیں سارے کیہہ پچھدے او
اک دوجے دے جرم سہارے کیہہ پچھدے او
ڈاکواں کولوں ڈاکواں بارے کیہہ پچھدے او
اوکھا سپ توں منکہ منگناں
شیر دے منہ چوں بوٹی کھوہنی
اِلاں کولوں ماس نئیں ملدا
ہونی نئیں ہوندی ان ہونی
چوراں، ڈاکواں، قاتلاں کولوں
منگیاں کدی ثبوت نئیں لبھدے
فائیلاں وچ گواچے ہوئے
بڑے بڑے کرتوت نئیں لبھدے
رل کے مارے، مل کے کھاہدے ہوئے لوکاں دیاں
قبراں چوں قلبوت نئیں لبھدے
احتساب دے چیف کمشنر صاحب بہادر!
ساڈے گھر وچ ڈاکے وجے
ساڈیاں نیہاں پُٹیاں گئیاں
ساڈے ویہڑے لاشاں وچھیاں
ساڈیاں عزتاں لٹیاں گئیاں
اسی نمانے اپنے زخمی ہتھاں دے نال
انصافاں دے بوہیاں نوں کھڑکاندے رہ گئے
اِلاں، کانواں، کتیاں کولوں
اپنے زخم چھپاندے رہ گئے
درداں کولوں لئو شہادت
زخماں تو تصدیق کرا لئو
ساڈے ایس مقدمے دے وچ
سانوں وی تے گواہ بنا لئو
آزادی دی پہلی فجر توں لے کے ہن تک
اس دھرتی تے ڈہلے ہوئے
سارے لہو دی قسم چکا لئو
سچ بولاں گے
سچ کھولاں گے
سچ دے باہجھ نہ کجھ پھولاں گے
لا الہ الا اللہ نوں منن والے
بھکھے، ننگے، بے گھر لوکی
فٹ پاتھاں تے لیٹے ہوئے
سوچ رہے نئیں
پاکستان دا مطلب کیہہ سی
دودھ تے شہد دیاں نہراں دے
وعدے اتے جیون والے
مڑقا بیچ کے بھکھ کٹ دے نیں
گلی، جلی، کلی دا حق منگن والے
جیلاں وچ رسیاں وٹ دے نیں
بھکھ چھت نال رسیاں بنھ دی اے
چاغی دے وچ بم پھٹ دے نیں
راتوں رات امیر بنن دے
سفنے جواء کھیڈ رہے نیں
خواباں دے سوداگر ساڈا
اج تے کل وی ویچ گئے نیں
منڈی پیسہ پیسہ کر دی
سارے رشتے توڑ رہی اے
چادر، چار دیواری اندر
اپنیاں لیراں جوڑ رہی اے
راہداری دے ٹول پلازے
تھاں تھاں لگے پلس دے ناکے
سوئزرلینڈ دی سیر کراندے
بینکاں تے اشراف دے ڈاکے
سب توں وڈی دشمن ساڈی
ان مل تے بے جوڑ ترقی
‘‘موٹر وے’’ تو پنج قدماں تے
پنج صدیاں پہلے دا چرخہ
چھ صدیاں پہلے دی چکی
کیہڑی ہور شہادت لبھئیے
کیہڑی ہور گواہی پائیے
ایس تباہی، بربادی دا
کیہڑا ہور ثبوت لیائیے
احتساب دے چیف صاحب بہادر!
ویسے تہانوں وی پتہ تے ہونا اے
تریہہ کنالاں دی کوٹھی وچ
ست پجیرو، چار کلاشنکوفاں
چالی کتے، پنجھی نوکر، ویہہ کنیزاں کتھوں آئیاں
کتھے لگیاں ایہہ ٹکسالاں
دیس پرائے بنیاں چیزاں کتھوں آئیاں
کتھوں آئیا چٹا پوڈر، کالی دولت کتھوں آئی
کتھوں آئے پرمٹ، لیزاں کتھوں آئیاں
اسی وچارے بوہڑاں تھلے
اگن والی گھاء دے تیلے
دھپ تے میہنہ نوں ترس گئے آں
لکھ کروڑاں دا کیہہ کہنا
دس تے ویہہ نوں ترس گئے آں
پہلے پنچھی سالاں دے وچ
ادھا ملک گوا بیٹھے آں
چھبی سال دے مارشل لا وچ
باقی عمر ہنڈا بیٹھے آں
جنہاں سانوں دھوکے دتے
اوہناں کولوں نویاں آساں لا بیٹھے آں
ڈر اے کدھرے آ نہ جاون
فر کے بوٹ بندوقاں والے
ڈر اے سانوں کھا نہ جاون
نوٹاں بھرے صندوقاں والے
احتساب دے چیف کمشنر صاحب بہادر!
چادر چار دیواری والے راج توں پہلاں
راتیں شہر دیاں گلیاں وچ
بے فکری دی چادر تان کے
ڈوہنگی نیندر سوندے ساں
ہن بوہیاں نوں اندروں جندرے مار کے
راتیں جاگدے رہنے آں
احتساب دے چیف کمشنر صاحب بہادر!
سانوں ساڈے خواب دوا دیو
اوہناں کولوں جان چھڈا دیو
جیہڑے چاہندے نیں اس دنیا تے
ملکیت دے جھنڈے گڈ کے جائیے
لوکاں دیاں ساریاں خوشیاں
جڑاں تو وڈ کےجائیے
جے کر سانوں ساڈے خواب دوا نئیں سکدے
سرمائے دی پھاہی دے وچ پھسی ہوئی
ساڈی جان چھڈا نئیں سکدے
سانوں ساڈی نیندر لے دیو
اسی وی اپنے بچیاں دے لئی
کجھ تے چھڈ کے جائیے
احتساب دے چیف کمشنر صاحب بہادر!
ساڈے بچے ویلے دی بھٹی وچ تپ کے
کندن بن کے نکلن گے
اوہناں نوں اپنے ماپاں وانگوں
ازمائشوں نسناں نئیں پئے گا
اوہناں نوں دسناں نئیں پئے گا
جیڑا تھاں توں ہل نئیں سکدا
کدی اگاں نوں چل نئیں سکدا
جیڑا اپنے ویلے کولوں ڈر جاندا اے
اوسے ویلے مر جاندا اے
جیڑا جتھے رک جاندا اے
اوسے تھاں تے مک جاندا اے
چوراں، ڈاکواں، قاتلاں کولوں
چوراں، ڈاکواں، قاتلاں بارے کیہہ پُچھدے اُو
ایہہ تہانوں کہیہ دسن گے، کیوں دسن گے؟
دسن گے تے جنج وسدے نیں، کنج وسن گے
کون کہوے میرا پتر ڈاکو
قتل دا مجرم میرا بھائی
میرے چاچے جائیداداں تے قبضے کیتے
تے لوکاں دی عمر کمائی
لُٹ کے کھا گئی میری تائی
میرے پھُپھڑ ٹیکس چرائے
میرا ماما چور سپاہی
دتی اے کدی کسے نے اپنے جرم دی آپ گواہی
کیہڑا پاندا اے اپنے ہتھ نال
اپنے گل وچ موت دی پھاہی
کھوجی رسہ گیر نیں سارے کیہہ پچھدے او
اک دوجے دے جرم سہارے کیہہ پچھدے او
ڈاکواں کولوں ڈاکواں بارے کیہہ پچھدے او
اوکھا سپ توں منکہ منگناں
شیر دے منہ چوں بوٹی کھوہنی
اِلاں کولوں ماس نئیں ملدا
ہونی نئیں ہوندی ان ہونی
چوراں، ڈاکواں، قاتلاں کولوں
منگیاں کدی ثبوت نئیں لبھدے
فائیلاں وچ گواچے ہوئے
بڑے بڑے کرتوت نئیں لبھدے
رل کے مارے، مل کے کھاہدے ہوئے لوکاں دیاں
قبراں چوں قلبوت نئیں لبھدے
احتساب دے چیف کمشنر صاحب بہادر!
ساڈے گھر وچ ڈاکے وجے
ساڈیاں نیہاں پُٹیاں گئیاں
ساڈے ویہڑے لاشاں وچھیاں
ساڈیاں عزتاں لٹیاں گئیاں
اسی نمانے اپنے زخمی ہتھاں دے نال
انصافاں دے بوہیاں نوں کھڑکاندے رہ گئے
اِلاں، کانواں، کتیاں کولوں
اپنے زخم چھپاندے رہ گئے
درداں کولوں لئو شہادت
زخماں تو تصدیق کرا لئو
ساڈے ایس مقدمے دے وچ
سانوں وی تے گواہ بنا لئو
آزادی دی پہلی فجر توں لے کے ہن تک
اس دھرتی تے ڈہلے ہوئے
سارے لہو دی قسم چکا لئو
سچ بولاں گے
سچ کھولاں گے
سچ دے باہجھ نہ کجھ پھولاں گے
لا الہ الا اللہ نوں منن والے
بھکھے، ننگے، بے گھر لوکی
فٹ پاتھاں تے لیٹے ہوئے
سوچ رہے نئیں
پاکستان دا مطلب کیہہ سی
دودھ تے شہد دیاں نہراں دے
وعدے اتے جیون والے
مڑقا بیچ کے بھکھ کٹ دے نیں
گلی، جلی، کلی دا حق منگن والے
جیلاں وچ رسیاں وٹ دے نیں
بھکھ چھت نال رسیاں بنھ دی اے
چاغی دے وچ بم پھٹ دے نیں
راتوں رات امیر بنن دے
سفنے جواء کھیڈ رہے نیں
خواباں دے سوداگر ساڈا
اج تے کل وی ویچ گئے نیں
منڈی پیسہ پیسہ کر دی
سارے رشتے توڑ رہی اے
چادر، چار دیواری اندر
اپنیاں لیراں جوڑ رہی اے
راہداری دے ٹول پلازے
تھاں تھاں لگے پلس دے ناکے
سوئزرلینڈ دی سیر کراندے
بینکاں تے اشراف دے ڈاکے
سب توں وڈی دشمن ساڈی
ان مل تے بے جوڑ ترقی
‘‘موٹر وے’’ تو پنج قدماں تے
پنج صدیاں پہلے دا چرخہ
چھ صدیاں پہلے دی چکی
کیہڑی ہور شہادت لبھئیے
کیہڑی ہور گواہی پائیے
ایس تباہی، بربادی دا
کیہڑا ہور ثبوت لیائیے
احتساب دے چیف صاحب بہادر!
ویسے تہانوں وی پتہ تے ہونا اے
تریہہ کنالاں دی کوٹھی وچ
ست پجیرو، چار کلاشنکوفاں
چالی کتے، پنجھی نوکر، ویہہ کنیزاں کتھوں آئیاں
کتھے لگیاں ایہہ ٹکسالاں
دیس پرائے بنیاں چیزاں کتھوں آئیاں
کتھوں آئیا چٹا پوڈر، کالی دولت کتھوں آئی
کتھوں آئے پرمٹ، لیزاں کتھوں آئیاں
اسی وچارے بوہڑاں تھلے
اگن والی گھاء دے تیلے
دھپ تے میہنہ نوں ترس گئے آں
لکھ کروڑاں دا کیہہ کہنا
دس تے ویہہ نوں ترس گئے آں
پہلے پنچھی سالاں دے وچ
ادھا ملک گوا بیٹھے آں
چھبی سال دے مارشل لا وچ
باقی عمر ہنڈا بیٹھے آں
جنہاں سانوں دھوکے دتے
اوہناں کولوں نویاں آساں لا بیٹھے آں
ڈر اے کدھرے آ نہ جاون
فر کے بوٹ بندوقاں والے
ڈر اے سانوں کھا نہ جاون
نوٹاں بھرے صندوقاں والے
احتساب دے چیف کمشنر صاحب بہادر!
چادر چار دیواری والے راج توں پہلاں
راتیں شہر دیاں گلیاں وچ
بے فکری دی چادر تان کے
ڈوہنگی نیندر سوندے ساں
ہن بوہیاں نوں اندروں جندرے مار کے
راتیں جاگدے رہنے آں
احتساب دے چیف کمشنر صاحب بہادر!
سانوں ساڈے خواب دوا دیو
اوہناں کولوں جان چھڈا دیو
جیہڑے چاہندے نیں اس دنیا تے
ملکیت دے جھنڈے گڈ کے جائیے
لوکاں دیاں ساریاں خوشیاں
جڑاں تو وڈ کےجائیے
جے کر سانوں ساڈے خواب دوا نئیں سکدے
سرمائے دی پھاہی دے وچ پھسی ہوئی
ساڈی جان چھڈا نئیں سکدے
سانوں ساڈی نیندر لے دیو
اسی وی اپنے بچیاں دے لئی
کجھ تے چھڈ کے جائیے
احتساب دے چیف کمشنر صاحب بہادر!
ساڈے بچے ویلے دی بھٹی وچ تپ کے
کندن بن کے نکلن گے
اوہناں نوں اپنے ماپاں وانگوں
ازمائشوں نسناں نئیں پئے گا
اوہناں نوں دسناں نئیں پئے گا
جیڑا تھاں توں ہل نئیں سکدا
کدی اگاں نوں چل نئیں سکدا
جیڑا اپنے ویلے کولوں ڈر جاندا اے
اوسے ویلے مر جاندا اے
جیڑا جتھے رک جاندا اے
اوسے تھاں تے مک جاندا اے
