نصیر الدین نصیر احمد کہُوں کہ حامدِ یکتا کہُوں تجھے

[شاہد رضا خان]

احمد کہُوں کہ حامدِ یکتا کہُوں تجھے
مولٰی کہُوں کہ بندہء مولٰی کہُوں تجھے

کہہ کر پُکاروں ساقیِ کوثر بروزِ حشر
یا صاحبِ شفاعتِ کبریٰ کہُوں تجھے

یا عالمین کے لِیے رحمت کا نام دُوں
*یا پھر مکینِ گنبدِ خضریٰ کہُوں تجھے

ویراں دِلوں کی کھیتیاں آباد تجھ سے ہیں
دریا کہُوں کہ اَبر سَخا کا کہُوں تجھے

تجھ پر ہی بابِ ذاتِ صِفاتِ خُدا کُھلا
توحید کا مدرسِ اعلیٰ کہُوں تجھے

پا کر اشارہ سورہء یٰسیں کا اِس طرف
دل چاہتا ہے سیدِ والا کہُوں تجھے

زہراؓ ہے لختِ دل تو حَسنؓ ہے تری شَبیہہ
زینبؓ کا یا حُسینؓ کا بابا کہُوں تجھے

لفظوں نے ساتھ چھوڑ دیا کھو چُکے حَواس
میرے کریم! تُو ہی بتا کیا کہُوں تجھے

اُٹھتے ہی ہاتھ بَھر گئیں جھولِیاں مَنگتوں کی
حق تو یہ ہے کہ خَلق کا داتا کہُوں تجھے

کرتا ہُوں اختتامِ سُخن اِس پہ اب نصیرؔ
کُچھ سُوجھتا نہیں کہ کیا کیا کہُوں تجھے

ﷺ​

 

[فرحان محمد خان]

بہت خوب صاحب

 

[لئیق احمد]

سبحان اللہ

 

[محمد عدنان اکبری نقیبی]

سبحان اللہ

 

[عبد الرحمٰن]

سبحان اللہ

 

[الف نظامی]

سبحان اللہ!
امام احمد رضا قادری کی لکھی ہوئی نعت "سرور کہوں کہ مالک و مولا کہوں تجھے" یاد آگئی۔

 

[شاہد رضا خان]

جی بالکل میرے امام کا بہترین کلام ہے یہ

 

[شاہد رضا خان]

سبحان اللہ!
امام احمد رضا قادری کی لکھی ہوئی نعت "سرور کہوں کہ مالک و مولا کہوں تجھے" یاد آگئی۔

امام کا خوبصورت کلام ہے یہ

 

[سید لبید غزنوی]

پیر صاحب کا کلام واقعی ہے ہی ایسا ہے کہ بے اختیار دل داد دینے کو چاہتاہے ۔۔۔اور پھر تذکرہ ہو میرے رسول عربی کا تو کیوں نہ دل باغ باغ ہو۔۔۔۔عمدہ شراکت۔۔