فرقان احمد
محفلین
انگریزی سے اردو میں ترجمہ کرتے ہوئے یہ مسئلہ اکثر درپیش رہتا ہے کہ اگر اردو عبارت میں انگریزی کے الفاظ استعمال کیے جائیں تو جملے کی ترتیب بالکل بدل جاتی ہے اور اس باعث تحریر کا مفہوم بھی یکسر بدل جاتا ہے۔ گو کہ یہ درست ہے کہ ایم ایس ورڈ یا کئی دیگر پلیٹ فارم یہ سہولت فراہم کرتے ہیں کہ عبارت کو دائیں سے بائیں لکھ لیا جائے تاہم مسئلہ یہ ہے کہ اگر اس عبارت کو ایم ایس ورڈ سے اٹھا کر انٹرنیٹ پر کسی ایسی ویب سائیٹ پر ڈالا جائے جہاں دائیں سے بائیں نظر آنے یا لکھے جانے کا اہتمام نہ ہو تو وہاں جملے پھر اسی طرح تتر بتر ہو جاتے ہیں۔ کیا ایسا کوئی طریقہ ممکن ہے کہ ہم جو لکھیں، وہ انٹرنیٹ کے ان عمومی پلیٹ فارمز پر، جیسے فیس بک کے پوسٹ سیکشن یا کمنٹ سیکشن میں درست ترتیب سے لکھا ہوا نظر آئے۔ ماہرین سے التماس ہے کہ اس حوالے سے معاونت فراہم کی جائے؛ احسان مند رہوں گا۔
