اک دو گلاں نیں ذہن وچ۔
پہلی گل تے ایہہ کہ پنجابی دا اصل رسم الخط تے گر مکھی ای اے۔ شاہ مکھی تے اردو فارسی پڑھن والیاں نے اپنی آسانی واسطے استعمال کیتی اے۔ دوجی گل لغت دی۔ والد صاحب کول اردو توں پنجابی لغت پئی اے ۔ جس دی تفصیل ایہہ وے
اردو پنجابی لغت
مولف: ارشاد احمد پنجابی
نظر ثانی :ممتاز مفتی ، عبدالمجید بھٹی
مرکزی اردو بورڈ
لیکن کافی پرانی اے۔ میرے علم دے مطابق لہور دے اک ادارے نے دو جلداں وچ نویں لغت چھاپے چاڑھی اے۔ اوس بارے وی مکمل معلومات مل سکدی اے۔ لیکن تھوڑا جیہا انتظار کرنا پوے گا۔ عید تے گھر جاواں گا تے ایس بارے تفصیلی معلومات مل جان گیاں بلکہ لغت ملن دی امید وی کیتی جا سکدی اے۔
باقی رہی گل کمپیوٹرائزڈ ڈکشنری دی۔ اوس دے بارے میرے ذہن وچ ایہہ آئیڈیا آندا اے کہ کراس ڈکشنری بنائی جا سکدی اے۔ یعنی اگر اردو تو پنجابی دی لغت یونی کوڈ وچ نہیں موجود تے انگلش تو پنجابی یا کسی ہور زبان توں پنجابی دی ڈکشنری ڈھونڈی جاے لیکن اوس زباد دی اردو ڈکشنری وی ہونی چاہی دی اے۔ مثلا
اردو >>> انگلش >>>> پنجابی
یعنی اردو لفظ دی پہلے تلاش انگلش لغت وچ کیتی جاے فیر انگلش تو اوس لفظ دی تلاش پنجابی وچ کر لئی جائے۔
مزید ایہہ کہ گرمکھی دے اکھراں دی ٹائپنگ واسطے میری خدمات وی حاضر نیں۔ لیکن فرصت دی شرط وی نال اے۔ کہو گے تے اپنا آرگ والے ساجد صاحب نال وی اس بارے مشاورت واسطے رابطہ کیتا جا سکدا۔ ویسے میرے والد صاحب پنجابی زبان و ادب دے کافی شوقین نیں تے گرمکھی تے کافی عبور رکھدے نیں۔ کوشش کراں گا کہ اوہناں نوں ایہدر دا رستہ وکھاواں۔ لیکن اگر نہ آ سکے تو تہانوں ہماری اردو فورم تے اوہناں نال رابطہ کرنا پوے گا۔ اوہ تہاڈی اچھی رہنمائی کر سکدے نیں۔ پنجابی زبان دے نال انتاں دا پیار کردے نیں۔
مزید کچھ پچھنا چاہوو تے ذاتی پیغام دے راہیں رابطہ فرما لینا۔
جیوندے رہو
وسدے رہو
تلمیذ
