اردو توں پنجابی ڈکشنری

[تلمیذ]

میں ممنون ہوواں گا جے کو ئی بھین بھرا اردو توں پنجابی ڈکشنری بارے معلومات تے ایہدے ملن دے پتے بارے کجھ جانکاری ایتھے پوسٹ کر سکن ۔

ایس لئی پیشگی شکریہ۔

 

[تلمیذ]

اج تریجا دن ہو گیا ای، کسے مہربان ولوں جواب نئیں آیا۔

خبرے اردو توں پنجابی لغت چھپی ای نئیں

 

[محمد وارث]

ضرور چھپی ہوئے گی تلمیذ صاحب تے ہمت جمع رکھو مل وی جاوے گی۔

میرے کول اردو پنجابی تے نیں پر پنجابی اردو ڈکشنری موجود اے، اے ڈکشنری تنویر بخاری ہوراں دی ادارت وچ اردو سائنس بورڈ نے شائع کیتی اے۔

 

[تلمیذ]

جی ، ایہہ میرے کو ہے وے، سائنس بورڈ توں علاوہ اینہوں ایورنیو پبلشرز نے وی چھاپیا اے تے ایہدا ناں 'تنویر اللغات' رکھیا اے۔

 

[محسن حجازی]

جناب مینوں تے کوئی پنجابی تا اردو لغت دیکھن دا اتفاق نئیں ہویا۔ اس واسطے معذرت۔

 

[الف نظامی]

ایہو جئی لغت میری نظر تو ہالے تیکر نیں گذری۔

 

[شمشاد]

میرا وی ایہو حال اے کہ مینوں وی ایسی کوئی ڈکشنری نئیں ملی۔

 

[تلمیذ]

سب دوستاں دا جواب دین لئی شکریہ !!

 

[پپو]

مینوں لگدا اے اردو توں پنجابی دا کسے سوچیا ای نئیں ہونا کیونکہ جہڑے بندے اردو جاندے نیں اوہناں نوں اس دی ضرورت نئیں پئی

 

[تلمیذ]

مینوں لگدا اے اردو توں پنجابی دا کسے سوچیا ای نئیں ہونا کیونکہ جہڑے بندے اردو جاندے نیں اوہناں نوں اس دی ضرورت نئیں پئی

نئیں پپو جی، ایتھے ماڑا جیہا اختلاف اے۔ پنجابی بولی وی اردو وانگ سبھناں نوں پوری طراں نئیں آؤندی، خاص کر پڑھاکواں تے التھا کرن والیاں (مترجمین) نوں بعضے ویلے بڑی اوکڑ ہوندی اے۔ لُغت تے ہر بولی جانن لئی مڈھلی لوڑ ہوندی اے سرکار!

 

[ظفر اقبال]

لغت تے ویکھی ہے پر ڈیجیتل شکل وچ ہووے تے اطلاع کیتی جاوے

 

[دوست]

اگر ویکھی اے دے دسّو کتھے ویکھی اے تاکہ حاصل کیتی جاسکے۔ ڈیجٹلائز کرنا مسئلہ نئیں۔

 

[تلمیذ]

جناب وارث صاحب، شاکر قادری صاحب، فرخ ہوراں نوں تے ظفر اقبال ہوراں نوں اینہاں سطراں راہیں اوہناں دا قرار یاد کراؤنا چاہنا واں، جیہڑا اینہاں مہرباناں نے ایس لغت دی بھال کرن تے اہدے بارے دسن لئی کیتا سی۔

اصلوں ایہدی لوڑ ای ڈاہڈی اے جیہڑی گھڑی گھڑی میرے کولوں ایتھے لکھوا رئی اے۔

ایہہ ہو تے نئیں سکدا پئی دیس دیاں ایہناں دو وڈیاں لِپیاں (بولیاں) دی لغت چھپی نہ ہووے۔

کسے ہو ر سجن کول ایہدے بارے کوئی سُوچنا ہووے تے کرم کر کے ایتھے لکھو۔ ۔ ۔ ۔

 

[تلمیذ]

اج کوئی ورہے پچھوں آپنا ایہہ سوال لَے کے فیر محفل دے سجناں دی سیوا وچہ حاضر ہویا واں پئی کسے بیلی نوں اردو توں پنجابی لغت دے چھپن بارے کوئی اطلاع ہووے تے ایتھے لکھن۔

کرم نوازی ہووے گی۔

 

[تلمیذ]

اج کوئی ورہے پچھوں آپنا ایہہ سوال لَے کے فیر محفل دے سجناں دی سیوا وچہ حاضر ہویا واں پئی کسے بیلی نوں اردو توں پنجابی لغت دے چھپن بارے کوئی اطلاع ہووے تے ایتھے لکھن۔

کرم نوازی ہووے گی۔

جاپدا اے ایہہ بوہت بھارا پتھر اے جے کوئی سجن ایس ولے آڈندا ای نئیں۔ میں تے بڑے مان نال سوال پایا سی کیوں جے محفل تے میرے خیال وچہ بوہت قابل ہستیاں ہے نیں جنہاں وچوں کوئی تے ایس بارے علم رکھدا ہووے دا

 

[دوست]

اصغر صاحب گل اے وے کہ ماں‌ بولی ساڈی لسٹ وچ سب توں تھلے اے۔ پہلے انگریزی فیر اردو دا درد اٹھدا اے تے پنجابی کِتے بہت تھلے رہ جاندی اے اودھے ول کون ویکھدا اے۔ پنجابی تے خودرو بوٹی اے جیہڑی آپے ای اُگدی جاندی اے۔

 

[تلمیذ]

اصغر صاحب گل اے وے کہ ماں‌ بولی ساڈی لسٹ وچ سب توں تھلے اے۔ پہلے انگریزی فیر اردو دا درد اٹھدا اے تے پنجابی کِتے بہت تھلے رہ جاندی اے اودھے ول کون ویکھدا اے۔ پنجابی تے خودرو بوٹی اے جیہڑی آپے ای اُگدی جاندی اے۔

گل تے تہاڈی سولہ آنےحق اے، شاکر جی، پرجدوں دیس دیاں دوجیاں بولیاں ول دھیان کرئیےپئی اوہناں دی ترقی واہتے کنا کم ہو رہیا اے تےرب جاندا اے،بڑی سنگ آؤندی اے۔ یا ر! اسیں اک لغت نئیں پیدا کر سکدے جیہڑی کسے وی بولی نوں اگاں ودھان لئ اک مُڈھلی لوڑ ہوندی اے۔ پنجابی فلماں تے بڑیاں بندیاں رہندیاں نیںجیہڑیاں بے حیائی وچ واہدا کرن تو اڈ ککھ نئیں کردیاں!

 

[فرخ منظور]

گل تے تہاڈی سولہ آنےحق اے، شاکر جی، پرجدوں دیس دیاں دوجیاں بولیاں ول دھیان کرئیےپئی اوہناں دی ترقی واہتے کنا کم ہو رہیا اے تےرب جاندا اے،بڑی سنگ آؤندی اے۔ یا ر! اسیں اک لغت نئیں پیدا کر سکدے جیہڑی کسے وی بولی نوں اگاں ودھان لئ اک مُڈھلی لوڑ ہوندی اے۔ پنجابی فلماں تے بڑیاں بندیاں رہندیاں نیںجیہڑیاں بے حیائی وچ واہدا کرن تو اڈ ککھ نئیں کردیاں!

قبلہ تسی چاہندے او کہ او لغت تہاڈے ہتھ وچ پھڑا دتی جائے تہانوں کج نہ کرناں پئے۔ میرا خیال اے میں تہانوں دسیا سی کہ اردو سائنس بورڈ نے شاید اجیہی لغت چھاپی اے لیکن تسی اونہاں نال رابطہ کرناں میرا خیال اے گوارا ای نئیں کیتا۔

 

[فرخ منظور]

حال وچ اک پنجابی، اردو لغت چھاپی گئی اے۔ تفصیل لئی دیکھو ڈان

 

[تلمیذ]

قبلہ تسی چاہندے او کہ او لغت تہاڈے ہتھ وچ پھڑا دتی جائے تہانوں کج نہ کرناں پئے۔

بے ادبی معاف، تہانوں مغالطہ لگا اے سرکار، میں تے کدی وی ایہہ تاہنگ نئیں کیتی جے مینوں کجھ ناں کرنا پوے تے لغت میرے ہتھ وچ آ جائے۔ تہانوں نئیں پتہ، میں تے اک ورہے دا ایہدے مغر لگا ہویاں واں۔ خبرے کِنے فون کیتے نیں تے لاہور، فیصل آباد، تے پِنڈی وچ رہن والے کنے سجناں دے بوہے کھڑکائے نیں۔ کسے سبب پاروں میں آپ اردو بازار دا پھیرا نئیں لا سکدا۔ مینوں پتہ اے جے اردو سائنس بورڈ والیاں کئی ورہے پہلوں ارشاد احمد پنجابی ہوراں دی اک نامکمل جیہی لغت چھاپی سی جدھے وچ 'پنجابی توں اردو' تے' اردو توں پنجابی' دونویں اَکھر ہے سن، پر ڈھونڈن تے پتہ لگا جے ایہہ ہُن آؤٹ آف پرنٹ اے تے ناں اونہاں دی لائبریری وچوں تے ناں ای بازار دے کسے کتب فرش توں لبھ سکدی اے۔

تہاڈے دتے ہوئے ڈان دے ربط تے وی 'پنجابی توں اردو' دی لغت دا ذکر اے۔ ایہدے وچ لکھاری نے دعویٰ کیتا اے جے ایہہ 'پہلی وار' چھپی اے حالانکہ ایس توں پہلوں تنویر بخاری ہوراں دی اک بڑی جامع تے مفصل لغت منظرِ عام تے آچکی اے، جدھا تذکرہ ایس دھاگے دے شروع وچ کیتا گیا سی۔ نالے میں سجناں دی خدمت وچ ایہ لکھنا چاہنا واں جے میری لوڑ 'پنجابی توں اردو' نئیں ' اردو توں پنجابی' دی لغت اے۔

بولن یاں لکھن وچ اسیں بھاویں جنی وی پنجابی پئے ورتئے پر اک مترجم ہون پاروں مینوں کئی وار کسے اوکھے اردو اکھر نوں سِکے بند تے سُچی پنجابی وچ ڈھالن ویلے بڑی اوکڑ ہوندی اے۔ محفل دے پنجابی فورم تے ایہہ بینتی کرن دا کارن وی ایہہ ای اے جے مینوں بس خبر لبھ جائے جے کدھرے پنجابی توں اردو دی لغت چھپی اے۔ اگوںحاصل کرنا میرا کم اے۔