) حسبِ عادت انٹرنیٹ کے سامنے براجمان تھیں۔ کہ اچانک فون کی گھنٹی بجی۔ فون اٹھانے پر پتہ چلا کہ پرستان سے سبز پری بوچھی بات کر رہی ہیں۔ باتوں باتوں میں پری نے اسے اردو ویب کا ایڈریس دیا۔ کہ وہ بھی وہاں موجود ہیں تو اسے بھی وہاں ضرور ہونا چاہیے۔ (وہ کیا گانا ہے۔ “جہاں میں ، وہاں تو۔۔۔“) یاد رہے کہ آج سے 18 مہینے پہلے یہ سبز پری شہزادی کو 18 سال کا ہی تصور کرتی تھیں۔ حلانکہ شہزادی نے بارہا ان کو اپنی عمر کے بارے میں بتایا تھا۔ خیر۔۔۔ شہزادی اسی وقت محفل پر پہنچ گئیں، جہاں ان کا شاندار استقبال کیا گیا۔ گو کہ اس وقت شہنشاہِ خطوط شمشاد تو موجود نہیں تھے۔ لیکن اس کے باوجود شہزادی سے سوال پوچھنے والے بہت تھے۔ دوسرے دن ہی شہزادی محفل کے لوگوں سے گھل مل گئیں۔ (جو کہ ان کی عادت بھی تھی۔) سبز پری نے شہزادی کو ایک لمبی چوڑی میل لکھ کر تمام ممبرز کے بارے میں تفصیلات سے آگاہ کیا۔ اس وقت کچھ زیادہ ممبرز نہیں تھے۔ اور لڑکیوں میں تو صرف سبز پری اور شہزادی ہی ایکٹو تھیں۔ جیسا کہ پہلے ذکر کیا گیا ہے کہ بوچھی، ماوراء کو بچی سمجھتی تھیں۔ اس ایک میل میں خاص طور پر تنبیہہ کی گئی کہ کس سے کتنی بات کرنی ہے اور کس سے کیا بات کرنی ہے۔ ماوراء جب کوئی غلطی کرتی باجو ایک لمبی چوڑی ڈانٹ ساتھ لے کر پہنچ جاتیں۔ اور باجو کی انھی ڈانٹوں کی وجہ سے ماوراء آج بڑی ہوئی ہے۔
..شکریہ آپ کو یہاں میرا جواب اچھا لگا.
لیں رہبر میاں!!
آپ کے اصرار پر یہ مختصر سی تحریر حاضر ہے۔
اردو بلاگنگ کے دوران ہی نبیل بھائی اور دیگر دوستوں کی معرفت محفل کا علم ہوا، ١٦ جولائی کے تاریخ ساز دن میں ‘محفلِ دوستاں ، بزمِ یاراں‘ کا حصہ بن گیا۔ اس وقت محفل میں صرف بابے ہی تھے جو سارا اس آس میں بیٹھے رہتے کہ کب کوئی آئے اور اس سے گپ شپ کی جائے۔ کیونکہ اس وقت ایڈمن سمیت ممبران کی تعداد ٣٣ تھی۔ ٣٤ میرا نمبر تھا، ان ٣٣ میں سے بھی چند ایک ہی فعال تھے جن میں ایڈمن صاحبان کے علاوہ پپو بچہ قدیراحمد رانا، شعیب دوبئی والے، خاور کوکھر، شعیب صفدر، منہاجین، شارق مستقیم، جیسبادی قابل ذکر ہیں۔
ہمیں اڑان کا شعور آ گیا تو اک دن
ہمارے ہوں گے سب نجوم و مہر و ماہ دیکھنا
وقت گرزنے کے ساتھ ساتھ ممبران کی تعداد میں تیزی سے اضافہ ہونے لگا اور بہت ہی تھوڑے عرصے میں دوستوں کی لگن اور محنت اسے ایک ایسے مقام پر لا کھڑا کیا جہاں سے پیار، محبت اور اعتماد کی کرنیں پھوٹ کر چاروں طرف روشنی دینی لگیں، پھر جو بھی یہاں آیا یہی کا ہو کر رہے گیا کسی نے پیچھے مڑ کر دیکھنا گوارہ نہیں کیا۔
میں اور محفل
ترے جلوے دیکھ کر پڑتی نہیں اوروں پہ نظر
میں تو جس محفل میں گیا مجھ کو تنہائی ملی
زندگی میں یہ محفل ایسی سجی اب کسی اور محفل میں دل ہی نہیں لگتا، کچھ لازم ملزوم والی بات ہے بلکہ اس سے بھی بڑھ کر میں کہوں گا کہ میری دوسری شادی محفل کے ساتھ ہو چکی ہےاس لئے اب تو اس کے ساتھ زندگی بھر کا ساتھ ہے
اور میں کسی بھی گنتی میں نہیں ہوں
