اردو میں تعلیمی فورم

[قیصرانی]

اس بارے میں‌اتنا کچھ کر سکتا ہوں‌کہ استادوں کے لیے مکمل ٹرینگ کتاب میں لکھ سکتا ہوں۔۔۔۔

بھائی جی، بسم اللہ کریں۔ دیر کاہے کی

 

[سیدہ شگفتہ]

السلام علیکم

اس پیغام کو اس وقت یہاں ارسال کرنے کا مقصد یاد دہانی کروانا ہے کہ تمام اراکین جو تعلیمی فورم میں دلچسپی رکھتے ہیں وہ اپنا ہوم ورک کرتے رہیں اور جو ہوم ورک اب تک (اگر) کرتے رہے ہیں اسے ترتیب میں لے آئیں تا کہ کچھ قدم آگے بڑھا جا سکے ۔

شکریہ

 

[دوست]

یہ تعلیمی فورم جو ہے کیا مضحکہ ب ب جیسی کوئی چیز ہے؟؟
جس کا ترجمہ نظرثانی کے لیے میں نے وعدہ کیا تھا (اور کبھی کبھی کیا بھی کرتا ہوں۔)۔ اگر نہیں تو اس میں اور اُس میں فرق کیا ہے کہ اسے تعلیمی فورم کا نام بطور خاص دیا گیا ہے۔

 

[شارق مستقیم]

استعمال کیا جا سکتا ہے

جی ہاں، مضحکہ ب ب کو بھی اس کام کے لیے استعمال کیا جا سکتا ہے۔ اگر آپ یہاں دیکھیں تو مضحکہ ب ب بالکل تیار حالت میں موجود ہے:

http://boriat.com/forum

اس پر اسٹائل اور اردو لکھنے کی سپورٹ ڈالی گئی ہے۔

مسئلہ پھربتاؤں کہ اس فورم کو لائیو کرنا آسان لیکن آباد رکھنا مشکل ہوگا۔ اس کے لیے کم از کم ایک 'ہیرو' بندے کو اس فورم کے ساتھ ہر وقت جڑنا پڑے گا۔ میرا ایک آئیڈیا یہ ہے کہ اس سلسلے میں کہ اس فورم کی تعمیر کے بعد اسے کسی اچھے یونیورسٹی یا کالج وغیرہ سے endorse کر دیا جائے تاکہ یہ یقین ہو کہ اس ادارے کے طلبہ اسے ضرور بضرور استعمال کریں گے۔

 

[نبیل]

شارق، یہ آئیڈیا اچھا ہے۔ بلکہ اگر اس تعلیمی ادارے کے طلبا کو اس فورم کے انتظامی امور سونپ دیے جائیں تو اس سے بھی اس کی فعالیت پر اچھا اثر پڑ سکتا ہے۔

 

[الف عین]

یہ بھی کارے دارد ہی لگتا ہے۔ میں مارچ میں علی گڑھ گیا تھا اور یہ امید تھی کہ یونیورسٹی سے اردو لائبریری کا الحاق ہو سکے، یا کم از کم سپانسر شپ مل جائے تو یہ کام یونیعرسٹی یا شعبۂ اردو کے پروجیکٹ کے طور پر آگے بڑھ سکتا ہے لیکن بہت مایوسی ہوئ۔ پچھلے ہفتے ہی میں نے وہاں کمپیوٹر سائنس کے ایک استاد کو بھی کال کیا تھا جن سے اس سلسلے میں ملاقات ہوئ تھی۔ بلکہ یہ بھی کہا تھا کہ وہاں بھی طلباء جو پروجیکٹ کرتے ہیں تو کیوں نہ وہ اردو ویب کے پروجیکٹس میں حصّہ لیں۔ ان کو روابط کا ای میل بھی کیا لیکن اب تک جواب نہیں آیا ہے۔ یہ صاحب خود بھی شاید انٹر نیٹ سے دل چسپی نہیں رکھتے۔ شوقیہ ای میل آئ ڈی بنا لیتے ہیں لیکن کیوں کہ انھیں ای میلس کی امید بھی نہیں ہوتی اس لئے اپنا اکاؤنٹ کھولتے بھی نہیں اور ڈس ایبل کر دیا کاتا ہے ان لوگوں کا اکاؤنٹ۔ اس قسم کی صورتِ حال میں کالجوں سے امید رکھنا کم از کم م؂جھے اب فضول لگنے لگا ہے۔ خدا کرے کہ پاکستان میں حالات بہتر ہوں۔

 

[قیصرانی]

حالات تو اکثر جگہوں پر ایک جیسے ہی ہیں

 

[شارق مستقیم]

سچ کہا

سچ کہا اعجاز صاحب، یہ والا اندازِ فکر یہاں بھی ہے، کوشش کی جاسکتی ہے۔

 

[نبیل]

اعجاز اختر صاحب، ہمارے لیے یہی بہت ہے کہ آپ نے کسی تعلیمی ادارے سے اس سلسلے میں رابطہ کیا۔ لوگوں کو کسی نئی سمت پر لگانا مشکل کام ہی ہوتا ہے۔ لیکن ہمیں ہمت نہیں ہارنا چاہیے۔ انشاءاللہ کچھ لوگوں کو ضرور ہمارا کام پسند آئے گا اور وہ اس میں شریک ہونا چاہیں گے۔ لاہور کے ایک بڑے تعلیمی ادارے سے آرتھر بھائی تو یہاں گاہے گاہے تشریف لانے لگے ہیں۔

 

[ذوالفقار]

ميں اس بات پر اتفاق کرتا ہوں۔۔۔

شارق، بہت زبردست آئیڈیا ہے آپ کا، بس مجھے اس میں ہوم ورک مکمل کرانے والی بات کے بارے میں کچھ تحفظات ہیں۔ میرے خیال میں ہوم ورک یا اسائنمنٹ وغیرہ میں مدد تلاش کرنے اور اسے کسی اور سے حل کروانے میں فرق ہے۔ اس سے ملتے جلتے آئیڈیا پر ہی گوگل آنسرز (Google Answers) چل رہا ہے۔ اس میں تو کچھ سوالوں کے جواب حاصل کرنے کے لیے کچھ رقم ادا کرنا پڑتی ہے۔ کچھ عرصہ قبل میں نے اس سروس کے بارے میں شکایت سنی تھی کہ سٹوڈنٹ لوگ اب اپنا کام Google Answers سے ہی کرا لیتے ہیں۔ اس میں کتنی حقیقت ہے، یہ میں نہیں جانتا۔


بہرحال آپ یہ بتائیں کہ آپ اس پراجیکٹ کو کیسے realize کرنا چاہیں گے؟ کیا یہ محفل فورم کا ہی حصہ ہونا چاہیے یا اس کے لیے الگ ڈومین یا سب ڈومین ہونا چاہیے؟

 

[اسلم رضا غوری]

اردو ویب کےتحت تعلیمی بورڈ کی تشکیل دے دی جائے۔دلچسپی لینے والے افراد کو مضامین کا سربراہ بنادیا جائے،آپس میں طے کر کے تعلیمی بورڈ کا سربراہ مقرر کرلیں،اس کام کو آگے بڑھائیں۔

 

[اسلم رضا غوری]

اس سلسلے میں جلدازجلد مضامین پر دستیاب تحاریر کو فورم کی مضامین کے زمرے میں شامل کرائیں۔

 

[اسلم رضا غوری]

جناب نبیل صاحب، اگر " اردو عالمی تعلیمی بورڈ" تشکیل دے دیا جائے جو او،اے لیول کی طرز پر طلبہ کو تعلیم دے۔اور تمام مضامین کی تعلیم کا اہتمام ہو،اس میں اردو زبان سے محبت کرنے والے افراد اپنے اپنے شعبہ جات کی تعلیمی کورس تشکیل دے سکتے ہیں۔