نبیل
تکنیکی معاون
السلام علیکم،
میرا اگلا ٹارگٹ اردو ورڈپریس کا اجرا ہے۔ اس کے لیے میں ویب پیڈ کی اپڈیٹ مکمل ہونے کا انتظار کر رہا تھا۔ ویب پیڈ اپڈیٹ ہونے کے بعد اب یہ کام کیا جا سکتا ہے۔
میں نے ورڈپریس میں ویب پیڈ کی ممکنہ انٹگریشن کا جائزہ لیا ہے تو معلوم ہوا ہے کہ اس سلسلے میں زیادہ کام ایڈمن سیکشن میں ہے جبکہ یوزر فرنٹ اینڈ پر تو تبصروں، تلاش اور نام کے خانوں میں اس کی ضرورت پڑتی ہے۔
ویب پیڈ انٹگریشن کا کام آسان بنانے کے لیے اس کی جاواسکرپٹ صرف ایک مرتبہ ہیڈر ٹیمپلیٹ میں شامل کی جائے گی۔ یعنی صرف ایک مرتبہ فرنٹ اینڈ تھیم کی ٹمپلیٹ میں اور ایک مرتبہ ایڈمن ہیڈر کے ٹمپلیٹ میں۔ اس طرح باقی فائلوں میں متعلقہ ایڈٹ ایریاز کواردو ایڈٹ ایریا میں کنورٹ کرنے کے لیے صرف makeUrduEditor فنکشن کال کرنا باقی رہ جائے گا۔
میں نے اس سلسلے میں کچھ ابتدائی تجربات کیے تو مجھے ایک تکنیکی دشواری کا سامنا ہوا اور وہ یہ کہ مجھے ویب پیڈ کی جاوا سکرپٹ شامل کرنے کے لیے include پاتھ معلوم کرنا نہیں آ رہا تھا اور ہر انسٹالیسن کے لیے الگ سے پورا یو آر ایل لکھنا پڑتا تھا۔ اس کی وجہ سے اردو ورڈ پریس کی ڈسٹریبیوشن بنانے میں دشواری ہو سکتی تھی۔ اردو ہوم کے پردیسی بھائی نے اس کا حل یہ نکالا ہے کہ انہوں نے اردو ہوم پر ریلیز کی گئی تمام ورڈپریس کی ٹمپلیٹس میں ویب پیڈ جاوا سکرپٹ کی پاتھ کے طور پر اردو ہوم پر رکھی ہوئی ویب پیڈ سکرپٹ کا یوآرایل ہی دے دیا ہے۔ میرے خیال میں یہ حل ٹھیک نہیں ہے۔ بہرحال میں نے اس کا حل بھی دریافت کر لیا ہے۔
کچھ دوستوں نے ایک مرتبہ کہا تھا کہ ورڈپریس میں ویب پیڈ کو ایک پلگ ان کے طور پر انٹگریٹ کیا جانا چاہیے۔ فی الحال ایسے پلگ ان کا کوئی کانسپٹ موجود نہیں ہے۔ یعنی مجھے علم نہیں ہے کہ یہ پلگ ان کس صورت میں ہونا چاہیے اور ورڈپریس کا پلگ ان بھی میں نے کبھی نہیں لکھا۔ اس لیے فی الحال میں براہ راست ورڈ پریس کی ٹمپلیٹ فائلوں کو ایڈٹ کرکے ویب پیڈ انٹگریشن پر کام کروں گا۔ بعد میں کبھی ایسے پلگ ان کا کانسپٹ واضح ہوا تو اس پر بھی کام کیا جا سکے گا۔
اردو ورڈپریس میں ویب پیڈ انٹگریشن کے ساتھ ساتھ اس میں اردو ترجمے کا بھی استعمال کیا جانا چاہیے۔ اس سلسلے میں مجھے دوستوں کی مدد درکار ہوگی۔ مجھے علم نہیں ہے کہ ورڈپریس کا اردو ترجمہ کیسے استعمال کیا جا سکتا ہے۔
اس کے علاوہ ورڈپریس میں غالباً utf-8 ڈیٹا کے حوالے سے بھی کچھ تبدیلیوں کی ضرورت پیش آئے گی۔ اس سلسلے میں مزید جو کام ذہن میں آتے جائیں گے، ان کے بارے میں یہاں پوسٹ کرتا رہوں گا۔
والسلام
میرا اگلا ٹارگٹ اردو ورڈپریس کا اجرا ہے۔ اس کے لیے میں ویب پیڈ کی اپڈیٹ مکمل ہونے کا انتظار کر رہا تھا۔ ویب پیڈ اپڈیٹ ہونے کے بعد اب یہ کام کیا جا سکتا ہے۔
میں نے ورڈپریس میں ویب پیڈ کی ممکنہ انٹگریشن کا جائزہ لیا ہے تو معلوم ہوا ہے کہ اس سلسلے میں زیادہ کام ایڈمن سیکشن میں ہے جبکہ یوزر فرنٹ اینڈ پر تو تبصروں، تلاش اور نام کے خانوں میں اس کی ضرورت پڑتی ہے۔
ویب پیڈ انٹگریشن کا کام آسان بنانے کے لیے اس کی جاواسکرپٹ صرف ایک مرتبہ ہیڈر ٹیمپلیٹ میں شامل کی جائے گی۔ یعنی صرف ایک مرتبہ فرنٹ اینڈ تھیم کی ٹمپلیٹ میں اور ایک مرتبہ ایڈمن ہیڈر کے ٹمپلیٹ میں۔ اس طرح باقی فائلوں میں متعلقہ ایڈٹ ایریاز کواردو ایڈٹ ایریا میں کنورٹ کرنے کے لیے صرف makeUrduEditor فنکشن کال کرنا باقی رہ جائے گا۔
میں نے اس سلسلے میں کچھ ابتدائی تجربات کیے تو مجھے ایک تکنیکی دشواری کا سامنا ہوا اور وہ یہ کہ مجھے ویب پیڈ کی جاوا سکرپٹ شامل کرنے کے لیے include پاتھ معلوم کرنا نہیں آ رہا تھا اور ہر انسٹالیسن کے لیے الگ سے پورا یو آر ایل لکھنا پڑتا تھا۔ اس کی وجہ سے اردو ورڈ پریس کی ڈسٹریبیوشن بنانے میں دشواری ہو سکتی تھی۔ اردو ہوم کے پردیسی بھائی نے اس کا حل یہ نکالا ہے کہ انہوں نے اردو ہوم پر ریلیز کی گئی تمام ورڈپریس کی ٹمپلیٹس میں ویب پیڈ جاوا سکرپٹ کی پاتھ کے طور پر اردو ہوم پر رکھی ہوئی ویب پیڈ سکرپٹ کا یوآرایل ہی دے دیا ہے۔ میرے خیال میں یہ حل ٹھیک نہیں ہے۔ بہرحال میں نے اس کا حل بھی دریافت کر لیا ہے۔
کچھ دوستوں نے ایک مرتبہ کہا تھا کہ ورڈپریس میں ویب پیڈ کو ایک پلگ ان کے طور پر انٹگریٹ کیا جانا چاہیے۔ فی الحال ایسے پلگ ان کا کوئی کانسپٹ موجود نہیں ہے۔ یعنی مجھے علم نہیں ہے کہ یہ پلگ ان کس صورت میں ہونا چاہیے اور ورڈپریس کا پلگ ان بھی میں نے کبھی نہیں لکھا۔ اس لیے فی الحال میں براہ راست ورڈ پریس کی ٹمپلیٹ فائلوں کو ایڈٹ کرکے ویب پیڈ انٹگریشن پر کام کروں گا۔ بعد میں کبھی ایسے پلگ ان کا کانسپٹ واضح ہوا تو اس پر بھی کام کیا جا سکے گا۔
اردو ورڈپریس میں ویب پیڈ انٹگریشن کے ساتھ ساتھ اس میں اردو ترجمے کا بھی استعمال کیا جانا چاہیے۔ اس سلسلے میں مجھے دوستوں کی مدد درکار ہوگی۔ مجھے علم نہیں ہے کہ ورڈپریس کا اردو ترجمہ کیسے استعمال کیا جا سکتا ہے۔
اس کے علاوہ ورڈپریس میں غالباً utf-8 ڈیٹا کے حوالے سے بھی کچھ تبدیلیوں کی ضرورت پیش آئے گی۔ اس سلسلے میں مزید جو کام ذہن میں آتے جائیں گے، ان کے بارے میں یہاں پوسٹ کرتا رہوں گا۔
والسلام
