شوکت پرویز
محفلین
امجد بھائی !
آپ کی پریشانی شاید اس لنک سے کچھ کم ہو جائے http://www.urdukidzcartoon.com/
اگر چہ مجھے یہاں ویڈیوز نہیں ملے، لیکن کارٹونز زبردست ہیں۔
یہ لنک مجھے سسٹر عندلیب کی دستخط میں ملے ہیں
۔باباجی ثمینہ شاہ محمدعلم اللہ اصلاحی الف عین مانی ایچ اے خان محمود احمد غزنوی محمد خلیل الرحمٰن
محمود احمد غزنوی
محفلین
کچھ عرصہ قبل یہاں(دبئی میں) ایک ایف ایم ریڈیو سٹیشن پر جنرل نالج کے سوالات کا ایک پروگرام چل رہا تھا۔ ایف ایم والے انڈینز تھے۔ انہوں نے سوال پوچھا کہ ٹائی (گردن پر باندھنے والی ٹائی) کو ہندی میں کیا کہتے ہیں۔۔۔تو کافی دیر بعد درست جواب موصول ہوا اور جواب تھا " کنٹھ لنگوٹی"۔۔۔۔۔چنانچہ میں تو یہی کہوں گا کہ کہاں اردو جیسی رواں، شستہ اور شائستہ زبان اور کہاں یہ ہندی۔۔۔
محمد یعقوب آسی
محفلین
اس فقیر کی رائے تو یہی ہے کہ زبان کوئی بھی، مذہب اس کا اہم ترین بنیادی عنصر ہے۔ کیوں کہ مذہب ایک معاشرے کو دوسرے معاشرے سے ممتاز کرتا ہے۔ باقی عوامل کا انکار مقصود نہیں، تاہم مذہب کا انکار ممکن نہیں۔ ایک زبان میں دوسری کئی زبانوں کے الفاظ (اسماء افعال وغیرہ) ہو سکتے ہیں اور ہوتے ہیں، کوئی بھی زبان اٹھا کر دیکھ لیجئے۔ زبانوں میں بتدریج تبدیلیاں بھی ہوا کرتی ہیں۔
اردو کے حوالے سے بات کریں تو اس کے لئے رومن یا دیوناگری خطوں میں سے کوئی بھی موزوں نہیں۔ فارسی رسم الخط اردو کا بنا ہی اس لئے کہ اس کے پیچھے فارسی اور عربی کا اختلاط ہے اور اس کے پیچھے اسلام ہے۔
اردو کے حوالے سے بات کریں تو اس کے لئے رومن یا دیوناگری خطوں میں سے کوئی بھی موزوں نہیں۔ فارسی رسم الخط اردو کا بنا ہی اس لئے کہ اس کے پیچھے فارسی اور عربی کا اختلاط ہے اور اس کے پیچھے اسلام ہے۔
محمد یعقوب آسی
محفلین
مقامی آوازیں: ڈ، ڑ، ٹ، بھ، پھ، تھ وغیرہ کے لئے فارسی خط میں حروف نہیں تھے، سو بنا لئے گئے۔ اس میں قباحت بھی کیا ہے۔
رومن خط میں لکھی جانے والی بہت ساری زبانوں میں ایسا بھی ہے کہ ایک جیسے الفابیٹس کی صوتیات مختلف ہیں، کانسوننٹ اور واول کا فرق بھی ہے، روسی زبان میں الفابیٹس کی شکلیں بھی کچھ نئی ہیں۔ ایسا فارسی خط والی زبانوں میں بھی ہے۔ پشتو، بلوچی، سندھی میں کچھ حروف اپنے اپنے ہیں، کچھ مشترک ہیں، کچھ حروف وہی ہیں ان کی صوتیت مختلف ہے۔
رومن خط میں لکھی جانے والی بہت ساری زبانوں میں ایسا بھی ہے کہ ایک جیسے الفابیٹس کی صوتیات مختلف ہیں، کانسوننٹ اور واول کا فرق بھی ہے، روسی زبان میں الفابیٹس کی شکلیں بھی کچھ نئی ہیں۔ ایسا فارسی خط والی زبانوں میں بھی ہے۔ پشتو، بلوچی، سندھی میں کچھ حروف اپنے اپنے ہیں، کچھ مشترک ہیں، کچھ حروف وہی ہیں ان کی صوتیت مختلف ہے۔
محمد خلیل الرحمٰن
محفلین
متفق!
محمد خلیل الرحمٰن
محفلین
متفق!
محمد یعقوب آسی
محفلین
آداب عرض ہے۔
ثمینہ شاہ
محفلین
آپ کی بات سے بہت حد تک اختلاف نہیں لیکن اگر الفاظ کی تبدیلیوں کا رخ ترقی کی بجاٰے تنزلی کی جانب ہو تو پھر؟ اور پھر اس تبدیلی کی آج کوئی وجہ بھی تو پتہ چلے ؟ جب اردو ادب نے اپنے ابتدای ارتقا ئٰ مرحلے میں سنسکرت کو بحیثیت مجموعی قبول نہیں کیا تو آج اس میڈیا کی زبر دستی کو ہم کیوں قبول کریں اگر اردو میں کسی سماجی اور ساٰئنسی طور پر ترقی یافتہ قوم کی زبان کے وہ الفاظ شامل کیئے جاٰئیں جن کا متبادل اردو میں نہیں تو پھر تو بات سمجھ میں آتی ہے لیکن گزشتہ دس سالوں میں میڈیا کی آزادی کے بعد سنسکرت کی اردو میں پہلے سے موجود الفاظ سے تبدیلی کا مقصد ؟
محمد یعقوب آسی
محفلین
بجا ارشاد! تاہم میں نے ایک عمومی بات کی تھی۔
سنسکرت میں کوئی ایسی بات ضرور ہے کہ مجھے سنسکرت کے الفاظ کا اردو میں نفوذ یوں کہہ لیجئے حلق سے نہیں اترتا۔ یہاں ایک مسئلہ اور در آیا ہے۔ جب ایک قوم دوسری قوم کی برتری تسلیم کرتی ہے (درست یا نادرست سے قطع نظر) تو وہ اُس قوم کی زبان کو بھی برتر مان لیتی ہے اور یہ سلسلہ بہت دور تک چلتا ہے۔ بدقسمتی سے ہمارے ساتھ بھی کچھ ایسا ہو رہا ہے۔ اپنی اصل سے دوری اور دوسروں کے مقابلے میں احساسِ کمتری کے اثرات زبان پر بھی ہوتے ہیں۔
دردِ مشترک کی یہ داستان بہت طویل ہے تاہم جب ہمارا اپنا میڈیا ہماری اپنی ثقافت کے قدرِ اول (زبان) کے درپے ہو تو غیروں سے کیا شکایت! میڈیا کی مبینہ زبردستی کا جواب بھی میڈیا ہی ہے۔ ہمارے میڈیا کے موجودہ بڑے دماغوں میں کتنے ہی ایسے ہیں، جن کا اردو سے کوئی قلبی تعلق نظر نہیں آ رہا۔
سو، یہی ہے کہ ہم اپنی اپنی استطاعت کے مطابق اردو کی مثبت اقدار کے تحفظ میں لگے رہیں۔
محمد یعقوب آسی
محفلین
کتاب پڑھنے کا رجحان مر رہا ہے۔ اس کو زندہ کرنا ہو گا۔
ایک کاوش یہ بھی ہو سکتی ہے کہ مفید اور معتبر کتابیں انٹرنیٹ پر یوں فراہم کی جائیں کہ ان کو بلامعاوضہ ڈاؤن لوڈ کیا جا سکے۔ بہت ساری کتب موجود بھی ہیں مگر قاری کی ترجیحات میں جو تبدیلی آئی ہے، وہ خاصی پریشان کن ہے۔
ع: اپنی سی کرو بنے جہاں تک
اللہ ہمارا حامی و ناصر ہو۔
ثمینہ شاہ
ایک کاوش یہ بھی ہو سکتی ہے کہ مفید اور معتبر کتابیں انٹرنیٹ پر یوں فراہم کی جائیں کہ ان کو بلامعاوضہ ڈاؤن لوڈ کیا جا سکے۔ بہت ساری کتب موجود بھی ہیں مگر قاری کی ترجیحات میں جو تبدیلی آئی ہے، وہ خاصی پریشان کن ہے۔
ع: اپنی سی کرو بنے جہاں تک
اللہ ہمارا حامی و ناصر ہو۔
ثمینہ شاہ
ثمینہ شاہ
محفلین
سنسکرت میں کوئی ایسی بات ضرور ہے کہ مجھے سنسکرت کے الفاظ کا اردو میں نفوذ یوں کہہ لیجئے حلق سے نہیں اترتا اس جملے میں گویا آپ نے سمندر کوزے میں بند کر دیا اور شائید اردو کو ایجاد کرنے والوں کے حلق سے بھی نہیں اتری ہو گی اسی لیے اردو وقوع پذیر ہوئی اور یقین جانیے جب میں اپنی نئی نسل کو مجبوراَ نیشنل جیو گرافک اور ڈسکوری وغیرہ کے پروگرام خالص سنسکرت میں دیکھتا ہوا پاتی ہوں تو دل بہت کڑھتا ہے اور روز مرہ کی بول چال میں غیر ارادی طور پر وہ کچھ الفاظ سنسکرت کے بول جاتے ہیں جس پر خون کھول اٹھتا ہے
جہاں تک احساس کمتری کا تعلق ہے تو ہماری سائنس سے دوری اس کی اصل وجہ ہے احساس کمتری پیدا ہونا چاہیے شائید جب ہی کچھ نفوس اس جانب توجہ دیں ورنہ عرب ممالک میں یہ احساس کمتری نہیں پائی جاتی ماشااللہ سمندر کو زمین بنانے پر تلے ہیں جب کے اسی رقم سے ناسا جیسے کئی ادارے کھولے جا سکتے تھے اور اسی سائنسی ترقی سے پھر دنیا پر حکومت کی جاسکتی تھی
دوست
محفلین
پاکستان میں اردو کہیں نہیں جا رہی. یہاں تو علاقائی زبانوں کی جگہ اردو بطور مادری زبان بولی جا رہی ہے. آپ کے ارد گرد آپ کے اپنے گھر میں بچے آج اردو بولتے ہیں جبکہ آپ بچے تھے تو پنجابی سرائیکی پشتو سندھی بولتے تھے. ایک پوری نسل اردو بولنے والوں کی تیاری میں ہے. چند الفاظ آنے سے بھلا زبانیں بدل جاتی ہیں؟. زبان صرف ذخیرہ الفاظ کا نام ہی نہیں.
ثمینہ شاہ
محفلین
چند الفاظ نہیں بھائی بہت سے الفاظ جملے اور لب و لہجہ یہ ایسا معاملہ نہیں کہ درگزر کر دیا جائے گویا آپ نے خود ہی فرض کر لیا کہ سبھی بچے بچپن میں پنجابی سرائیکی پشتو سندھی ذبان ہی بولتے تھے؟ اس پر اب ہم کیا کہیں ، ہو سکتا ہے علاقائی زبان بولنے والوں کے لیے یہ ٹوٹی پھوٹی اردو ہی یقنا بہت بڑے ارتقا کی حیثیت رکھتی ہو لیکن جن خاندانوں میں ہمیشہ سے اردو ہی بولی جاتی ہے انہیں اس تباہی کی تشویش ہے
محمد یعقوب آسی
محفلین
آپ نے نوٹ کیا ہو گا، کہ ڈسکوری، نیشنل جیوگرافک اور ایسے چینلز ترجمہ تو ہندی میں کرتے ہیں (ہندی زبان کیا ہے، یہ ایک الگ بحث ہے) اور نام اس کو اردو کا دیتے ہیں۔ اردو والا وہاں کوئی ہے ہی نہیں۔ احساسِ کمتری کی وجوہات جو بھی رہی ہوں، اس کے موجود ہونے سے انکار ممکن نہیں۔
ثمینہ شاہ
محفلین
ہندی کی زیادہ سے زیادہ وہ شکل ہمیں منظور ہے جو کبھی بھارتی دور درشن چینل اور ستر یا اسی اور نوے کی دہائیوں کی بھارتی فلموں میں استعمال کی جاتی تھی لیکن گزشتہ دس سالوں میں بھارتی میڈیا پر ہندی بھی تبدیل کر دی گئی ہے ہمارا خیال ہے کہ اب اسے ہندی کہنا ہی غلط ہو گا اسے سنسکرت ہی کہنا چاہیے
محمد یعقوب آسی
محفلین
یہی تو مسئلہ ہے میرے دوست کہ اردو نہیں نہیں جا رہی، جمود کا شکار ہو رہی ہے۔ ہمارے گھروں دفتروں اور بازاروں میں جو اردو بولی جا رہی ہے، اس کی علمی قدر و قیمت کیا ہے؛ یہ بہت تلخ سوال ہے۔ ہم گھروں کے علاوہ سکول میں بھی پنجابی پشتو سندھی بولتے تھے مگر طبیعیات، کیمیا، علم الابدان، علمِ صحت، معاشرتی علوم، دینیات، ریاضی، ہم نے اردو میں پڑھی۔ ہمارے بچے گھر میں اردو بولتے ہیں مگر سکول میں صرف ایک اردو کو اردو میں پڑھتے ہیں۔ باقی چھٹی۔
میرے لئے تو یہ فکرمندی کا مقام ہے۔
آپ کی رائے کا احترام بھی لازم ہے۔
انیس الرحمن
محفلین
محمد یعقوب آسی
محفلین
اپنے اپنے ذوق کی بات بھی ہے جناب انیس الرحمن صاحب۔
یہ ضرور ہے کہ پنجابی اور اردو ایک دوجی سے بہت قریب ہیں۔ پنجابی کے متعدد لہجے ہیں ان لہجوں سے اجنبیت بھی بسا اوقات مشکل کا سبب بنتی ہے، حقیقت میں ہے نہیں۔
پنجابی کے ساتھ کیا ہوا، اور اس میں کس کس کا کتنا حصہ ہے، یہ معاملہ یہاں نہ ہی چھیڑا جائے تو اچھا ہے۔
یہ ضرور ہے کہ پنجابی اور اردو ایک دوجی سے بہت قریب ہیں۔ پنجابی کے متعدد لہجے ہیں ان لہجوں سے اجنبیت بھی بسا اوقات مشکل کا سبب بنتی ہے، حقیقت میں ہے نہیں۔
پنجابی کے ساتھ کیا ہوا، اور اس میں کس کس کا کتنا حصہ ہے، یہ معاملہ یہاں نہ ہی چھیڑا جائے تو اچھا ہے۔
دوست
محفلین
میں نے اوپر والی پوسٹ میں جو کچھ عرض کیا وہ عام اردو بولنے والے کی حیثیت سے نہیں بلکہ لسانیات کے طالبعلم کی حیثیت سے کیا ہے۔ گذشتہ پانچ برس سے لسانیات سے وابستہ ہوں، اور پاکستانی زبانوں کے تغیر کے شعبے سے ذاتی شغف ہے۔ اپنی حیثیت نہیں جتا رہا، یہ صرف وضاحت کے لیے ہے کہ اس نظریے کے پیچھے میرے شعبے کی تحقیق و تربیت شامل ہے۔ اس سلسلے میں پچھلے برسوں میں اپنے بلاگ پر بھی کئی تحاریر لکھ چکا ہوں۔
میرا خیال ہے اس کے علاوہ مزید یہاں کہنے کے لیے کچھ نہیں سوائے یہ کہ "اردو کا بیڑہ غرق ہو رہا ہے"۔ یہ کام بخوبی سر انجام دیا جا رہا ہے۔
وسلام
میرا خیال ہے اس کے علاوہ مزید یہاں کہنے کے لیے کچھ نہیں سوائے یہ کہ "اردو کا بیڑہ غرق ہو رہا ہے"۔ یہ کام بخوبی سر انجام دیا جا رہا ہے۔
وسلام