اردو ہے میرا نام

[شاہ بخاری]

اردو کا ارتقا کلام کی صورت میں​

​

اردو ہے میرا نام میں خسرو کی پہیلی
میں میر کی ہم راز ہوں غالب کی سہیلی

دکن کے ولی نے مجھے گودی میں کھلایا
سودا کے قصیدوں نے میرا حسن بڑھایا
ہے میر کی عظمت کہ مجھے چلنا سکھایا
میں داغ کے آنگن میں کھلی بن کے چنبیلی

غالب نے بلندی کا سفر مجھ کو سکھایا
حالی نے مروت کا سبق یاد دلایا
اقبال نے آئینۂ حق مجھ کو دکھایا
مومن نے سجائی میرے خوابوں کی حویلی

ہے ذوق کی عظمت کہ دیے مجھ کو سہارے
چک بست کی الفت نے میرے خواب سنوارے
فانی نے سجائے میری پلکوں پہ ستارے
اکبر نے رچائی میری بے رنگ ہتھیلی

کیوں مجھ کو بناتے ہو تعصب کا نشانہ
میں نے تو کبھی خود کو مسلماں نہیں مانا
دیکھا تھا کبھی میں نے بھی خوشیوں کا زمانہ
اپنے ہی وطن میں ہوں مگر آج اکیلی​

 

[مہ جبین]

بہت خوب کہانی ہے شاہ بخاری

 

[شاہ بخاری]

بہت خوب کہانی ہے شاہ بخاری

پر کہانی کا اختتام خوب نہیں

 

[شہزاد احمد]

خوب!

 

[سید زبیر]

شاہ صاحب ! زبردست بہت خوبصورت کلام شئیر کرنے کا شکریہ
سدا خوش رہیں

 

[قیصرانی]

بہت خوب احوال بیان ہوا ہے

پر کہانی کا اختتام خوب نہیں

بعض اوقات انسان اپنی وجہ سے نہ سہی، اپنے دوستوں کی وجہ سے مار کھا جاتا ہے۔ بس ایسا ہی کچھ اردو کے ساتھ ہوا ہے

 

[سید شہزاد ناصر]

بہت خوبصورت شراکت شاد و آباد رہیں

 

[نایاب]

بہت خوب شراکت

 

[محسن وقار علی]

بہت خوب شاہ صاحب
جیتے رہیے

 

[محمد خلیل الرحمٰن]

بہت خوبصورت شراکت شاہ بخاری بھائی!

 

[یوسف-2]

کیوں مجھ کو بناتے ہو تعصب کا نشانہ
میں نے تو کبھی خود کو مسلماں نہیں مانا​

بالکل درست ہے۔ زبان کا کوئی دین و مذہب نہیں ہوتا۔ دین و مذہب بولنے والے کا ہوتا ہے۔ البتہ اگر کسی زبان کو بولنے والوں کی اکثریت کسی دین سے وابستہ ہو تو تو اُس زبان کو بھی اسی دین سے ”منسلک“ کردیا جاتا ہے۔ جیسے ہندوستان میں اردو بولنے والوں کی اکثریت مسلمان ہے تو اردو کو بھی مسلمان سمجھ لیا گیا ہے۔ حتیٰ کہ اگر کوئی ہندو اردو زبان و ادب کا مداح ہو تو اسے مسلمانوں کا ”ایجنٹ“ گردانا جاتا ہے اور اردو دان مسلمان بھی ایسے ہندو کی خوب آؤ بھگت کرتے ہیں۔