اساتذہ کا مذاق اڑانا نجی یونیورسٹی کے طلبا کو مہنگا پڑ گیا

[ابن آدم]

لاہور کے علاقے فیصل ٹاؤن میں واقع پرائیویٹ یونیورسٹی فاسٹ کے این یو سی ای ایس کیمپس (نیشنل یونیورسٹی کمپیوٹر اینڈ ایمرجنگ سائنسز) میں زیر تعلیم طلبا کو سوشل میڈیا پر اساتذہ کا مذاق اڑانا مہنگا پڑ گیا۔

یونیورسٹی کی ڈسپلنری کمیٹی نے اساتذہ کا مذاق اڑانے والے طالب علموں کی فہرست جاری کر دی۔

تفصیلات کے مطابق 13 طالب علموں کو وارننگ دینے کے ساتھ معافی نامہ فیس بک پر لگانے کا حکم دیا گیا ہے جو معافی نامہ نہیں لگائے گا ان کو بلیک لسٹ کرکے ڈگری منسوخ کر دی جائے گی۔ جب کہ 10 طالب علموں کے گریڈز کم کرکے انہیں روزانہ یونیورسٹی کیمپس کے لان سے کچرا اٹھانے کے ساتھ 2 سمسٹرز سے خارج کرنے کی سزا دی گئی ہے۔

طلبا کو کیمپس کھلنے کے بعد مسلسل 4 ہفتوں تک ہائی ویز کی صفائی کا حکم دیا گیا ہے۔

اس کے علاوہ سائبر بلنگ اور ہراساں کرنے کے قوانین کے حوالے سے بھی کارروائی عمل میں لائی جائے گی۔ ایک طالب علم نے سزا کا لیٹر موصول ہوتے ہی معافی نامہ سوشل میڈیا پر اپ لوڈ کر دیا ہے۔

دوسری طرف طلبا یونیورسٹی انتظامیہ کی جانب سے توہین آمیز سزاؤں پر سراپا احتجاج ہیں، طلبا کا موقف ہے کہ ہر طالب علم ہلکا پھلکا مذاق کرتا ہے، اسے سائبر بلنگ کے ساتھ جوڑنا غلط ہے۔

 

[عبدالقیوم چوہدری]

دوسری طرف طلبا یونیورسٹی انتظامیہ کی جانب سے توہین آمیز سزاؤں پر سراپا احتجاج ہیں

توہین آمیز سزا کون سی ہے؟

 

[جاسم محمد]

توہین آمیز سزا کون سی ہے؟

کوڑا کرکٹ اٹھانا پاکستانی معاشرہ میں توہین آمیز سزا نہیں؟

 

[عبدالقیوم چوہدری]

کوڑا کرکٹ اٹھانا پاکستانی معاشرہ میں توہین آمیز سزا نہیں؟

صفائی کو نصف ایمان سمجھنے/ کہنے والے معاشرے میں اسے توہین آمیز کہنا/ سمجھنا حیرت انگیز ہے۔

 

[جاسم محمد]

صفائی کو نصف ایمان سمجھنے/ کہنے والے معاشرے میں اسے توہین آمیز کہنا/ سمجھنا حیرت انگیز ہے۔

اسی لئے پاکستانی معاشرہ میں ٹوائلٹس، گٹرز کی صفائی کیلئے زیادہ تر مسیحی بھرتی کئے جاتے ہیں

 

[حمیرا حیدر]

اساتذہ کا مذاق اڑانا بہت عام ہو گیا ہے۔ آن لائن کلاسز میں چیٹ کے دوران بھی ایسے مظاہرے دیکھنے میں آتے ہیں۔ جو بہت افسوسناک ہے۔

 

[محمد وارث]

کچھ طالب علموں کے گریڈز کم کیے گئے ہیں اور ان کا ایک ایک سیمسٹر بھی ضائع کیا گیا ہے، یہ بہت زیادتی کی بات ہے۔۔ "مذاق اڑانے" کی نوعیت کا علم نہیں ہے لیکن جو کچھ بھی تھا کم از کم یہ گریڈ اور سیمسٹر والی سزائیں ظالمانہ ہیں۔ یہ سزا ان طالب علموں کے ساتھ ساتھ ان کے والدین کے لیے بھی ہے جن کا ظاہر ہے اس ساری حرکت میں کوئی عمل دخل نہیں ہوگا، اور گریڈز کم کرنے کا اثر تو ساری زندگی پر پڑ سکتا ہے۔

دیگر سزائیں، جیسے، اپنے فیس بک پیج پر معافی مانگنا، اور کوڑا کرکٹ اٹھانا وغیرہ مناسب ہیں اور ایسی سزاؤں ہی پر زور ہونا چاہیئے تھا، ان کی حکم عدولی کی صورت میں گریڈز اور سیمسٹر والی سزا بنتی تھی۔

 

[عبدالقیوم چوہدری]

کچھ طالب علموں کے گریڈز کم کیے گئے ہیں اور ان کا ایک ایک سیمسٹر بھی ضائع کیا گیا ہے، یہ بہت زیادتی کی بات ہے۔۔ "مذاق اڑانے" کی نوعیت کا علم نہیں ہے لیکن جو کچھ بھی تھا کم از کم یہ گریڈ اور سیمسٹر والی سزائیں ظالمانہ ہیں۔ یہ سزا ان طالب علموں کے ساتھ ساتھ ان کے والدین کے لیے بھی ہے جن کا ظاہر ہے اس ساری حرکت میں کوئی عمل دخل نہیں ہوگا، اور گریڈز کم کرنے کا اثر تو ساری زندگی پر پڑ سکتا ہے۔

دیگر سزائیں، جیسے، اپنے فیس بک پیج پر معافی مانگنا، اور کوڑا کرکٹ اٹھانا وغیرہ مناسب ہیں اور ایسی سزاؤں ہی پر زور ہونا چاہیئے تھا، ان کی حکم عدولی کی صورت میں گریڈز اور سیمسٹر والی سزا بنتی تھی۔

بی بی سی اردو پر اس کا کچھ تفصیلی تذکرہ آیا ہے۔ معاملہ کسی حد تک گمبھیر ہے۔

 

[نبیل]

دیگر سزائیں، جیسے، اپنے فیس بک پیج پر معافی مانگنا، اور کوڑا کرکٹ اٹھانا وغیرہ مناسب ہیں اور ایسی سزاؤں ہی پر زور ہونا چاہیئے تھا

جی بالکل، اگر فورم پر کوڑے کی صفائی کی سزا پر عملدآمد ہوتا تو کافی ارکان معطلی سے بچ سکتے تھے۔