تاہم اب جیسے جیسے امریکہ میں انتخابات کا وقت نزدیک آتا جا رہا ہے وہی پُرانا اسامہ ایشو اُٹھانے کا مطلب امریکی عوام کو شش و پنج میں مبتلا کر کے اپنے حق میں رئے عامہ کو ہموار کرنا ہے شاید۔۔۔۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
سياسی جماعتوں ميں مختلف مواقعوں پر اختلافات کے باوجود امريکہ ميں نيشنل سيکورٹی کے معاملات کے علاوہ فوج اور سول اداروں ميں کام کرنے والے مرد وحضرات کی حمايت کے حوالے سے تمام جماعتوں ميں مکمل اتحاد کی ايک تاريخ موجود ہے۔
حقيقت يہ ہے کہ افغانستان، پاکستان کے قبائلی علاقوں اور دہشت گردی کے حوالے سے ری پبليکن اور ڈيموکريٹس دونوں پارٹيوں ميں باہمی اتفاق رائے موجود ہے اور اس بات کا اظہار دونوں پارٹيوں کے سرکاری پليٹ فارمز اور ان جماعتی منشوروں ميں کيا جا چکا ہے جو گزشتہ عام انتخابات سے قبل جاری کيے گئے تھے۔
اگر آپ گزشتہ صدارتی انتخابات سے قبل تمام اہم اميدواروں کی پاليسی تقارير سنيں، خاص طور پر جہاں عالمی دہشت گردی سے درپيش خطرات سے نبردآزما ہونے کے ليے مشترکہ ضرورت سے متعلق معاملات پر بات ہوئ ہے تو آپ پر واضح ہو گا کہ سياسی وابستگيوں سے قطع نظر دہشت گردی اور اس عفريت کے خلاف عام شہريوں کی زندگيوں کو محفوظ کرنے کے ضمن ميں عمومی طور پر اتفاق رائے پايا جاتا ہے۔
گزشتہ صدارتی انتخابات سے پہلے بھی دونوں مرکزی اميدواروں نے متعدد بار يہ واضح کيا تھا کہ دہشت گرد تنظيموں اور متشدد سوچ جن سے نا صرف يہ امريکہ کی سيکورٹی بلکہ عمومی طور پر دنيا کو بھی خطرات لاحق ہيں، ان کے خلاف جنگ ميں کسی قسم کا سمجھوتہ نہيں کيا جائے گا۔
اس بات سے قطع نظر کہ سال 2016 کے بعد کون سی جماعت برسر اقتدار آتی ہے، ميں نہيں سمجھتا کہ امريکہ سميت دنيا ميں کہيں بھی عوامی رائے اس سوچ اور فلسفے کی تائيد ميں ہو سکتی ہے جو مذہب کے نام پر اور اپنی مخصوص سياسی سوچ کو مسلط کرنے کے ليے بے گناہ شہريوں کے قتل کی ترغيب کو جائز قرار ديتی ہے۔
حقيقت يہ ہے کہ عالمی سطح پر بے گناہ انسانی جانوں کو محفوظ کرنے کی مشترکہ انسانی خواہش اور جانی مانی قدريں ہی ہمارے معاشرے ميں ان مہذب آوازوں کو اس بات کے ليے مجبور کرتی ہيں کہ کسی بھی بے گناہ انسان کی موت کی صورت ميں اپنے تحفظات کا اظہار اور مذمت کريں۔
سياسی اختلافات اور جماعتی وابستگيوں کا اس اجتماعی ضرورت پر کوئ اثر نہيں پڑتا جو ان افراد اور گروہوں کے تعاقب سے متعلق ہے جنھوں نے دانستہ اور جانتے بوجھتے ہوئے اپنی زندگياں اور تمام تر ميسر وسائل اپنے مکروہ سياسی مقاصد اور اہداف کے حصول کے ليے عوام کی اذيت اور تکليف ميں اضافے کے ليے وقف کر رکھے ہيں۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
http://www.facebook.com/USDOTUrdu
