اسبغول کے چھلکے (بھوسی) کا استعمال

[شمشاد]

اسبغول کا استعمال کب اور کیوں کرتے ہیں؟

اس کو گرم دودھ میں ڈال کر استعمال کرتے ہیں یا ٹھنڈے دودھ میں ڈال کر استعمال کرتے ہیں؟

کیا اس کو دہی میں ڈال کر بھی استعمال کیا جا سکتا ہے؟

 

[فہیم]

اسبغول کا استعمال کب اور کیوں کرتے ہیں؟

اس کو گرم دودھ میں ڈال کر استعمال کرتے ہیں یا ٹھنڈے دودھ میں ڈال کر استعمال کرتے ہیں؟

کیا اس کو دہی میں ڈال کر بھی استعمال کیا جا سکتا ہے؟

اسپغول کا استعمال عام طور پر معدے کو فٹ فاٹ رکھنے کے لیے کیا جاتا ہے۔
سینے میں جلن، تیزابیت، کھٹی ڈکاریں، قبض وغیرہ جیسی صورتحال میں اسپغول کی بھوسی بہت کار آمد مانی جاتی ہے۔
اس کو سادے پانی، شربت، دودھ کے ساتھ حل کرکے پیا جاسکتا ہے۔
قبض کی صورت میں نیم گرم دودھ کے ساتھ لینا فائدہ مند ہے۔
لیکن احتیاط کے بھوسی کو کبھی پھانکیں نہیں۔ بلکہ ہمیشہ مشروب میں حل کرکے استعمال کریں۔
دہی کے ساتھ بھی کھایا جاسکتا ہے۔

اور معدے کی بیماریوں سوائے بدہضمی کے میں استعمال کیا جاسکتا ہے۔
اور کوئی بیماری نہ ہو تب بھی روز رات کو سوتے وقت یا صبح نہار منہ استعمال میں رکھنا فائدہ مند ہے۔

 

[یوسف-2]

1۔ پیچش یعنی لوز موشن کی صورت میں دہی میں اچھی طرح مکس کرکے استعمال کریں۔ ان شاء اللہ فوری فائدہ ہوگا۔ بار ہا کا آزمودہ نسخہ ہے۔
2۔ قبض کی صورت میں نیم گرم دودھ یا پانی کے ساتھ پینا فائدہ مند بتلایا جاتا ہے، مگرکبھی خود نہین آزمایا۔
3۔ عام حالات میں روازانہ سونے سے قبل سادہ پانی (نہ ٹھنڈا نہ گرم) میں دو تین ٹیبل اسپون مکس کرکے پینا مفید عادت ہے۔
نوٹ: واضح رہے کہ یہاں اسپغول سے مراد ’’اسپغول کی بھوسی‘‘ ہے نہ کہ خود اسپغول۔

 

[شمشاد]

بہت شکریہ یوسف بھائی

اور میں نے عنوان کی بھی تدوین کر دی ہے۔

 

[ایم اے راجا]

میری وائیف کو 2006 میں اچانک شدید موشن ہوگئے کافی دوائیں لیں انجیکشن لگوائے دو تیں ڈاکترز بھی بدل لیئے لیکن موشن کے جانے کا نام ہی نہیں لے رہے تھے، ایک دن اچانک میرے ذہن مین آیا اور میں گھر کے سامنے والی دوکان سے ہاشمی اسپغول کے چند ساشے اور دہی لے آیا اور وئیف کے نا چاہتے ہوئے بھی اسپغول ( بھوسی) دہی میں خوب ملا کر زبردستی کھلا دی، یقین کریں اس نے جادو کا اثر دکھایا اور فورا ہی پیچش بند ہو گئے، پھر کیا تھا اب تو ہم نے بھوسی اسپغول کی بوتل گھر میں رکھی ہوئی ہے اور اللہ کا شکر ہیکہ اس دن کے بعد ہم کبھی موشن کے سلسلے میں ڈاکتر کے پاس نہیں گئے۔
میں 2 سال سے شوگر اور ہائی بلد پریشر کے مرض میں مبتلا ہوں جسکی وجہ سے اکثر کھانا کھانے کے بعد میرے پاوں جلتے تھے اور خاص طور پر رات کو بہت مسئلہ ہوتا تھا، میں نے روزانہ کا معمول بنا لیا کہ اسپغول کی بھوسی پانی میں مملا کر روزانہ سبھ نہار منہ لیتا ہوں جس سے میرے اس مرض میں بہت افاقہ ہے۔

 

[زبیر مرزا]

مجھے دوسال قبل Ulcerative colitis کی تشخیص کے بعد جودواتجویزکی گئی وہ مجھے راس نہ آئی
تو ڈاکٹر نے اسپغول کی بھوسی کاروزانہ استعمال کرنے کوکہا جوطریقہ بتایاوہ یہ تھا
آدھے گلاس نیم گرم پانی میں ایک کھانے کاچمچہ اسپغول کی بھوسی شامل کرکے پندرہ منٹ تک رکھہ دیں
جب پھول جائے تو باآسانی پیاجاسکتاہے - یہ گاڑھا ضرورہوگامگرفائدہ مند ۔ اس کے دس منٹ بعد آدھاگلاس
سادہ نیم گرم پانی پی لیں ۔ یہ عمل رات کوسونے سے قبل کیاجائے۔ قبض کشا ہے معدے کی تیزابیت کم کرنے
میں معاون اورافعال معدہ میں بہترین ثابت ہوتاہے۔
( آزمودہ)