اسرائیل: سیاہ فام نوجوان کی ہلاکت پر ملک بھر میں پر تشدد مظاہرے

[جاسم محمد]

اسرائیل: سیاہ فام نوجوان کی ہلاکت پر ملک بھر میں پر تشدد مظاہرے
ویب ڈیسکاپ ڈیٹ 05 جولائ 2019

اسرائیل میں ایک پولیس اہلکار کے ہاتھوں غیر مسلح سیاہ فام لڑکے کی ہلاکت کے خلاف پر تشدد احتجاج کا سلسلہ جاری ہے۔

پولیس کا کہنا ہے کہ ایک آف ڈیوٹی پولیس افسر اپنے اہلِ خانہ کے ساتھ کھیل کے میدان میں موجود تھے جب انہوں نے دیکھا کہ 2 افراد جھگڑ رہے ہیں۔

جب افسر نے اپنی شناخت کروائی تو سلمان تیکاہ نامی لڑکے نے ان پر پتھر پھینکے جس پر پولیس افسر نے خوفزدہ ہو کر اپنی زندگی بچانے کے لیے گولی چلادی جس سے وہ نوجوان زخمی ہوگیا اور بعد ازاں ہسپتال پہنچ کر دم توڑ گیا۔

تاہم عینی شاہدین نے پولیس کے اس مؤقف کو مسترد کردیا۔

مذکورہ واقعہ منظر عام پر آنے کے بعد اسرائیل کی سیاہ فام کمیونٹی احتجاج کرتے ہوئے سڑک پر آگئی، 4 روز سے جاری ان مظاہروں میں کاروں اور ٹائرز کو آگ لگائی گئی، ایمبولینسز کو نقصان پہنچایا گیا اور احتجاج کا یہ سلسلہ پورے اسرائیل میں پھیل گیا۔

ہزاروں افراد اپنے غم و غصے کا اظہار کرنے کے لیے سڑکوں پر نکل آئے اور تل ابیب سمیت ملک کے 12 اہم راستوں کو بند کردیا جس کے باعث شدید ترین ٹریفک جام ہوگیا۔

احتجاجی مظاہرے اس قدر شدت اختیار کر گئے کہ کچھ جگہوں پر پولیس نے اہم شاہراہیں بند کردیں۔

مزید پڑھیں: سیاہ فام نوجوان کی ہلاکت، امریکی ریاست میں پُرتشدد احتجاج

غیر ملکی خبررساں اداروں کے مطابق مذکورہ واقعے کی تفتیش کے لیے افسر کو حراست میں لے کر چھوڑ دیا گیا لیکن احتجاج کے پیشِ نظر انہیں گھر میں نظر بند کردیا گیا۔

اہم بات یہ ہے کہ یہ اقدام مظاہرے شروع ہونے کے کافی وقت بعد اٹھایا گیا جس میں دونوں اطراف سے درجنوں افراد زخمی ہوئے اور اب تک 136 مظاہرین کو حراست میں لیا جاچکا ہے۔

نوجوان کی ہلاکت پر احتجاج کرنے والے افراد کا کہنا ہے کہ سیاہ فام اسرائیلی طبقے کو روزانہ جس قسم کے نسل پرستی پر مبنی امتیازی سلوک کا سامنا ہے یہ احتجاج اس کے خلاف بھی ہے۔

ان کا کہنا ہے کہ انہیں اپنی جلد کے رنگ کی وجہ سے طویل عرصے سے رہائش، تعلیم اور ملازمت میں بڑے پیمانے پر امتیازی سلوک کا سامنا ہے۔

خیال رہے کہ نسلی تعصب کے خلاف مظاہرے امریکا میں عمومی بات ہے اس سے قبل 2015 میں اسرائیل میں 2 پولیس افسران کے ہاتھوں ایک سیاہ فام فوجی کی پٹائی پر بھی بڑے پیمانے پر احتجاج ہوئے تھے۔

 

[فاخر]

ايك هلاكت پر اس قدر شور ہنگامہ؟ کیا یہ پروپیگنڈہ نہیں ہے ؟ میں کہوں گا تو آپ کو برا لگے گا! جو آئے دن معصوم فلسطینیوں کو تہہ تیغ کرتے ہیں وہ بزعم خویش درست ہے ۔ گورے یہودیوں کو کالے یہودیوں کو اپنے ہی جیسا سمجھ لیا تھا ۔لیکن ایسا کچھ بھی نہیں تھا ۔ کچھ تو ہے جس کی پردہ داری ہے ۔ الغرض ! یہودیت یا پھر اس جیسے مذاہب اسلام جیسی صداقت کہاں سے لائیں گے ۔ وہی بلال رضی اللہ تعالیٰ عنہ ہیں جو حبشی تھے ؛لیکن وہ ایمان کی علامت ہیں وہ اہل ایمان کی آنکھوں کا سرمہ اور نور ہے ۔ ان سے محبت رسول صلی اللہ علیہ وسلم سے محبت اور رسول اللہ صلی اللہ علیہ وسلم سے محبت اللہ سے محبت ہے۔ اسلام ہی ہے جس کی صداقت سے متأثر ہوکر مائیکل جیکسن جس نے برسوں گوروں کے دل پر راج کیا،اسلام کے آغوش میں پناہ لیا ۔ پھر اس کا انجام یہ بھی ہوا کہ اسلام پر نابالغوں کےساتھ زیادتی کا الزام بھی لگایا اور پراسرار حالت میں اس کی موت ہوگئی ۔ لیکن وہ اسلام سے دست بردار نہیں ہوا ۔

 

[جاسم محمد]

ايك هلاكت پر اس قدر شور ہنگامہ؟

کیونکہ ایسا پہلی بار نہیں ہوا ہے۔ سیاہ فام یہودی اسرائیلی آبادی کا صرف 2 فیصد ہیں جبکہ ملک میں 20 فیصد قیدی سیاہ فام ہیں۔
2015 میں ایک سیاہ فام یہودی فوجی پر دو سفید فام پولیس آفیسرزنے بلا اشتعال حملہ کیا تھا۔ جس کی ویڈیو وائرل ہونے پر بھی اسی طرح شدید احتجاج ہوا تھا۔