اسلام آباد بلیو ایریا میں مسلح شخص کی فائرنگ

[نیرنگ خیال]

اسلام آباد: جناح ایونیو پر کار میں سوار ایک شخص کی جانب سے فائرنگ کا سلسلہ جاری ہے اور اس کے پاس جدید اسلحہ بھی موجود ہے۔

ایکسپریس نیوز کے مطابق جناح ایونیو میں کار پر سوار ایک شخص نے بلااشتعال فائرنگ کی،جس کے بعد پولیس کی بھاری نفری موقع پر پہنچ گئی اور سڑک ہر قسم کی آمدورفت کے لئےبند کردی تاہم مسلح شخص کے ہمراہ گاڑی میں ایک خاتون اور دو بچے بھی موجود ہیں۔ کچھ دیر بعد خاتون نے گاڑی سے نکل کر پولیس کو مسلح شخص کا شناختی کارڈ فراہم کیا جس کے مطابق مسلح شخص کا نام سکندر ہے جبکہ خاتون نے اپنا تعارف اس کی بیوی کی حیثیت سے کرایاہے۔ پولیس اور مسلح افراد کے درمیان پیغامات کی ترسیل کے بعد ایس ایس پی آپریشنز ڈاکٹر رضوان نے مسلح شخص سے مذاکرات کئے تاہم اس نے اسلحہ رکھنے سے انکار کردیا ہے۔

مذاکرات میں ناکامی کے بعد پولیس نے سکندر کی گاڑی کو گھیرے میں لے لیا ہے جبکہ سکندر کی بیوی نے پولیس کو ایک تحریر دی ہے جس میں چند مطالبات درج ہیں۔ پولیس کا کہنا ہے کہ سکندر کے مطالبات دیکھ کر اس کی دماغی کیفیت صحیح معلوم نہیں ہوتی۔ ایس ایس پی ڈاکٹر رضوان نے اعلیٰ حکام کو صورت حال سے آگاہ کرنے کے بعد ایک بار پھر سکندر سے مذاکرات کئے، دوسری بار بھی ناکامی پر رینجرز کے خصوصی دستے نے پوزیشنز سنبھال لی ہیں۔

ایکپسریس نیوز کو ملنے والی تفصیلات کے مطابق مسلح شخص کا پورا نام سکندر حیات اور یہ حافظ آباد کا رہائشی ہے، سکندر کی بیوی کا نام کنول ظاہر کیا گیا ہے اور اس نے معاشیات میں ایم فل کررکھا ہے۔ سنکدر کے محلے داروں کے مطابق وہ منشیات کا عادی ہے اور 25 برس دبئی میں رہنے کے بعد کچھ عرصہ قبل وطن واپس آیا ہے

ربط

 

[فلک شیر]

کلاکوف...
شارٹ ایم 16..

 

[شیزان]

پانچ گھنٹے بعد اسے زندہ گرفتار کر لیا گیا ہے

 

[نایاب]

پیپلز پارٹی کے رہنما محترم زمرد خان نے جان پر کھیل کر چھ گھنٹے چلنے والے ڈرامے کا ڈراپ سین کر دیا ۔۔۔۔۔۔۔۔۔۔
زمرد خان زندہ باد

 

[عمر سیف]

ڈارپ سین ہو ہی گیا اس کا مطلب ۔۔
سائکو لگتا ہے ۔۔۔

 

[عمر سیف]

پر یہ کیا جیو والے تو اب بھی کہہ رہے ہیں کہ وہ گرفتار نہیں ہوا

 

[امجد میانداد]

پر یہ کیا جیو والے تو اب بھی کہہ رہے ہیں کہ وہ گرفتار نہیں ہوا

وہ بحرہ عرب میں کافی بادل وغیرہ ہیں اس لیے تازہ نشریات تھوڑی دیر میں پہنچنے والی ہوں گی بحرین

 

[آبی ٹوکول]

تو ایک انتہائی سیانے شخص نے پاکستانی میڈیا کی مخبوط الحواسی کا فائدہ اٹھاتے ہوئے پوری قوم کو ہیجان میں مبتلا کردیا کیونکہ وہ جانتا تھا۔۔۔۔اور وہ زندہ گرفتار ہوگیا
۔۔۔۔۔۔۔ چلو شکر ہے کوئی جانی نقصان نہیں ہوا وگرنہ ہمارے سیکورٹی اداروں کی سستی اور نااہلی اور بے وقوف میڈیا نے کوئی کسر نہیں چھوڑی ہماری جگ ہنسائی کی ۔ ۔ ۔۔ ۔ ۔

 

[عمر سیف]

امجد بھائی مجھے خیال ہی نہیں رہا کہ وہاں تو ابھی 11:35 ہوئے ہیں اور یہاں ابھی 11 بجے کا بلیٹن لگا ہے۔

وہ بحرہ عرب میں کافی بادل وغیرہ ہیں اس لیے تازہ نشریات تھوڑی دیر میں پہنچنے والی ہوں گی بحرین

 

[عمر سیف]

ابھی خبر سنی کہ اسے پکڑ لیا ہے۔

 

[زرقا مفتی]

پی پی پی کے زمرد خان نے میدان مار لیا ۔ چوہدری نثار کنٹرول روم میں پانچ گھنٹے مکھیاں مارتے رہے

 

[عمر سیف]

زمرد خان نے پکڑا تو نہیں ۔۔۔ کوشش اور ہمت دکھائی جان خطرے میں ڈالی ۔ اس پہ شاباشی ۔۔۔

 

[زبیر حسین]

شائد یہ آزمائشی مشق ہو۔۔۔اور وہ بندہ سب کی توجہ حاصل کرنے میں کامیاب رہا۔

 

[نایاب]

پر یہ کیا جیو والے تو اب بھی کہہ رہے ہیں کہ وہ گرفتار نہیں ہوا

اے آر وائی پر براہ راست سین دیکھا ہے ۔
زمرد خان پہلے جھکے بچے کی جانب اور پھر اک دم جھپٹے سکندر کی جانب ۔ اور اس کی گن چھین لی ۔ سکندر نے فائر بھی کیا لیکن زمرد خان زیادہ زخمی نہ ہوئے ۔ اور سنائپرز نے سکندر کی ٹانگ میں گولی ماری ۔ اور اسے گرفتار کر لیا ۔۔۔۔۔۔۔۔

 

[شیزان]

پی پی پی کے زمرد خان نے میدان مار لیا ۔ چوہدری نثار کنٹرول روم میں پانچ گھنٹے مکھیاں مارتے رہے

مکھیوں کی تعداد کا بھی بتایا جائے

 

[نایاب]

ایس ایس پی صاحب بہت بہادری کے ساتھ اس کے پاس جا کر مذاکرات کرتے رہے ۔ لیکن کمانڈو ٹریننگ کا کوئی فائدہ نہ اٹھا سکے ۔
جان بہت پیاری تھی ۔۔۔۔۔ متحدہ اور ن لیگ کے رہنما بھی تشریف لائے ۔ تصویریں کھنچوائی ۔ میڈیا پر بھاشن جھاڑا ۔ اور اپنی راہ لی ۔

 

[حسینی]

ہمارے سیکیورٹی کے اداروں کے کردار پر کیا کہیں گے؟؟
یہ شخص اتنا اسلحہ لے کر اتنے حساس مقام تک پہنچا کیسے؟؟
اگر اس کی جگہ طالبان کے بیس تیس لڑاکو ہوتے تو اب تک شاید پارلیمنٹ پر قبضہ کیا جا چکا ہوتا۔۔

 

[زبیر حسین]

کمانڈوز کے بارے میں جان پیاری کی بات میرے نزدیک غلط ہے۔ان کی ٹریننگ ہی ایسی ہوتی ہے کہ موت کا خوف بہت دور چلا جاتا ہے۔

 

[ایچ اے خان]

زمرد خان کا اقدام احمقانہ اور غیر ضروری تھا ۔ اسنے نہ صرف اپنی بلکہ دو بچوں کی زندگی بھی خطرے میں ڈال دی۔مسلح شخص کے پاس پورا موقع تھا کہ زمرد کو ہٹ کرے۔ زمرد نے بچی کو ڈھال بنانے کی بھی کوشش کی۔

یہ ایک غیر ضروری قدم تھا۔ چند گھنٹوں کے بعد ہی یہ شخص تھک جاتا پھر کمانڈو اسانی سے اس کو زیر کرسکتے تھے۔

 

[حسینی]

کمانڈوز کے بارے میں جان پیاری کی بات میرے نزدیک غلط ہے۔ان کی ٹریننگ ہی ایسی ہوتی ہے کہ موت کا خوف بہت دور چلا جاتا ہے۔

یہ لوگ تو اپنے باسز کے احکامات کے پابند ہوتے ہیں۔۔۔ بہرحال ہماری فول پروف سیکیورٹی کی قلعی کھل گئی۔۔۔