اس بے وفا کا شہر ہے ۔ نسیم بیگم، منیر نیازی

[فرخ منظور]

اس بے وفا کا شہر ہے اور ہم ہیں دوستو
گلوکارہ: نسیم بیگم
فلم: شہید 1962
موسیقی: رشید عطرے
شاعر: منیر نیازی


اس بے وفا کا شہر ہے اور ہم ہیں دوستو
اشکِ رواں کی نہر ھے اور ھم ھیں دوستو
یہ اجنبی سی منزلیں اور رفتگاں کی یاد
تنہائیوں کا زہر ھے اور ھم ھیں دوستو
لائی ھے اب اڑا کے گئے موسموں کی باس
برکھا کی رت کا قہر ھے اور ھم ھیں دوستو
پھرتے ھیں مثلِ موج ھوا شہر شہر میں
آوارگی کی لہر ھے اور ھم ھیں دوستو
شامِ الم ڈھلی تو چلی درد کی ھوا
راتوں کا پچھلا پہر ھے اور ھم ھیں دوستو
آنکھوں میں اڑ رہی ھے لٹی محفلوں کی دھول
عبرت سرائے دہر ھے اور ھم ھیں دوستو

از منیر نیازی

 

[arifkarim]

کلاسیکل میوزک کی کیا بات تھی!

 

[جیا راؤ]

شامِ الم ڈھلی تو چلی درد کی ھوا
راتوں کا پچھلا پہر ھے اور ھم ھیں دوستو

خوبصورت۔۔۔ !

 

[فرخ منظور]

آپ سب احباب کا پسند کرنے کے لئے بہت شکریہ۔ ویسے یہ کلاسیکی موسیقی نہیں ہے۔