ابن انشا اس شام وہ رخصت کا سماں یاد رہے گا - ابن انشا

[امیداورمحبت]

کچھ میر کے ابیات تھے، کچھ فیض کے مصرعے
اک درد کا تھا، جن میں بیاں یاد رہے گا
بہت خوب ۔۔۔۔۔۔۔۔۔۔۔۔۔۔۔۔۔۔۔

 

[فاتح]

اس شام وہ رخصت کا سماں یاد رہے گا​

وہ شہر، وہ کوچہ، وہ مکاں یاد رہے گا​

​

وہ ٹیس کہ ابھری تھی ادھر یاد رہے گی​

وہ درد کہ اٹھا تھا یہاں یاد رہے گا​

​

ہم شوق کے شعلے کی لپک بھول بھی جائیں​

وہ شمع فسردہ کا دھواں یاد رہے گا​

​

ہاں بزمِ شبانہ میں ہمیں شوق جو اس دن​

ہم تو تری جانب نگراں یاد رہے گا​

​

کچھ میر کے ابیات تھے، کچھ فیض کے مصرعے​

اک درد کا تھا، جن میں بیاں یاد رہے گا​

​

آنکھوں میں سلگتی ہوئی وحشت کے جلو میں​

وہ حیرت و حسرت کا جہاں یاد رہے گا​

​

جاں بخشی سی اس برگ گل تر کی تراوت​

وہ لمس عزیز دو جہاں یاد رہے گا​

​

ہم بھول سکے ہیں نہ تجھے بھول سکیں گے​

تو یاد رہے گا، ہمیں ہاں یاد رہے گا​

​

شیر محمد خان ( ابن انشاء )​

اس شام۔۔۔ وہ رخصت کا سماں، شہر تو معلوم ہے، کوچہ اور مکاں تم نے بتایا نہیں۔۔۔ شمع فسردہ کا دھواں یعنی کینڈل لائٹ؟ کچھ میر کے ابیات کچھ فیض کے مصرعے سنائے؟
باقی اشعار اور مصرعوں کی تشریح کا یہاں محل نہیں۔۔۔

 

[محسن وقار علی]

 

[عاطف بٹ]

ہم بھول سکے ہیں نہ تجھے بھول سکیں گے
تو یاد رہے گا، ہمیں ہاں یاد رہے گا
واہ، بہت ہی خوبصورت انتخاب ہے۔ ہر شعر قابل داد!
شیئر کرنے کے لئے شکریہ ظفری صاحب