جون ایلیا اس کے پہلو سے لگ گے چلتے ہیں

[ماہی احمد]

اس کے پہلو سے لگ کے چلتے ہیں
ہم کہیں ٹالنے سے ٹلتے ہیں
میں اُسی طرح تو بہلتا ہوں
اور سب جس طرح بہلتے ہیں
وہ ہے جان اب ہر ایک محفل کی
ہم بھی اب گھر سے کم نکلتے ہیں
کیا تکلّف کریں یہ کہنے میں
جو بھی خوش ہے، ہم اُس سے جلتے ہیں
ہے اُسے دُور کا سفر در پیش
ہم سنبھالے نہیں سنبھلتے ہیں
ہے عجب فیصلے کا صحرا بھی
چل نہ پڑیے تو پاؤں جلتے ہیں
ہو رہا ہوں میں کس طرح برباد
دیکھنے والے ہاتھ ملتے ہیں
تم بنو رنگ، تم بنو خوشبو
ہم تو اپنے سخن میں ڈھلتے ہیں

جونؔ ایلیا

 

[مہدی نقوی حجاز]

جو بھی خوش ہے ہم اس سے جلتے ہیں۔ واہ کیا کہنے!

 

[طارق شاہ]

جو بھی خوش ہے ہم اس سے جلتے ہیں۔ واہ کیا کہنے!

ساری لاحق پریشانیوں اور تکالیف کی بیخ ہی یہی ہے