اس گھر کو آگ لگ گئی گھر کے چراغ سے

[محمد مبین امجد]

کیا کوئی بتا سکتا کہ
دل کے پھپھولے جل اٹھے سینے کے داغ سے کا شاعر کون ہے؟؟؟؟؟؟؟؟

 

[ادب دوست]

اس نوجوان کا نام شاید کسی کو بھی معلوم نہ ہو

 

[ادب دوست]

اب چونکہ فاتح بھائی نے متفق کر دیا ہے اب طے ہو گیا ہے کہ کسی کو نہیں پتہ، اور اگر کوئی بتا رہا ہے تو جھوٹ بول رہا ہے

 

[محمد تابش صدیقی]

اس نوجوان کا نام شاید کسی کو بھی معلوم نہ ہو

یہ کیسے معلوم ہوا کہ وہ نوجوان ہے؟

 

[محمد تابش صدیقی]

چلیں گوگل بھائی نے یہ تو بتا دیا کہ حضرت نو عمری میں یہ شعر کہہ کر چل دیے تھے۔ پر نام کیوں نہ معلوم ہو سکا؟
کوئی مزید تفصیل؟

 

[اسد مقصود]

میں نے بھی کئی لوگوں سے سنا ہے کہ اس شعر کے خالق نوجوانی میں ہی انتقال کر گئے تھے لیکن نام نہیں معلوم ہو سکا۔

 

[سید عاطف علی]

یہ کیسے معلوم ہوا کہ وہ نوجوان ہے؟

http://lib.bazmeurdu.net/اس-گھر-کو-آگ-لگ-گئی-۔۔۔۔-ابو-الحسن-علی-ن/#i

 

[محمد مبین امجد]

یہ کیسے معلوم ہوا کہ وہ نوجوان ہے؟

بات میں پوائنٹ تو ہے

 

[فاتح]

اب چونکہ فاتح بھائی نے متفق کر دیا ہے اب طے ہو گیا ہے کہ کسی کو نہیں پتہ، اور اگر کوئی بتا رہا ہے تو جھوٹ بول رہا ہے

فاتح بھائی سے کہیں پہلے آزاد بھائی (مولانا محمد حسین آزاد) نے آبِ حیات" میں کہہ دیا تھا اور اگر انہوں نے نام نہیں لکھا تو اس کا مطلب ہے انہیں بھی نہیں معلوم تھا اور اگر انہیں نہیں معلوم تھا تو آج کے دور میں کسے معلوم ہو گا اور اگر کوئی بتا رہا ہے تو جھوٹ بول رہا ہے

نقل : ایک دن سودا مشاعرہ میں بیٹھے تھے۔ لوگ اپنی اپنی غزلیں پڑھ رہے تھے۔ ایک شریف زادے کہ ۱۲، ۱۳ برس کی عمر تھی، اس نے غزل پڑھی، مطلع تھا :

دل کے پھپھولے جل اُٹھے سینہ کے داغ سے
اس گھر کو آگ لگ گئی گھر کے چراغ سے​

گرمی کلام پر سوداؔ بھی چونک پڑے۔ پوچھا یہ مطلع کس نے پڑھا؟ لوگوں نے کہا حضرت یہ صاحبزادہ ہے۔
سودا نے بھی بہت تعریف کی۔ بہت مرتبہ پڑھوایا اور کہا کہ میاں لڑکے جوان تو ہوتے نظر نہیں آتے۔ خدا کی قدرت انہی دنوں میں لڑکا جل کر مر گیا۔

 

[فاتح]

یہ کیسے معلوم ہوا کہ وہ نوجوان ہے؟

یہ وہیں سے معلوم ہوا جہاں سے یہ شعر لوگوں کو معلوم ہوا یعنی مولانا محمد حسین آزاد کی کتاب "آبِ حیات" سے اس شعر کا پہلا حوالہ آب حیات ہی ہے۔

 

[محمد مبین امجد]

مگر گوگل میں ایک جگہ پڑھا تھا کہ اس کا نام پنڈت مہتاب رائے تاباں تھا اور اصل شعر تاباں دہلویؔ کا ہے۔۔۔۔۔۔۔۔۔۔۔۔۔۔۔۔؟

 

[سید عاطف علی]

مگر گوگل میں ایک جگہ پڑھا تھا کہ اس کا نام پنڈت مہتاب رائے تاباں تھا اور اصل شعر تاباں دہلویؔ کا ہے۔۔۔۔۔۔۔۔۔۔۔۔۔۔۔۔؟

"گوگل میں پڑھا تھا " یہ سٹیٹمنٹ واضح نہیں ۔ البتہ گوگل نے کسی ویب سائٹ کا ربط دیا ہوگا جہاں آپ نے یہ بات پڑھی ہو۔

 

[محمد مبین امجد]

"گوگل میں پڑھا تھا " یہ سٹیٹمنٹ واضح نہیں ۔ البتہ گوگل نے کسی ویب سائٹ کا ربط دیا ہوگا جہاں آپ نے یہ بات پڑھی ہو۔

جی جی مگر اب یاد نئیں آپ سرچ کر لیں نا

 

[فاتح]

جی جی مگر اب یاد نئیں آپ سرچ کر لیں نا

آپ بھی سرچ کر لیتے کہ کس کا شعر ہے یہ

 

[x boy]

دل کے پھپولے ،،، بہت مشکل ہے یاد کرنا

 

[العظیم]

غالباً شکیل بدایونی کا شعر ھے

 

[سید شہزاد ناصر]

فاتح بھائی سے کہیں پہلے آزاد بھائی (مولانا محمد حسین آزاد) نے آبِ حیات" میں کہہ دیا تھا اور اگر انہوں نے نام نہیں لکھا تو اس کا مطلب ہے انہیں بھی نہیں معلوم تھا اور اگر انہیں نہیں معلوم تھا تو آج کے دور میں کسے معلوم ہو گا اور اگر کوئی بتا رہا ہے تو جھوٹ بول رہا ہے

آپ درست کہ رہے ہیں

 

[سید شہزاد ناصر]

نقل : ایک دن سودا مشاعرہ میں بیٹھے تھے۔ لوگ اپنی اپنی غزلیں پڑھ رہے تھے۔ ایک شریف زادے کہ ۱۲، ۱۳ برس کی عمر تھی، اس نے غزل پڑھی، مطلع تھا :

دل کے پھپھولے جل اُٹھے سینہ کے داغ سے
اس گھر کو آگ لگ گئی گھر کے چراغ سے ​

گرمی کلام پر سوداؔ بھی چونک پڑے۔ پوچھا یہ مطلع کس نے پڑھا؟ لوگوں نے کہا حضرت یہ صاحبزادہ ہے۔ سودا نے بھی بہت تعریف کی۔ بہت مرتبہ پڑھوایا اور کہا کہ میاں لڑکے جوان تو ہوتے نظر نہیں آتے۔ خدا کی قدرت انہی دنوں میں لڑکا جل کر مر گیا۔
اقتباس آب حیات
محمد حسین آزاد

 

[ظفری]

نقل : ایک دن سودا مشاعرہ میں بیٹھے تھے۔ لوگ اپنی اپنی غزلیں پڑھ رہے تھے۔ ایک شریف زادے کہ ۱۲، ۱۳ برس کی عمر تھی، اس نے غزل پڑھی، مطلع تھا :

دل کے پھپھولے جل اُٹھے سینہ کے داغ سے
اس گھر کو آگ لگ گئی گھر کے چراغ سے ​

گرمی کلام پر سوداؔ بھی چونک پڑے۔ پوچھا یہ مطلع کس نے پڑھا؟ لوگوں نے کہا حضرت یہ صاحبزادہ ہے۔ سودا نے بھی بہت تعریف کی۔ بہت مرتبہ پڑھوایا اور کہا کہ میاں لڑکے جوان تو ہوتے نظر نہیں آتے۔ خدا کی قدرت انہی دنوں میں لڑکا جل کر مر گیا۔
اقتباس آب حیات
محمد حسین آزاد

قبلہ بجا فرمایا آپ نے ۔۔۔ عرصہ قبل یہی کچھ پڑھا تھا کہ لڑکا اس مشاعرےکے تھوڑے ہی عرصہ بعد جل کر مرگیا تھا ۔
۔
۔
۔
یہی وجہ ہے کہ میں نے شاعری موقوف کردی ۔

 

[سید عاطف علی]

قبلہ بجا فرمایا آپ نے ۔۔۔ عرصہ قبل یہی کچھ پڑھا تھا کہ لڑکا اس مشاعرےکے تھوڑے ہی عرصہ بعد جل کر مرگیا تھا ۔
یہی وجہ ہے کہ میں نے شاعری موقوف کردی ۔

آپ سے کس سودا نے کہا تھا ؟ اور اس پہ طرہ یہ کہ مان بھی لیا