منیر نیازی اشکِ رواں کی نہر ہے اور ہم ہیں دوستو ۔ منیر نیازی

[فاتح]

اشکِ رواں کی نہر ہے اور ہم ہیں دوستو​

اس بے وفا کا شہر ہے اور ہم ہیں دوستو​

​

یہ اجنبی سی منزلیں اور رفتگاں کی یاد​

تنہائیوں کا زہر ہے اور ہم ہیں دوستو​

​

لائی ہے اب اُڑا کے گئے موسموں کی باس​

برکھا کی رُت کا قہر ہے اور ہم ہیں دوستو​

​

دل کو ہجومِ نکہتِ مہ سے لہو کیے *​

راتوں کا پچھلا پہر ہے اور ہم ہیں دوستو​

​

پھرتے ہیں مثل موج ہوا شہر شہر میں​

آوارگی کی لہر ہے ہم ہیں دوستو​

​

آنکھوں میں اڑ رہی ہے لٹی محفلوں کی دھول​

عبرت سرائے دہر ہے اور ہم ہیں دوستو​

منیر نیازی​

* فلم میں اس مصرع کو یوں گایا گیا ہے:
شامِ الم ڈھلی تو چلی درد کی ہوا

گلوکارہ: نسیم بیگم
موسیقی: رشید عطرے
فلم: شہید (1962)

گلوکارہ: مہناز

گلوکار: ڈاکٹر امجد پرویز

گلوکارہ: زرین حیدر

گلوکار: ڈاکٹر ابرار عمر اور علینہ شاہ

 

[مقدس]

میں بھی سننے لگی ہوں

 

[شمشاد]

بہت شکریہ فاتح بھائی، بہت ہی پرانی غزل کو پھر سے یاد دلانے کا۔

 

[فاتح]

شکریہ مقدس بیٹا اور شمشاد بھائی

 

[مہ جبین]

اتنی پُرسوز غزل شریکِ محفل کرنے کا شکریہ فاتح بھائی

 

[فاتح]

اتنی پُرسوز غزل شریکِ محفل کرنے کا شکریہ فاتح بھائی

پر سوز و ساز کہیے۔

 

[صائمہ شاہ]

واہ

یہ اجنبی سی منزلیں اور رفتگاں کی یاد​

تنہائیوں کا زہر ہے اور ہم ہیں دوستو​

 

[محمد وارث]

لاجواب۔

بہت شکریہ فاتح صاحب

 

[فاتح]

واہ

یہ اجنبی سی منزلیں اور رفتگاں کی یاد​

تنہائیوں کا زہر ہے اور ہم ہیں دوستو​

پسندیدگی پر شکریہ صائمہ شاہ

لاجواب۔

بہت شکریہ فاتح صاحب

ممنون ہوں برادرم

 

[امیداورمحبت]

اشکِ رواں کی نہر ہے اور ہم ہیں دوستو
اس بے وفا کا شہر ہے اور ہم ہیں دوستو​

خوب ۔۔۔۔۔۔۔۔۔۔۔۔۔​

 

[محمد عدنان اکبری نقیبی]

واہ بہت خوب،
زبردست انتخاب فاتح سر۔

 

[نور ازل]

بہت خوب