اقرا فرید : ماں

[سید زبیر]

​

ماں​

​

ہم جگنو تھے ہم تتلی تھے​

ہم رنگ برنگے پنچھی تھے​

کچھ ماہ و سال کی جنت میں​

ماں ہم دونوں ہی ساتھی تھے​

میں چھوٹی سی اک بچی تھی​

تیری انگلی تھام کے چلتی تھی​

تو دور نظر سے ہوتی تھی​

میں آنسو آنسو روتی تھی​

اک خوابوں کا روشن بستہ​

تو روز مجھے پہناتی تھی​

جب ڈرتی تھی میں راتوں کو​

تو اپنے ساتھ سلاتی تھی​

"ماں " تو نے کتنے برسوں تک​

اس پھول کو سینچا ہاتھوں سے​

جیون کے گہرے بھیدوںکو​

میں سمجھی تیری باتوں سے​

میں تیرے ہاتھ کے تکیے پر​

اب بھی رات کو سوتی ہوں​

ماں ! میں چھوٹی سی اک بچی ہوں​

تیری یاد میں اب بھی روتی ہوں​

​

​

اقرا فرید​

​

 

[نایاب]

ماں۔۔۔۔۔۔۔۔۔۔۔۔۔۔ کوئی کب تیرا قرض اتار سکا ۔۔۔۔۔۔۔۔۔۔۔۔۔۔۔۔۔۔۔۔۔
بہت خوب انتخاب ۔۔۔۔۔۔۔۔
پڑھتے جانے کیوں ہو گئی آنکھ نم ۔۔۔۔۔۔۔۔۔۔

 

[عمر سیف]

خوب ۔۔

 

[سید شہزاد ناصر]

دنیا کی سب سے قیمتی چیز ماں
جس کا کوئی بدل نہیں
بہت خوب شراکت
شاد و آباد رہیں

 

[عظیم اللہ قریشی]

دنیا کی سب سے قیمتی چیز ماں
جس کا کوئی بدل نہیں
بہت خوب شراکت
شاد و آباد رہیں

اس بات میں کوئی شک نہیں ہے لیکن مشاہدے میں آیا ہے کہ کچھ لوگوں کو ماں کی توجہ اور محبت نہیں ملتی ہے۔

 

[فارقلیط رحمانی]

بے حد
ماں۔۔۔دُنیا کی سب سے بڑی نعمت!!!
شراکت کے لیے شکریہ

 

[فرحت کیانی]

ہے میرے لئے سایۂ دیوار میری ماں!

بہترین شیئرنگ سید زبیر انکل۔ بہت شکریہ۔
اللہ تعالیٰ ہم سب پر والدین کا سایہ شفقت قائم دائم رکھیں ۔ آمین

 

[نیرنگ خیال]

بہت عمدہ