الفاظ اور محاورے جو لغات میں نہیں

[امجد علی چیمہ]

اس لڑی میں ایسے الفاظ اور محاوروں کے معانی پوچھنے کا آغاز کر رہا ہوں جو مجھے دستیاب لغات میں نہیں ملے۔ ممکن ہے اراکینِ محفل میں سے کسی کے پاس کوئی نادر لغت ہو جس میں درج مل جائیں تو وہ کتاب یا سائٹ کا حوالہ دے کر مدد کر سکتے ہیں۔ بصورتِ دیگر، اربابِ دانش میں سے جن کو سمجھ آئے وہ سمجھا دیں۔

بندے سے ممولا

" ان کی باتیں ہی ایسی تھیں۔ جس کی طرف توجہ فرماتے تھے بندے سے ممولا کر دیتے تھے۔ "

( اشفاق احمد کے افسانے گڈریا سے )

 

[محمد تابش صدیقی]

اس لڑی میں ایسے الفاظ اور محاوروں کے معانی پوچھنے کا آغاز کر رہا ہوں جو مجھے دستیاب لغات میں نہیں ملے۔ ممکن ہے اراکینِ محفل میں سے کسی کے پاس کوئی نادر لغت ہو جس میں درج مل جائیں تو وہ کتاب یا سائٹ کا حوالہ دے کر مدد کر سکتے ہیں۔ بصورتِ دیگر، اربابِ دانش میں سے جن کو سمجھ آئے وہ سمجھا دیں۔

بندے سے ممولا

" ان کی باتیں ہی ایسی تھیں۔ جس کی طرف توجہ فرماتے تھے بندے سے ممولا کر دیتے تھے۔ "

( اشفاق احمد کے افسانے گڈریا سے )

بندے سے مولا کر دیتے تھے۔ لفظ ممولا نہیں مولا ہے

 

[محمد تابش صدیقی]

بندے سے مولا کر دیتے تھے۔ لفظ ممولا نہیں مولا ہے

مطلب رتبہ بڑھا دیتے تھے۔ بندہ بمعنی غلام، مولا بمعنی آقا۔

 

[سید عاطف علی]

بندے سے مولا کر دیتے تھے۔ لفظ ممولا نہیں مولا ہے

ممولا بٹیر بھی تو ہوتا ہے ۔ میں نے سوچا کہ کون ہیں جو بندے کو بٹیر بنا دیتے تھے ۔

 

[محمد عدنان اکبری نقیبی]

یہاں کچھ یہ معنی دستیاب ہیں ۔

 

[محمد تابش صدیقی]

ممولا بٹیر بھی تو ہوتا ہے ۔ میں نے سوچا کہ کون ہیں جو بندے کو بٹیر بنا دیتے تھے ۔

میں بھی ایسا ہی کچھ سمجھ کر افسانہ پڑھنے گیا کہ بات کا سیاق و سباق دیکھا جائے۔ تو معاملہ ہی مختلف نکلا۔

 

[محمد تابش صدیقی]

یہاں کچھ یہ معنی دستیاب ہیں ۔

انھوں نے ممولا کا معنی نہیں پوچھا۔ بندے سے ممولا کرنے کا معنی پوچھا، جو کہ درست نہیں تھا۔

 

[امجد علی چیمہ]

مطلب رتبہ بڑھا دیتے تھے۔ بندہ بمعنی غلام، مولا بمعنی آقا۔

صدیقی صاحب، بہت شکریہ!

 

[محمداحمد]

میں بھی ایسا ہی کچھ سمجھ کر افسانہ پڑھنے گیا کہ بات کا سیاق و سباق دیکھا جائے۔ تو معاملہ ہی مختلف نکلا۔

کیا آگے چل کر ممولے کو شہباز سے لڑوا دیا گیا؟

 

[محمد احسن سمیع راحلؔ]

کیا آگے چل کر ممولے کو شہباز سے لڑوا دیا گیا؟

کوشش ہوئی تھی مگر علامہ نے کاپی رائٹ اسٹرائیک دے دیا اشفاق صاحب کو

 

[سید عاطف علی]

کوشش ہوئی تھی مگر علامہ نے کاپی رائٹ اسٹرائیک دے دیا اشفاق صاحب کو

میں تو سمجھا کہ ممولا شہباز کو نگل گیا ہو گا آگے جاکر ۔

 

[محمد احسن سمیع راحلؔ]

میں تو سمجھا کہ ممولا شہباز کو نگل گیا ہو گا آگے جاکر ۔

وہ شہباز بھی تو شریف نکلا

 

[سید عاطف علی]

وہ شہباز بھی تو شریف نکلا

عمرانی ممولا تھا کیا ؟

 

[امجد علی چیمہ]

سون گڑیاں

" محفل سج جاتی، تب سون گڑیاں زرق برق لباسوں میں نمودار ہوتیں، اور رقص و سرود، ناؤ نوش کی محفل گرم ہوتی۔ تمام رات یوں گزرتی، اور صبح کا ستارہ ڈوبنے سے پہلے سون گڑیاں بے دم ہو کر گر پڑتیں۔ محفل درہم برہم ہوتی، اور جو جہاں ہوتا وہیں رہ جاتا۔"

( الطاف فاطمہ کے افسانے 'سون گڑیا' سے )

ریختہ پر موجود ہے مگر کچھ سطریں جو کتاب میں ہیں وہ ریختہ پر حذف کر دی گئی ہیں:
الطاف فاطمہ - افسانہ

 

[ظہیراحمدظہیر]

" ان کی باتیں ہی ایسی تھیں۔ جس کی طرف توجہ فرماتے تھے بندے سے ممولا کر دیتے تھے۔ "

اشفاق احمد صاحب علامتی اور استعاراتی باتیں لکھا کرتے تھے ۔ بندے سے ممولا کردینے کا مطلب یہ کہ بندے کی شادی کروادیا کرتے تھے ۔

 

[علی وقار]

سون گڑیاں

سون دھان کی ایک قسم ہے جس کے چھلکے سنہری ہوتے ہیں تو اس نسبت سے سون گڑیوں کو آپ ان کے رنگ کی نسبت سے سنہری گڑیاں کہہ سکتے ہیں۔

 

[امجد علی چیمہ]

سون دھان کی ایک قسم ہے جس کے چھلکے سنہری ہوتے ہیں تو اس نسبت سے سون گڑیوں کو آپ ان کے رنگ کی نسبت سے سنہری گڑیاں کہہ سکتے ہیں۔

علی وقار صاحب، بہت شکریہ۔

پہلے مجھے لگا شاید سونے کی گڑیاں مراد ہے۔ مگر میں آپ کی وضاحت سے اتفاق کرتا ہوں کہ اشارہ رنگ کی طرف ہی لگ رہا ہے۔

 

[امجد علی چیمہ]

اشفاق احمد صاحب علامتی اور استعاراتی باتیں لکھا کرتے تھے ۔ بندے سے ممولا کردینے کا مطلب یہ کہ بندے کی شادی کروادیا کرتے تھے ۔

ظہیر صاحب، شکریہ۔
جیسے کہ محترم صدیقی صاحب نے اوپر وضاحت کی کہ محاورہ بندے سے مولا ہے۔ میری کتاب میں سہو کاتب سے بندے کو ممولا لکھا گیا۔ اصل محاورے کی ایک دو اور مثالیں بھی ملی ہیں، مگر ممولے والا محاورہ عدم مثال کے باعث فی الوقت مشتبہ ہے۔ ہاں اگر یہ مان لیا جائے کہ مصنف نے ممولا ہی لکھا تھا تو آپ کی وضاحت یقیناً دلچسپ ہے۔

 

[امجد علی چیمہ]

کرگل

کرگل اڑ کر وہ پلکھن پر جا بیٹھی
پیپل میں طوطے نے بچے دے رکھے ہیں

(اختر الایمان کی اس نظم سے)

اتنی بات تو سمجھ آ رہی ہے کہ کوئی پرندہ ہے، مگر کچھ تفصیل مل جاتی تو کیا ہی اچھا ہوتا۔ یعنی چھوٹا ہے یا بڑا؟ رنگ کیا ہے؟ وغیرہ وغیرہ

 

[وصی اللہ]

لفظ "بیوقوف" موجود نہیں۔۔ "بے وقوف" بھی نہیں۔۔۔ میں نے یہ لغت بورڈ کی ویب سائٹ اور جو بائیس جلدیں چھپ چکی ہیں ان میں بھی چیک کیا ہے۔۔۔