الٹی بیت بازی

[محمد تابش صدیقی]

جانے کیا واقعہ ہوا، کیوں لوگ
اپنے اندر نہیں رہے آباد
جون

 

[زیک]

استانیوں کا کام ہی چیزوں کو آسان کر کے پیش کرنا ہے۔ یہ تابش بھائی تو سب کو ڈرائے بیٹھے تھے۔

تابش کا تعلق شاید آئی ٹی سے ہے

 

[محمد عدنان اکبری نقیبی]

کس تجمل سے چلی بن کر سواری آپﷺ کی
ہیں فرشتے مشعلیں نوری لئے ہمراہ آج

مولانا محمد عبد السمیع بیدل رام پوری رحمۃ اللہ تعالیٰ علیہ

 

[لاریب مرزا]

عاشقی صبر طلب ، اور تمنّا بیتاب
دل کا کیا رنگ کروں خونِ جگر ہونے تک

(مرزا اسد اللہ خان غالب)

 

[اے خان]

سب پہ روشن ہے کہ شب مجلس میں جب آتی ہے شمع
اس بھبھوکے سے کو بیٹھا دیکھ جل جاتی ہے شمع
میر تقی میر

 

[محمد خلیل الرحمٰن]

تابش کا تعلق شاید آئی ٹی سے ہے

آئی ٹی کو ہم جلدی میں پی ٹی آئی پڑھ گئے اور حیران ہوتے رہے!

 

[محمد خلیل الرحمٰن]

سب پہ روشن ہے کہ شب مجلس میں جب آتی ہے شمع
اس بھبھوکے سے کو بیٹھا دیکھ جل جاتی ہے شمع
میر تقی میر

پروانے کو چراغ ہے، بُلبُل کو پھُول بس
صدیق (رض) کے لیے ہے خُدا کا رسول(ص) بس​

 

[محمد عدنان اکبری نقیبی]

اک تنہا ہے اشکؔ جو بولے جاتا ہے
سب اندر خاموش ہیں سب باہر چپ چاپ
پروین کمار اشک

 

[مومن فرحین]

اک عشق کا غم آفت اور اس پہ یہ دل آفت
یا غم نہ دیا ہوتا یا دل نہ دیا ہوتا

چراغ حسن حسرت

 

[مومن فرحین]

۔

 

[مومن فرحین]

۔

 

[اے خان]

راز کہاں تک راز رہے گا منظرِ عام پہ آئے گا
جی کا داغ اُجاگر ہو کر سورج کو شرمائے گا
انشا

 

[مومن فرحین]

یارب وہ نہ سمجھے ہیں نہ سمجھیں گے مری بات

دے اور دل ان کو جو نہ دے مجھ کو زباں اور

محترم غالب صاحب

 

[الف عین]

کوئی دن گر زندگانی اور ہے
ہم نے اپنے جی میں ٹھانی اور ہے

 

[مومن فرحین]

پرتو خور سے ہے شبنم کو فنا کی تعلیم
میں بھی ہوں ایک عنایت کی نظر ہوتے تک

 

[سیما علی]

پرتو خور سے ہے شبنم کو فنا کی تعلیم
میں بھی ہوں ایک عنایت کی نظر ہوتے تک

صبر کے ساتھ میرا دل بھی لیے جائیں آپ
اس قدر رحم میرے حال پر فرمائیں آپ

 

[ام اویس]

فردوس سے آگے ہے وہ سرچشمہ ء مخصوص
جاتا ہے مدنیہ سے بس اک رستہ ء مخصوص
منصور آفاق

 

[سیما علی]

ميرے گھرانے کی سنت،،، یہی غریبی ہے
تيرے خزانے پہ تُھو مالِ بے شمار پہ تُف
کسی بھی اسم سے یہ ٹوٹتا نہیں منصور
فسردگی کے سلگتے ہوئے،، حصار پہ تُف

منصور آفاق

 

[ام اویس]

دہرائی جا سکے گی نہ اب داستان عشق
کچھ وہ کہیں سے بھول گئے ہیں، کہیں سے ہم

 

[سیما علی]

فلک پہ چاند ستارے نکلنے ہیں ہر شب
ستم یہی ہے نکلتا نہیں ہمارا چاند