لقمان پنجابی
محفلین
http://english.alarabiya.net/en/News/world/2013/04/17/Ex-Marine-gets-20-years-in-US-mosque-fire.html
پادری ٹيری جونز دی ڈاھڈے قابل مذمت حرکت دے بعد کئی ہفتیاں تائیں مختلف فورماں تے لوکاں ساڈی ٹیم دے ممبراں نال چوکھی جذباتی بحث کیتی ایس نقطے نوں بنیاد بنڑا کے کہ امريکی حکومت جانڑ بجھہ کے کوئی کاروائی نا کرکے مسلمانوں دے خلاف اپنڑی تعصب تے مبنی سوچ تے يکطرفہ رويے دا دنيا دے سامنڑیں مظاہرہ کررہی وے۔
ایس ضمن وچ امريکی حکومت دا جواز سامنڑیں رکھدیاں ہویاں اسی دسیا سی کہ ساڈی انتظامیہ اوس ویلے تائیں کوئی قدم نہی چک سکدی جدوں تائیں "نفرت تے مبنی جرم" جیدے لئی باقاعدہ "ہيٹ کرائم" دی اصطلاح موجود وے، او سرزد نا ہو جاوے۔ کئی مبصر تے نقطہ چینی کرنڑ آلے ساڈے تے نقطہ چینی کررہے سنڑ اے گل سمجھیوں بغیر کے ایس ذمرے وچ امريکی قانون دی پکڑ وچ کوئی اونی دیر تائیں نہی اوندا جدوں تائیں کوئی فرد يا گروہ کسے خاص گروپ وارے جانڑ بجھہ کے تشدد دی صلاح دینڑ وچ ملوث ہووے۔ قانون دی اصطلاح وچ "ہيٹ سپيچ (نفرت آمیز بیان بازی)" اوس بیان بازی نو آکھدے نے جیدے وچ نفرت تے تشدد دی حوصلہ افزائی تے صلاح ديتی جاوے۔
ایدے باوجود کہ امريکی صدر تے سيکرٹری آف اسٹيٹ سنڑیں سارے اہم سياسی تے مذہبی رہنماواں ولوںپادری جونزدی اوس حرکت دی مذمت کیتی گئ، تے اے حقيقت وی کھول کے واضح کیتی گئ کے وفاقی تے ریاستی سطح تے امریکی آئين دی اظہارے رائے آلی شق کارنڑاے پابندی وے کے حکومت کسے قسم دی تقرير يا بيان بازی تے روک لاوے۔ ایتھے تک کے ایہو جئی تقرير جیڑی غير قانونی تشدد دی حوصلہ افزائی تے کردی ہووے پرتشدد دے حوالے نال سیدھا خطرہ پیدا نا کرے اودی روک دی وی اجازت نہی۔
ہونڑ حال وچ اک سابق امريکی فوجی دے خلاف ڈھاڈی سخت سزا دے اعلان دے بعد اے حقيقت کھل گئی وے کے امريکی حکومت تے امريکی انصاف دا نظام سارے مذہبی لوکاں دے تقدس تے حفاظت دا یقین دواندا وے تے اوناں لوکاں، جیڑے معاشرے دے کسی وی طبقے دے خلاف نفرت تے تشدد دی سوچ نو عملی جامہ پانڑ دی کوشش کرنڑ گے، دے خلاف قانونی کاروائی کرنڑ وچ دیری نہی کردا۔
اسی توانوں اے یقین نال آکھہ سکدے آں کے امريکی حکومت يقينی طور تے اظہارے رائے دی آزادی دا پورا احترام کردی وے ليکن ملک دے اندر مسلماناں سنڑیں کسی وی گروہ دے خلاف نفرت تے مبنی جرائم دی روک لئی پیڈا عزم رکھدی وے۔
ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
