آپ سے سوال ہے چائنا سے کیوں؟ امریکہ سے کیوں نہیں؟
دوسری بات کچھ تصحیح کر لیں پاکستان چین کے Sam میزائل کافی عرصہ سے استعمال کر رہا ہے شاید آپ نے نام سنا ہو عنزیٰ میزائل کا۔ دوسری بات یہ کہ پاکستان کے ایف 16 طیارے مگ 25 سے بہت زیادہ اعلی کارکردگی کے حامل ہیں اور کہیں زیادہ اونچائی پر پرواز کرتے ہیں بلکہ تقریبا دو گنا اونچائی پر اڑ سکتے ہیں۔ ان کے بارے میں تفصیلات آپ اپنے ڈیفنس فورم سے لے سکتی ہیں۔
بھائی جی،
آپ مجھ سے یہ سوال کیوں پوچھ رہے ہیں؟
میرے دل و دماغ میں تو صرف پاکستان فرسٹ اور اسکے مفادات فرسٹ ہیں۔ میں نے تو کبھی نہیں یہ چاہا کہ پاکستان کسی بھی ملک چاہے وہ چین ہی کیوں نہ ہو طفیلیہ بن جائے، بلکہ سب سے بہتر تو اپنے پاوں پر کھڑا ہونا ہے۔
لیکن آہ نکلتی ہی مجبوریاں اور قوم کی کوتاہیاں دیکھ کر۔
///////////////
جہاں تک چین کے SAM استعمال کرنے کا تعلق ہے تو مجھے لگ رہا ہے کہ آپ کی معلومات اس معاملے میں تفصیلی نہیں ہیں۔
میرا خود انٹرسٹ ان ہتھیاروں میں زیادہ نہیں ہے اور نہ ہی بہت زیادہ معلومات رکھتی ہوں، مگر پاک ڈیفنس فورم کی ممبر ہونے کی وجہ سے بہت سی باتیں خود بخود نوٹس میں آتی جاتی ہیں۔
عنزہ سیریز کے میزائیل کی رینج تو Low Altitude میں آتی ہے اور وہ امریکی سٹنگر میزائل کی نقل سے شروع ہوا ہے۔
Low Altitude کے بعد Middle Altitude میزائیل آتے ہیں اور پھر اس کے بعد آخر میں High Altitude کی باری آتی ہے۔
پاکستان کے پاس صرف ایک High Altitude میزائیل ہے جسے SA-2 سیریز کہا جاتا ہے۔ اسکی زیادہ سے زیادہ رینج ۳۰ ہزار میٹر ہے۔ مگر یہ بہت ہی زیادہ آوٹ ڈیٹڈ میزائیل ہے۔
ایران نے اس میزائیل کو مسلسل ایران عراق جنگ میں استعمال کیا اور اسکے بعد ایرانیوں کا کہنا تھا کہ یہ میزائیل کبھی کسی طیارے سے نہیں ٹکرا سکتا بلکہ طیارے کو خود اس سے ٹکرانا ہو گا۔
پاکستان اسے تقریبا فیز آوٹ کر رہا ہے، مگر جب تک کوئی نیا میزائیل اس کی جگہ نہیں لیتا اُس وقت تک بس صبر ہی صبر کے گھونٹ پینے ہیں۔
////////////////////////////////////
چین نے حال میں ہی HQ-9 میزائیل بنایا ہے جو کہ جدید ٹیکنالوجی پر منحصر ہے اور واقعی کارآمد ثابت ہو سکتا ہے۔
[یاد رہے پاکستان کا اوپر بیان کردہ میزائیل چینی ٹیکنالوجی کے اعتبار سے HQ-2 بنتا ہے۔ اب آپ خود اندازہ لگا لیں کہ HQ-2 اور HQ-9 کی ٹیکنالوجیز میں کتنا فرق ہو گا۔
//////////////////////////////////////
مگ 25 طیاروں کی جہاں تک بات ہے [جنہیں Foxbat بھی کہا جاتا ہے] تو آپ سے درخواست ہے کہ آپ اس پر گوگل کریں کیونکہ جب آپ کہہ رہے ہیں کہ F-16 یا کوئی اور پاکستانی طیارہ اس سے کہیں زیادہ اونچائی پر اڑتا ہے۔۔۔۔ تو پھر آپ اپنے اس بیان سے مجھے بہت بڑا Shock دے رہے ہیں۔
ایف 16 طیارے یا کوئی اور پاکستانی طیارہ اس Foxbat کو چھو بھی نہیں سکتا۔ بلکہ خود امریکن شروع کے دس پندرہ سال تک Foxbat کو چھو بھی نہیں سکے۔
1997 میں انڈین مگ 25 اسلام آباد پہنچ کر جان بوجھ کر ساونڈ بیرئیر کو توڑتا ہے [اس وقت اسکی اونچائی 65,000 فٹ تھی] اور پاکستان صرف اسکو دیکھتا ہی رہ گیا کیونکہ اسے گرانا تو درکنار اسے چھونا بھی ممکن نہیں تھا۔
پاکستان کی خوش قسمتی ہے کہ یہ طیارے پرانے ہو جانے کی وجہ سے انڈیا کو جلد یا بدیر انہیں گراونڈ کرنا پڑے گا۔
مگ 25 پر کچھ معلومات آپ کو یہاں مل سکتی ہیں۔
