امیرِ شہر، غریبِ شہر، حاکمِ شہر

[زیرک]

کسی غریب کی مجبوریوں کا اک آنسو
امیرِ شہر کا سورج بجھا دے، ممکن ہے
نعیم ضرار​

 

[زیرک]

وہ لکھو بس جو بھی امیر شہر کہے
جو کہتے ہیں درد کے مارے مت لکھو
احمد فراز​

 

[ضیاءالدین]

غریب شہر کی حیران ہیں ملتجی آنکھیں۔۔۔۔۔امیر شہر نے فرمان جاری کی ہوگی۔۔۔۔
میری اپنی غزل کا شعر ہے

 

[قیصر خلیل]

فقیہِ شہر کی اصطلاح کب سے شروع ہوئی؟ کسی کو کسی ریفرنس کا علم ہو تو بتائیں۔

 

[محمد تابش صدیقی]

امیرِ شہر نے بارش کا خوب لطف لیا
غریبِ شہر کے حصے میں سارے دکھ آئے
٭
محمد تابش صدیقی

 

[شکیب]

فقیہِ شہر کی اصطلاح کب سے شروع ہوئی؟ کسی کو کسی ریفرنس کا علم ہو تو بتائیں۔

فقیہ شہر
( فَقِیہِ شَہْر )
{ فَقی + ہے + شَہْر (فتح ش مجہول) }

تفصیلات


عربی میں ثلاثی مجرد سے مشتق اسم 'فقیہ' کو کسرہ اضافت کے ذریعے فارسی سے ماخوذ اسم 'شہر' کے ساتھ ملانے سے مرکب بنا جو اردو میں بطور اسم استعمال ہوتا ہے تحریراً س سے پہلے ١٩٣٥ء کو "بالِ جبریل" میں مستعمل ملتا ہے۔

• معانی

اسم نکرہ ( مذکر - واحد )
جمع : فُقَہائے شَہِر [فُقَہا + اے + شَہْر (فقہ ش مجہول)]
١ - کسی خاص علاقے یا شہر کا عالم، فقہی مسائل کا ماہر۔
"ماحول کی منافقت اور فقیہ شہر کی دو عملی کے زیر میں بجھی ہوئی دو دھاری تلوار سے بچنے کی کوئی راہ یا پناہ گاہ موصوف کو نظر آتی ہے تو وہ "سرمدِ عریاں" کی بارگاہ میں ہی نظر آتی ہے۔" ( ١٩٨٩ء، صحیفہ، لاہور، اپریل، جون، ٤٧ )

بشکریہ اردو لغت ڈاٹ انفو

 

[جاسمن]

یہ غریب شہر ھیں دوستو نہ ڈرو تم انکے سوال پر
انھیں دے کے جھوٹی تسلیاں پھر وعدہ فرداپہ ٹال دو

 

[محمد ظہیر اقبال]

کھڑا ہوں آج بھی روٹی کے چار حرف لئے
سوال یہ ہے کہ کتابوں نے کیا دیا مجھکو

 

[سیما علی]

غریب شہر تو فاقے سے مر گیا عارفؔ
امیر شہر نے ہیرے سے خودکشی کر لی

 

[سیما علی]

روٹی امیر شہر کے کتوں نے خرید لی
فاقہ غریب شہر کے بچوں میں بٹ گیا

 

[سیما علی]

ہوائیں سرد اورجسم بے لباس ہے میرا
امیر شہر تجھ کو ذرا بھی احساس ہے میرا؟

 

[سیما علی]

جس دیس کی کورٹ کچہری میں انصاف ٹکوں میں بکتا ہو
جس دیس کا منشی قاضی بھی مجرم سے پوچھ کے لکھتا ہو

 

[سیما علی]

چہرہ بتا رہا تھا کہ مارا ہے بھوک نے
حکیم یہ کہتے تھے کہ کچھ کھا کے مرگیا

 

[سیما علی]

میں کہیں بھوک سے نہ مر جاوں اے امیر شہر
گر مستقبل ہوں تمھارا تو بچالو مجھ کو

 

[محمد تابش صدیقی]

امیرِ شہر سے سارا حساب لے لیں گے
غریبِ شہر کے بچے جوان ہونے دو
۔
سید حامد حسین شاہ

سرگوشی

وہ الگ بات ہے کہ غریبِ شہر نسل در نسل غریب تر ہی ہو رہا ہے۔

 

[جاسمن]

حاکم شہر! یہ بھی کوئی شہر ہے
مسجدیں بند ہیں، میکدہ تو چلے
کیفی اعظمی

 

[جاسمن]

حاکمِ شہر کی خواہش کہ حکومت کی جائے
ورنہ حالات تو ایسے ہیں کہ ہجرت کی جائے
انجم فاروق

 

[جاسمن]

حاکمِ شہر سے کہہ دو کہہ دو میں لوٹ آیا ہوں
آئے اور آئے کے مری لاش گرفتار کرے

 

[سیما علی]

تُو حاکم ھے تو اِن آفات پر رو کیا رھا ھے ؟
ھمیں بتلا ھمارے دیس میں ھو کیا رھا ھے

رحمان فارس

 

[سیما علی]

جس دیس کے عہدیداروں سے
عہدے نہ سنبھالے جاتے ہوں

جس دیس کے سادہ لوح انساں
وعدوں پہ ہی ٹالے جاتے ہوں

اس دیس کے ہر اک لیڈر پر
سوال اٹھانا واجب ہے

اس دیس کے ہر اک حاکم کو
سولی پہ چڑھانا واجب ہے
فیض احمد فیض