امیرِ شہر، غریبِ شہر، حاکمِ شہر

[جاسمن]

حرفِ حق کہنا سرِدار مقّدر میرا
حاکمِ شہر نے جانا اِسے تقصیروں میں
ڈاکٹر مقصود جعفری

 

[جاسمن]

فقیہِ شہر کا اب یہ وظیفہ رہ گیا باقی،
امیر ِ شہر کی دہلیز پہ بس دُم ہلانی ہے
سید عاطف علی کا خوبصورت شعر

 

[جاسمن]

امیرِ شہر کے ماتھے پہ ناگواری تھی
سو ہم نے شہر میں رہنا نہیں قبول کیا
محمد یعقوب آسی

 

[یاسمین سکندر]

امیر شہر اس اک بات سے خفا ہے بہت
کہ شہر بھر میں سگ‌ درد چیختا ہے بہت
ظفر صہبائی

 

[جاسمن]

غریبِ شہر کی امید مرنے لگتی ہے
جب اک چراغ کی لو آہ بھرنے لگتی ہے
اعتبار ساجد

 

[فیصل عظیم فیصل]

امیر شہر کی سفاکیوں کے ہوتے ہوئے
غریب شخص کو بے خوف کردیا کس نے

فیصل

 

[الف عین]

اپنا ہی شعر یاد آ گیا
فقیر جھولی کی کلیاں لٹانے آیا ہے
امیر شہر کو ڈر ہے نہ جانے کیا مانگے

 

[فیصل عظیم فیصل]

اپنا ہی شعر یاد آ گیا
فقیر جھولی کی کلیاں لٹانے آیا ہے
امیر شہر کو ڈر ہے نہ جانے کیا مانگے

ماشاءاللہ ماشاءاللہ ماشاءاللہ لا قوۃ الا باللہ

امیر شہر کی باتیں تو اک بہانہ تھا
وگرنہ قیس کو لیلیٰ سے فرصتیں کیسی

 

[فرخ منظور]

غریبِ شہر تو فاقوں سے مر گیا عارفؔ
امیرِ شہر نے ہیرے سے خودکشی کر لی
(عارفؔ شفیق)

 

[سیما علی]

تیری گلی سے آگے نہ ہرگز ہوا چلے
کوچے سے تیرے پاؤں نہ اٹھے غریب کا
مصطفی خان شیفتہ

 

[سیما علی]

غم کی دنیا رہے آباد شکیل
مفلسی میں کوئی جاگیر تو ہے

 

[فیصل عظیم فیصل]

سارے گناہ اب مرے دامن میں ڈال کر
خوش ہو رہا ہے شہر میں پگڑی اچھال کر
اس شہر کے امیر کو مر جانا چاہیئے
بچے سلائے ماں جہاں پتھر ابال کر


غالبا میثم علی آغا کا شعر ہے