امیر اللغات ڈاؤن لوڈ کریں

[فاتح]

فرخ‌صاحب نے فرہنگ آصفیہ ڈاؤن لوڈ کرنے کے روابط ارسال فرما کر دعاؤں کے حق دار ٹھہرے تو ہماری حاسد طبیعت بھی بے چین ہو گئی اور ہم نے بھی اسی "آرکائیو ڈاٹ آرگ" نامی ویب سائٹ سے تلاش کر کے امیر اللغات ڈاؤن لوڈ کرنے کے روابط ارسال کرنے کا سوچا کہ کہیں ساری دعائیں فرخ صاحب ہی نہ لے جائیں حالانکہ یہ صدقہ جاریہ قبہ فرخ صاحب ہی کی درگاہ سے جاری ہوا تھا۔

"امیر اللغات" امیر مینائی (1828ء - 1900ء) کی مرتب کی ہوئی ہے جسے اردو لغات کی فہرست میں ممتاز مقام حاصل ہے۔ اکثر اردو دان طبقہ کا اتفاق ہے کہ اگر امیر مینائی کو زندگی کچھ مہلت دیتی اور وہ اس کی باقی جلدیں بھی لکھ پاتے تو یہ اردو کی مستند ترین لغات ہوتی لیکن افسوس صد افسوس کہ وہ صرف الف ممدودہ اور الف مقصورہ پر ہی کام کر پائے کہ دامِ اجل نے انہیں اچک لیا۔
"سرمۂ بصیرت" بھی امیر مینائی ہی کی مرتب کردہ ایک فرہنگ ہے جو ان فارسی عربی الفاظ پر مشتمل ہیں جو اردو میں غلط مستعمل ہیں۔ سرمۂ بصیرت شاید فی الوقت ناپید ہے۔
ذیل کے روابط سے امیر اللغات ڈاؤن لوڈ کیجیے:
امیر اللغات جلد اول
امیر اللغات جلد دوم

 

[مغزل]

لیجیے ہم اسے اپنے بلاگ میں شامل کرنے لگے ہیں شکریہ فاتح بھائی۔بہت شکریہ

 

[فرخ منظور]

واہ واہ جناب فاتح صاحب یہ تو کمال کر دیا آپ نے۔ میں مزید لغت بھی ڈھونڈتا رہا لیکن مجھے نہیں ملیں۔ آپ نے واقعی ایک مزید خزانہ تلاش کر لیا۔ بہت بہت شکریہ!

 

[مغزل]

شکریہ جناب میں نے شامل کردیا ہے ، آپ ملاحظہ کرسکتے ہیں بہت شکریہ جناب

 

[فاتح]

بہت شکریہ مغل صاحب اور فرخ صاحب۔

 

[محمد وارث]

واہ لاجواب، اور یقیناً امیر اللغات، فرہنگِ آصفیہ سے بھی زیادہ مستند ہوتی اگر مکمل ہو جاتی لیکن ابھی بھی اسکی دو جلدیں کسی خزانے سے کم نہیں ہیں، ایک ایک لفظ کی سند میں کئی کئی اشعار لکھے ہیں واہ واہ واہ۔

اور آپ کیلیے بھی وہی دعا کہ اللہ آپ کو اس کو برقیانے والی ٹیم کا رکن بنائے

 

[فرخ منظور]

واہ لاجواب، اور یقیناً امیر اللغات، فرہنگِ آصفیہ سے بھی زیادہ مستند ہوتی اگر مکمل ہو جاتی لیکن ابھی بھی اسکی دو جلدیں کسی خزانے سے کم نہیں ہیں، ایک ایک لفظ کی سند میں کئی کئی اشعار لکھے ہیں واہ واہ واہ۔

اور آپ کیلیے بھی وہی دعا کہ اللہ آپ کو اس کو برقیانے والی ٹیم کا رکن بنائے

وارث صاحب آپ شیخ غلام علی اینڈ سنز کی نسیم اللغات بھی دیکھیے اس میں بھی اشعار کی ایک کثیر تعداد موجود ہے۔

 

[محمد وارث]

انشاءاللہ ضرور، ڈھونڈتا ہوں اسے!

 

[مغزل]

لوجی ۔ فاتح انکل ۔ پھر اسی دعا کا سامنا ہوگا آپ کو۔ کر لو گل

 

[فاتح]

واہ لاجواب، اور یقیناً امیر اللغات، فرہنگِ آصفیہ سے بھی زیادہ مستند ہوتی اگر مکمل ہو جاتی لیکن ابھی بھی اسکی دو جلدیں کسی خزانے سے کم نہیں ہیں، ایک ایک لفظ کی سند میں کئی کئی اشعار لکھے ہیں واہ واہ واہ۔

اور آپ کیلیے بھی وہی دعا کہ اللہ آپ کو اس کو برقیانے والی ٹیم کا رکن بنائے

بجا ارشاد فرمایا۔ میری بھی یہی رائے ہے کہ امیر اللغات گو صرف الف ممدودہ و مقصورہ پر مشتمل ہے لیکن ان الفاظ کی حد تک موجودہ تمام لغات سے زیادہ مستند ہے۔
دعا کیجیے کہ اللہ تعالیٰ کسی صاحبِ علم کو اردو او سی آر ایپلیکیشن بنانے کی توفیق عطا فرمائے جس کے ذریعے ایسی ضخیم کتب کو برقیانے کے خواب شرمندۂ تعبیر ہو سکیں۔

 

[فاتح]

لوجی ۔ فاتح انکل ۔ پھر اسی دعا کا سامنا ہوگا آپ کو۔ کر لو گل

مغل بیٹے! مجھے یقیناً خوشی ہو گی اس دعا کو پورا ہوتے دیکھ کر اگر آپ جیسے ہونہار سپوت ساتھ شامل ہو جائیں۔

 

[شاہ حسین]

بہت شکریہ جناب فاتح صاحب نہایت گراں قدر شراکت ہے ۔
جزاک اللہ ۔

 

[عمران القادری]

واہ جی واہ یار آپ لوگوں نے کمال کر دیا۔ اتنی کام کی چیز ڈھونڈ کر دی ہے۔ اللہ تعالیٰ آپ کو جزائے خیر دے۔امین ثم امین

 

[مغزل]

مغل بیٹے! مجھے یقیناً خوشی ہو گی اس دعا کو پورا ہوتے دیکھ کر اگر آپ جیسے ہونہار سپوت ساتھ شامل ہو جائیں۔

جی بابا جی ۔
میں حاضر ہوں مگر آپ کے پاس بیٹھ کر صرف چائے پینے کے حوالے سے

 

[فاتح]

جی بابا جی ۔
میں حاضر ہوں مگر آپ کے پاس بیٹھ کر صرف چائے پینے کے حوالے سے

ارے میاں ہمیں پہلے سے ہی اندازہ تھا۔ گھر کے بکرے کی عمر جاننے کو اس کے دانت گننے کی ضرورت نہیں ہوتی