امیر المومنین سیدنا ابوبکر صدیق

[الف نظامی]

سب سے پہلے جس نے دین و کفر میں تفریق کی
فسق زارِ قوم میں اسلام کی تصدیق کی

سب سے پہلا مردِ مومن ، مصطفے کا جاں نثار
اولیں پروانہ شمعِ رسالت ، یارِ غار

پیکرِ خلق و مروت ، حاملِ سوزِ یقیں
حافظِ ناموسِ وحدت ، واقفِ اسرارِ دیں

وہ خلافت کا ستونِ اولیں ، دیں کی بہار
عرصہ گاہِ جنگ میں بھی تھا جو مردِ کارزار

وہ عروجِ علم و عرفاں ، وہ سیاست کا کمال
جس کی اربابِ سیاست میں نہیں کوئی مثال

جو سمجھتا تھا زر و دولت کا اک مدّ فضول
بس تھا جس کے واسطے اللہ اور اس کا رسول

وہ نہ تھی جس کو گوارا فرقتِ ختم الرسل
مر کے بھی حاصل ہے جس کو قربتِ ختم الرسل

ہو خلافت یا امامت حق کی یا تصدیق ہو
اولیت ہر جگہ حاصل ہوئی صدیق کو​

 

[عمر سیف]

سبحان اللہ۔ ماشاءاللہ۔

 

[الف نظامی]

پسندیدگی کا شکریہ

 

[خرم جنید مغل]

سبحان اللہ