نوید صادق
محفلین
شعلہ شوق کی آغوش میں کیوں کر آؤں
اک تمنا ہوں کہ مٹ جاؤں اگر بر آؤں
ایک نغمہ ہوں اگر ان کے لبوں پر کھیلوں
ایک حسرت ہوں اگر خود کو میسر آؤں
ایک عالم ہوں جسے بس کوئی محسوس کرے
کوئی معنی ہوں کہ الفاظ کے اندر آؤں
نقش بر آب سہی، کچھ بھی سہی، ہوں تو سہی
ریت کی قید میں کیا خود سے بچھڑ کر آؤں
میری پہچان ہو شاید انہی ذروں کی چمک
اپنے گھر میں اسی زینے سے اتر کر آؤں
کھل گئی مجھ سے حیا ان کی پر اے عمرِ وفا
دل یہ کہتا ہے کہ اب اور کسی پر آؤں
اپنے دامن میں کہو، آگ سنبھالوں کیسے
ہاتھ اپنے تو محب خیر سے اکثر آؤں
اک تمنا ہوں کہ مٹ جاؤں اگر بر آؤں
ایک نغمہ ہوں اگر ان کے لبوں پر کھیلوں
ایک حسرت ہوں اگر خود کو میسر آؤں
ایک عالم ہوں جسے بس کوئی محسوس کرے
کوئی معنی ہوں کہ الفاظ کے اندر آؤں
نقش بر آب سہی، کچھ بھی سہی، ہوں تو سہی
ریت کی قید میں کیا خود سے بچھڑ کر آؤں
میری پہچان ہو شاید انہی ذروں کی چمک
اپنے گھر میں اسی زینے سے اتر کر آؤں
کھل گئی مجھ سے حیا ان کی پر اے عمرِ وفا
دل یہ کہتا ہے کہ اب اور کسی پر آؤں
اپنے دامن میں کہو، آگ سنبھالوں کیسے
ہاتھ اپنے تو محب خیر سے اکثر آؤں
نوید صادق
محفلین
دم بھر کو چلتے چلتے ہم کیا ٹھہر گئے ہیں
لہرا اُٹھے ہیں دریا، صحرا ٹھہر گئے ہیں
تھا جانے کب سے جاری رقصِ نگارِ ہستی
ہم آئے ہیں تو سارے اعضاء ٹھہر گئے ہیں
ماحول کہ سایہ ہمراہ چل رہا ہے
اے شوق چل رہے ہیں ہم یا ٹھہر گئے ہیں
یہ کائنات ساری، تصنیف ہے ہماری
اک مسئلہ محب ہم جس کا ٹھہر گئے ہیں
لہرا اُٹھے ہیں دریا، صحرا ٹھہر گئے ہیں
تھا جانے کب سے جاری رقصِ نگارِ ہستی
ہم آئے ہیں تو سارے اعضاء ٹھہر گئے ہیں
ماحول کہ سایہ ہمراہ چل رہا ہے
اے شوق چل رہے ہیں ہم یا ٹھہر گئے ہیں
یہ کائنات ساری، تصنیف ہے ہماری
اک مسئلہ محب ہم جس کا ٹھہر گئے ہیں