انسان نما تتلی

[فخرنوید]

سری لنکا کے علاقہ گمپولا میں
پائی جانے والی انسان نما چھوٹی تتلی

 

[dxbgraphics]

اللہ خوب جانتا ہے اپنے کاموں کو۔

 

[سید محمد نقوی]

کیا یہ حقیقی تصاویر ہیں؟

 

[شمشاد]

اگر حقیقی ہوتیں تو اب تک تہلکہ مچ چکا ہوتا۔

 

[فاتح]

فخر نوید صاحب کی حوالہ نہ دینے کی عادت سے ہمارے نالاں ہونے کی وجہ یہی ہے کہ اکثر ان کے بیانات و تصاویر میں سچ اور جھوٹ مدغم ہو جاتا ہے۔

جس فورم سے انھوں نے یہ تصاویر اٹھائی ہیں وہاں اسے "انسان نما تتلی" کی بجائے بٹر فلائی مین یعنی "تتلی نما انسان" لکھا گیا تھا اور عقبی منظر میں پولیس ایویڈنس رپورٹ دکھا کر یہ ثابت کرنا چاہا ہے کہ پولیس اس انسان کے قتل کی تحقیقات کر رہی ہے۔

 

[فاتح]

یہ تصاویر "ڈین بینز" کی بنائی ہوئی ہیں جس کا کام ہی سٹیج پر جادو کے کمالات دکھانے والوں کے لیے ایسی عجیب و غریب اور منفرد تصاویر بنانا ہے۔ یہ تصاویر سب سے پہلے ڈین بینز نے 2007 میں اپنی ویب سائٹ پر لوگوں کو اپریل فول بنانے کی غرض سے شائع کی تھیں، جہاں ان کی دریافت کا مقام ڈربی شائر، انگلستان کے نواح میں بتایا گیا تھا۔ وہاں سے ان تصاویر کو اس قدر شہرت ملی کہ بی بی سی پر بطور خبر یہ وضاحت کرنا پڑی کہ یہ جھوٹی تصاویر ہیں۔ بعد ازاں eBay پر یہی جعلی ممی شدہ فیری کی تصاویر 280 پاؤنڈ میں بکیں۔
بطور حوالہ یہ صفحہ ملاحظہ ہو!
(فخر نوید صاحب! اگر آپ بھی ایسی تصاویر بجائے بغیر کسی حوالے کے محفل پر پھینکنے کی بجائے تحقیق کی تھوڑی سی محنت کر کے اس طرح ان کے ماخذ اور تفصیل کے ساتھ یہاں ارسال کر دیا کریں تو مجھ جیسے کئی ایک کا بھلا ہو جایا کرے۔)

 

[mfdarvesh]

بہت شکریہ فاتح صاحب وضاحت کا

 

[فخرنوید]

یہ تصاویر "ڈین بینز" کی بنائی ہوئی ہیں جس کا کام ہی سٹیج پر جادو کے کمالات دکھانے والوں کے لیے ایسی عجیب و غریب اور منفرد تصاویر بنانا ہے۔ یہ تصاویر سب سے پہلے ڈین بینز نے 2007 میں اپنی ویب سائٹ پر لوگوں کو اپریل فول بنانے کی غرض سے شائع کی تھیں، جہاں ان کی دریافت کا مقام ڈربی شائر، انگلستان کے نواح میں بتایا گیا تھا۔ وہاں سے ان تصاویر کو اس قدر شہرت ملی کہ بی بی سی پر بطور خبر یہ وضاحت کرنا پڑی کہ یہ جھوٹی تصاویر ہیں۔ بعد ازاں ebay پر یہی جعلی ممی شدہ فیری کی تصاویر 280 پاؤنڈ میں بکیں۔
بطور حوالہ یہ صفحہ ملاحظہ ہو!
(فخر نوید صاحب! اگر آپ بھی ایسی تصاویر بجائے بغیر کسی حوالے کے محفل پر پھینکنے کی بجائے تحقیق کی تھوڑی سی محنت کر کے اس طرح ان کے ماخذ اور تفصیل کے ساتھ یہاں ارسال کر دیا کریں تو مجھ جیسے کئی ایک کا بھلا ہو جایا کرے۔)

یار سارے کام میں نے ہی کرنے ہیں تو آپ لوگ کیسے تحقیق کروگے کیسے علم حاصل کروگے تحقیق کے طریقے سیکھو گے

 

[فاتح]

یار سارے کام میں نے ہی کرنے ہیں تو آپ لوگ کیسے تحقیق کروگے کیسے علم حاصل کروگے تحقیق کے طریقے سیکھو گے

اے کاش یہ تینوں کام آپ بھی کر سکتے۔

 

[mfdarvesh]

اے کاش یہ تینوں کام آپ بھی کر سکتے۔

جو ان کے بس میں نہیں ہے

 

[فاتح]

جو ان کے بس میں نہیں ہے

بس میں تو ہے مگر اس بس میں سوار ہونے کی تکلیف کون کرے

 

[اشتیاق علی]

نوید بھائی آپ کے پاس ایسی تصویریں آتی کہاں سے ہیں؟

 

[شمشاد]

نیٹ سرفنگ سے

 

[اشتیاق علی]

وہ تو ہے مگر اتنی حیرت زدہ اور عجیب تصاویر جو دماغ میں گڑ بڑ پیدا کر دیتی ہیں۔

 

[ذیشان حیدر]

توبہ استغفار
میں‌تو سچ سمجھ رہا تھا اچھا ہوا کسی صاحب نے بھانڈا پھوڑ دیا

 

[اشتیاق علی]

ہاں بھئی اکثر اوقات ایسی تصاویر کا پھانڈا پھوٹ جاتا ہے ۔ پہلے پہل سچ ہی لگتاہے۔

 

[ابو کاشان]

نیٹ پر ایسی تصاویر کا انبار لگا ہوا ہے۔ کچھ ایک آدھ سچ ہوتا ہے قدرت کی نشانی کے طور پر، باقی سب انسانی ذہن کی (اختراع(
شکر ہے کہ گوگل اور یوٹیوب سے سچ جھوٹ کا پتہ لگانا آسان ہو گیا ہے۔

 

[اشتیاق علی]

رہنمائی کا شکریہ ابو کاشان بھائی۔

 

[مغزل]

فخر بھیا ، آپ کی ’’ صحافت ‘‘ کی داد تو میں ابتداء میں ہی دے چکا ہوں ناں ؟؟ ( جب آپ نے نیوز سائٹ بنائی تھی)