انقلاب آئے گا!

[فرحان دانش]

ہر مزدور کا ایک ہی نعرہ ہے، انقلاب آئے گا
ہر زُبان نے یہی پُکارا ہے، انقلاب آئے گا

سب دیپ جلے بُجھ جائیں گے
سب مل کر زور لگائیں گے
ہم گیت خوشی کے گائیں گے
ہَل محلوں پر چل جائیں گے

ہر غاصب کو للکارا ہے، انقلاب آئے گا

بچوں کے آنسو بہتے تھے
بہنوں کے آنچل ڈھلکے تھے
ماؤں کے دامن پھیلے تھے
بھائیوں کے لاشے کہتے تھے

آج ہم نے قرض اُتارا ہے، انقلاب آئے گا

دن کے بھوکے شام کے بھوکے
اُونچے اُونچے نام کے بھوکے
جھوٹ کے عاشق پرنام کے بھوکے
رکھتے تھے جو عوام کو بھوکے

اب اُن کو تھپڑ مارا ہے، انقلاب آئے گا

شب کے رُسوا، دن کے پاجی
بنتے تھے ہر سال جو حاجی
سُنتے تھے ہر بات پہ ہاں جی
مَلَک، وڈیرے، خان و شاہ جی

ان سب کو ملکر مارا ہے، انقلاب آئے گا

آتے ہیں ہم دار سے کہہ دو
بھاگے نا سردار سے کہہ دو
بڑے بڑے جی دار سے کہہ دو
اس مُلک کے ہر زردار سے کہہ دو

یہ پورا مُلک ہمارا ہے، انقلاب آئے گا

اس مُلک کے ہیں دربان بھی جھوٹے
وُذرا بھی جھوٹے، سُلطان بھی جھوٹے
گُزرے ہوئے حکمران بھی جھوٹے
اور تو اور نِگران بھی جھوٹے

پانا ان سب سے چُھٹکارا ہے، انقلاب آئے گا​

 

[محمود احمد غزنوی]

وہ اور ہی منہ ہوتے ہیں انقلاب لانے والے۔ ۔۔ ۔دو کشتیوں کے سوار کبھی انقلاب نہیں لاسکتے۔ ہر آمر کی گود میں بیٹھنے والے اور اسی آمر کے زوال پر خوشیاں منانے والے انقلاب نہیں لاسکتے۔ ۔ ۔

رات کو مئے خوب ہی پی، صبح کو توبہ کرلی
رند کے رند رہے، ہاتھ سے جنت نہ گئی​

 

[فرحان دانش]

وہ اور ہی منہ ہوتے ہیں انقلاب لانے والے۔ ۔۔ ۔دو کشتیوں کے سوار کبھی انقلاب نہیں لاسکتے۔ ہر آمر کی گود میں بیٹھنے والے اور اسی آمر کے زوال پر خوشیاں منانے والے انقلاب نہیں لاسکتے۔ ۔ ۔

رات کو مئے خوب ہی پی، صبح کو توبہ کرلی
رند کے رند رہے، ہاتھ سے جنت نہ گئی​

ہاں بھائی مجھے بھی لگتا ہے کہ نواز شریف اورعمران خان انقلاب کبھی نہیں لاسکتے ۔۔۔۔۔

 

[کاشفی]

بہت خوب فرحان دانش بھائی۔۔

 

[جٹ صاحب]

شریکِ محفل کرنے کا شکریہ۔

 

[ماسٹر]

وہ اور ہی منہ ہوتے ہیں انقلاب لانے والے۔ ۔۔ ۔دو کشتیوں کے سوار کبھی انقلاب نہیں لاسکتے۔ ہر آمر کی گود میں بیٹھنے والے اور اسی آمر کے زوال پر خوشیاں منانے والے انقلاب نہیں لاسکتے۔ ۔ ۔

رات کو مئے خوب ہی پی، صبح کو توبہ کرلی
رند کے رند رہے، ہاتھ سے جنت نہ گئی​

خطرہ اس لیے یہ ہے کہ کہیں انقلاب لانے والے باہر سے نہ آجائیں !