انگریزی الفاظ کے اردو متبادل

[محمداحمد]

اچھی لڑی ہے۔

سو ہم اس لڑی کی نگرانی کریں گے ۔ وہ بھی بغیر ای میل کے ۔

 

[محمد محبوب]

عارف کریم صاحب ! بے حد شکریہ ۔ کل جب میں متبادل معنی ڈھونڈ رہا تھا تو یہی الفاظ نظر سے گزرے تھے لیکن اس کا "سینس" شاید وہ نہیں بن رہا جو ہم عام طور پر appointment کے معنی میں لیتے ہیں ۔ مثلاً جب ہم کہتے ہیں کہ "کل فلاں دفتر میں میری دس بجے appointment ہے" ۔ یا شاید یہ میری ہی ذہنی الجھن ہے ۔ ایک اور لفظ نظر سے گزرا ہے "وعدۂ ملاقات" ، اس کے متعلق کیا خیال ہے آپ کا؟ کچھ موزوں لگ رہا ہے۔

کل فلاں دفتر میں میری دس بجے ملاقات طے ہے۔

 

[بے الف اذان]

کل فلاں دفتر میں میری دس بجے ملاقات طے ہے۔

بجا فرمایا محترم !

 

[افضل حسین]

pars pro toto کا اردو متبادل کیاہے؟

 

[ابن رضا]

pars pro toto کا اردو متبادل کیاہے؟

حامی ء مکمل

 

[فرقان احمد]

آج کے کالم میں جناب نصرت جاوید نے ایک جگہ لکھا ہے،
"انگریزی زبان والے Sadistic Pleasureکے ساتھ جس کا اُردو متبادل سوچنے سے میں قاصر ہوں، بہت سے افراد ایک کلپ بھیج رہے تھے۔"
تو جناب، اس کا اُردو متبادل کیا ہو سکتا ہے؟

 

[محمد تابش صدیقی]

آج کے کالم میں جناب نصرت جاوید نے ایک جگہ لکھا ہے،
"انگریزی زبان والے Sadistic Pleasureکے ساتھ جس کا اُردو متبادل سوچنے سے میں قاصر ہوں، بہت سے افراد ایک کلپ بھیج رہے تھے۔"
تو جناب، اس کا اُردو متبادل کیا ہو سکتا ہے؟

اردوئے محلہ میں "کمینی خوشی"

 

[فرقان احمد]

اردوئے محلہ میں "کمینی خوشی"

ہمارے محلے میں کچھ مختلف تراکیب گردش کرتی پائی جا رہی ہیں۔ مثلاََ
خفگی آمیز مسرت۔
پژمردہ مسرت۔

 

[عرفان سعید]

"انگریزی زبان والے Sadistic Pleasureکے ساتھ جس کا اُردو متبادل سوچنے سے میں قاصر ہوں، بہت سے افراد ایک کلپ بھیج رہے تھے۔"

Sadistic کا ترجمہ کچھ لوگوں نے سادِیَت کیا ہے، جو کہ ایک نفسیاتی الجھاؤ کی سی کیفیت ہے۔
"سادِیَتی خوشی" شاید نئی ترکیب ہو۔

اردوئے محلہ میں "کمینی خوشی"

اردوئے معلی میں
"نشاطِ بین المجادلۂ نفس"

 

[فرقان احمد]

Sadistic کا ترجمہ کچھ لوگوں نے سادِیَت کیا ہے، جو کہ ایک نفسیاتی الجھاؤ کی سی کیفیت ہے۔
"سادِیَتی خوشی" شاید نئی ترکیب ہو۔

اردوئے معلی میں
"نشاطِ بین المجادلۂ نفس"

بھائی جان! آپ رہنے دیجیے۔ ہم ایسے ہی خوش ہیں۔

 

[فرقان احمد]

"نشاطِ بین المجادلۂ نفس"

ہم مشکل تراکیب لانے پر خود کو کوس رہے تھے۔ تاہم، یہ ٹرافی ہم آپ کی خدمت میں پیش کرتے ہیں۔

 

[عرفان سعید]

بھائی جان! آپ رہنے دیجیے۔ ہم ایسے ہی خوش ہیں۔

اس مراسلے پر مجھے "پژمردہ مسرت" سی ہوئی!

 

[فرقان احمد]

اس مراسلے پر مجھے "پژمردہ مسرت" سی ہوئی!

اور ہمیں رنجیدہ مسرت!

 

[بافقیہ]

Nostalgia کا عربی نوستالجیا اور فارسی نوستالژی استعمال ہوا ہے، اور اردو میں بھی کوئی مناسب لفظ نہیں ہے۔ اس کو یوں ہی رکھنا پڑے گا۔

جناب صحیح کہا۔۔۔ کیوں کہ کسی زبان کی اصطلاح کو اپنی زبان میں پیش کرنا کافی مشکل ہوتا ہے۔
عربی جیسی دنیا کی سب سے وسیع ترین زبان میں بھی ماہرین نے یہی نسخہ اپنایا ہے کہ اصطلاحات علی حالہ باقی رہیں۔۔۔