امجد اسلام امجد اُس نے آہستہ سے جب پُکارا مجھے

[عمر سیف]

اُس نے آہستہ سے جب پُکارا مجھے
جھُک کے تکنے لگا ہر ستارا مجھے

تیرا غم، اس فشارِ شب و روز میں
ہونے دیتا نہیں بے سہارا مجھے

ہر ستارے کی بجھتی ہوئی روشنی
میرے ہونے کا ہے استعارا مجھے

اے خدا کوئی ایسا بھی ہے معجزہ
جو کہ مجھ پر کرے آشکارا مجھے

کوئی سورج نہیں کوئی تارا نہیں
تو نے کس جھٹپٹے میں اُتارا مجھے

عکسِ امروز میں نقشِ دیروز میں
اک اشارا تجھے اک اشارا مجھے

ہیں ازل تا ابد ٹوٹتے آئینے
آگہی نے کہاں لا کے مارا مجھے

امجد اسلام امجد​

 

[فلک شیر]

خوب است............

 

[عمر سیف]

پسندیدگی کا شکریہ

 

[محمد اسامہ سَرسَری]

بہترین شراکت۔ جزاکم اللہ خیرا۔

 

[منصور مکرم]

میرے خیال میں شعر کا حقیقی مزہ لینے کیلئے عاشق ہونا ضروری ہے،تاکہ درد دل میں محسوس ہو۔
کیا خیال ہے۔

 

[منصور مکرم]

بہترین شراکت۔ جزاکم اللہ خیرا۔

لو جی بادِ سرسر بھی پہنچ گیا۔

 

[محمد اسامہ سَرسَری]

لو جی بادِ سرسر بھی پہنچ گیا۔

یہ ”بادِ سرسر“ کیا ہوتا ہے؟

 

[منصور مکرم]

یہ ”بادِ سرسر“ کیا ہوتا ہے؟

ایک ہوا کا نام۔

 

[محمد اسامہ سَرسَری]

لو جی بادِ سرسر بھی پہنچ گیا۔

ایک ہوا کا نام۔

بھائی جان! اول تو یہ لفظ ”ص“ کے ساتھ ہے، یعنی ”بادِ صرصر“ ، دوسری بات یہ کہ یہ آندھی کو کہتے ہیں، اگر ”سرسری“ کی مناسبت سے کچھ کہنا ہی تھا تو کسی اچھی ہوا سے تو تشبیہ دیتے ، آپ یہ بھی تو کہہ سکتے تھے کہ ”لو جی بادِ صبا بھی سرسراتی پہنچ گئی۔“ تیز و تند ہوا سے تشبیہ دینا تو ”سراسر“ زیادتی ہے، ہم تو صرف ”سرسری“ طور پر گزرجانے کے عادی ہیں۔

 

[منصور مکرم]

بھائی جان! اول تو یہ لفظ ”ص“ کے ساتھ ہے، یعنی ”بادِ صرصر“ ، دوسری بات یہ کہ یہ آندھی کو کہتے ہیں، اگر ”سرسری“ کی مناسبت سے کچھ کہنا ہی تھا تو کسی اچھی ہوا سے تو تشبیہ دیتے ، آپ یہ بھی تو کہہ سکتے تھے کہ ”لو جی بادِ صبا بھی سرسراتی پہنچ گئی۔“ تیز و تند ہوا سے تشبیہ دینا تو ”سراسر“ زیادتی ہے، ہم تو صرف ”سرسری“ طور پر گزرجانے کے عادی ہیں۔

اوہ ہ ہ ہ ہ ہ ہ

مجھے ایسے ہی کہنا چاہئے تھا جس طرح آپ نے فرمایا ۔

آپکی بات سے متفق ہوں۔
معلومات میں اضافے کا بہت شکریہ

 

[غدیر زھرا]

اے خدا کوئی ایسا بھی ہے معجزہ
جو کہ مجھ پر کرے آشکارا مجھے

بہت خوب