جون ایلیا اُس نے ہم کو گناہ میں رکھا

[mtahirz]

اُس نے ہم کو گناہ میں رکھا
اور پھر کم ہی دھیان میں رکھا

کیا قیامت نمو تھی وہ جس نے
حشر اُس کی اٹھان میں رکھا

جوششِ خوں نے اپنے فن کا حساب
ایک چوب۔۔اک چٹان میں رکھا

لمحے لمحے کی اپنی تھی اِک شان
تُو نے ہی ایک شان میں رکھا

ہم نے پیہم قبول و رد کر کے
اُس کو اک امتحان میں رکھا

تم تو اس یاد کی امان میں ہو
اُس کو کِس کی امان میں رکھا

اپنا رشتہ زمیں سے ہی رکھو
کچھ نہیں آسمان میں رکھا

 

[کاشفی]

بہت خوب جناب!

 

[ظفری]

جون ایلیا کی بات ہی کچھ اور ہے ۔ مگر مطلع کے پہلے مصرعے میں قافیہ کیا صحیح ہے ۔ ؟

 

[قیصرانی]

خوب

 

[عمر سیف]

بہت خوب